1 Degbeŋgyoo, kelii woromɔ? Nyaŋ ke wolee maŋ kekpaakekpaa?

Kelii woromɔ yaa nyaŋ ka mo n sia weese maŋ?

2 Kelii woromɔ yaa maa nyii weeleŋ me konɔɔ man?

Kaboena nyi maa di waraŋsa wee na wee?

Kelii woromɔ yaa me kɔlare waa di me dɔɔ?

3 Degbeŋgyoo me Wurubuarɛ, kɛɛ maŋ na n ke tiranɔɔ fa maŋ.

Yela me sia keŋmaŋee maŋ, na mena ya na maa yeŋ dosoroŋ man,

4 na me kɔlare ke yako nyi, <<Me te di ɔ dɔɔ,>>

na me kɔlara ke nyaŋee nyi ma te yale.

5 Mɔna me sia gyakaa n kegyae keŋ be taŋ ɔto ya nɛ dɔɔ,

mɛɛ nyaŋee me konɔɔ man lee n nyeekelɛɛ dɔɔ.

6 Maa kpee nɔɔneŋ lese Degbeŋgyoo yele,

nawolo nyi ɔ te yɛɛ deeli fa maŋ.