1 Wurubuarɛ waa wii daa na waa hiraa daa,

na waa gyuusu ɔ sia kɛɛ daa,

2 na balaŋ ka gyeŋ n gbɛɛneŋ tɛɛle kei dɔɔ,

na n nyeekelɛɛ tɛɛlese pou man.

3 Wurubuarɛ, balaŋ baa lese n yele,

balaŋ pou baa lese n yele.

4 Dɛɛ yɛɛ tɛɛlese pou gyoŋ na baa kpee kenyaŋee nɔɔneŋ,

nawolo nyi n ne di balaŋ nombia kegbɛɛ dɔɔ,

te n na wola tɛɛle kei dɔɔ balaŋ gbɛɛ.

5 Wurubuarɛ, balaŋ baa lese n yele,

balaŋ pou baa lese n yele.

6 Tɛɛle keŋ ne de weenɛɛ,

Wurubuarɛ, de Wurubuarɛ te hiraa daa.

7 Wurubuarɛ waa hiraa daa bela,

na baŋ be kyaa tɛɛle ɔto pou ke yee e.