1 Degbeŋgyoo, me doo kayeyɛɛ dinaa man mee wii baake neŋ,

2 Degbeŋgyoo, nyii ma woya.

See deŋele n ke tei,

me kewii baake.

3 Nyi nyaŋ Degbeŋgyoo de yako nyi n ne ŋmarase de nombiakumɛɛ see na,

Degbeŋgyoo, amɔte ne gyaela waa tale seŋ?

4 Mɔna nyaŋ na mo dukum kyɛɛ,

na baa nyiŋ mo keyee som neŋ.

5 Mɛɛ kɛɛ Degbeŋgyoo gbɛɛ, ma woo ne kɛɛ gbɛɛ,

me loo gyakaa ɔ nombia dɔɔ.

6 Mɛɛ kɛɛ Degbeŋgyoo gbɛɛ,

kela mena keŋ dekere ne kɛɛ tɛɛkena gbɛɛ,

kela mena keŋ dekere ne kɛɛ tɛɛkena gbɛɛ.

7 Iserae mo n loo gyakaa Degbeŋgyoo dɔɔ,

nawolo nyi Degbeŋgyoo kegyae taŋ ɔto ya,

ɔ ne lɛɛ balaŋ nyee gbagba.

8 Ŋon gbagba ne gyaela waa lɛɛ Iserae,

lee be nombiakumɛɛ pou man.