1 Degbeŋgyoo kyɔ daa, nawolo nyi ŋolo bee di anokoare bela ya,

anokoaretena te taŋ denibalaŋ man.

2 Walaŋ kamasɛ ne di dekara bo fa ɔ dɔɔ,

be yɛɛ nɔɔman yeliŋ bo,

te be dana nɔɔse ala ala.

3 Degbeŋgyoo waa do nɔɔman yeliŋtena,

na laakemse ŋan ne kolosi agaŋtaŋ man nɛ dokɔŋ.

4 Baŋ bɛɛ yako nyi,

<<De laakemse gyae ke yela dee nyiŋ keŋ dɛɛ gyae,

daa gbagba de nɔɔsebia gyae ke lɛɛ daa, amɔte yɛna de gbeŋgyoo?>>

5 Degbeŋgyoo kpa nyiaa, <<Lee keŋ bɔɔ ŋere ayematena do, te baŋ bɔɔ dana kolo ya nɛ na toroŋ dɔɔ,

nɛnɛɛ maa koro.>>

<Maa lɛɛ wɔ lee baŋ bɛɛ ŋere wɔ do nɛ nyiŋmaa man.>>

6 Degbeŋgyoo keyakosee yɛɛ fereŋkyeŋ,

ŋgba kɔba wolom keŋ bɔɔ yalakee ke bodobodo kosɔ man,

yaa kɔba yayam keŋ bɔɔ kyalase ke betabo nyetooro nɛ.

7 Degbeŋgyoo, nyaŋ ne gyaela n ke yela ayematena ke kyaa wose kefɛɛ man,

na n ke gyee daa lee akpanyanyaŋtena,

8 baŋ be dɔŋ yenaŋ kamasɛ,

debaŋ keŋ nombiakumɛɛ keyɛɛ gyakaa na boo denibalaŋ man bo nɛ.