Nɔɔneŋ 129

Kefane tia Iseraetena Kɔlara

1 Ɛ yela Iserae ke yako nyi,

<<Be naase maŋ diyem nideli leenaŋ me tobiiritɛɛ,>>

2 <<Be naase maŋ diyem nideli leenaŋ me tobiiritɛɛ,

mɔna ba te tale di me dɔɔ ya.

3 Wɔɔfarala te pupui me wɔle,

te be wɔŋa ke dɔɔloŋ dɔɔloŋ ŋgba dedaŋ nɛ.

4 Mɔna Degbeŋgyoo tenɛɛ,

ɔ te tirii akpanyanyaŋtena ŋmeeseŋ.>>

5 Baŋ pou bɛɛ kɔla Siyɔn nɛ,

baa mo desɛŋ bese be wɔle.

6 Baa yɛɛ ŋgba deni nyeedɔɔ ŋale,

keŋ na boto pɛte kɛɛ bee nɛ,

7 ke bɛɛ wulu ŋon ɔ ne kɛrɛɛ nɛ nyiŋmaase,

yaa ŋon ɔ ne yilaa nɛ baameŋse man ya.

8 Baŋ bɛɛ lam botɔɔ nɛ naa yako wɔ nyi,

<<Degbeŋgyoo waa hiraa ŋon,

dee hiraa ŋon lee Degbeŋgyoo yele man>> ya.