Nɔɔneŋ 100

Yele kalese nɔɔneŋ

1 Tɛɛle pou, ɛ nyaŋee fae yeesa fa Degbeŋgyoo.

2 Ɛ mo gyoŋ som Degbeŋgyoo,

ɛ mo kenyaŋee nɔɔneŋ kɔŋ ɔ siaman.

3 Ɛ gyeŋ nyi Degbeŋgyoo yɛna Wurubuarɛ.

Ŋon yɛɛna daa, te de yɛɛ ɔ wui.

De yɛɛ ɔ balaŋwɔ, ɔ wonembia dedii man namense.

4 Ɛ mo karaŋ kefa gyoo ɔ denaanɔɔ man,

na ɛ ka mo yele kalese gyoo ɔ dekpaŋalaŋ man.

Ɛ fa e karaŋ na ɛ ka lese ɔ yele.

5 Nawolo nyi Degbeŋgyoo dei, te ɔ kegyae kyaa kekpaakekpaa,

wa anokoare kedi doo fa kalola kegyakaarese pou.