Nɔɔneŋ 123

Kefane fa waraŋase kewii

1 Me te gyina me sia tee neŋ,

nyaŋ ŋon n kyaa gyoorogbeli dɔɔ adido.

2 Mena keŋ gbeŋi tobaale ne kɛɛ ɔ gbeŋgyoo siaman,

mena keŋ gbeŋi alebu ne kɛɛ ɔ gbeŋgyoo alo siaman,

mena yaa daa mɔ ne kɛɛ Degbeŋgyoo de Wurubuarɛ siaman,

kelii debaŋ keŋ waa wii daa.

3 Wii de waraŋase, Degbeŋgyoo, wii de waraŋase,

nawolo nyi ba te naase daa diyem gbaa.

4 Baŋ be dana ba wose ne kulu daa,

baŋ bee gyina ba wose na do daa desɛŋ,

yela te gbaa daa.