1 Me Wurubuarɛ ŋon n tenɛɛ,

me baake neŋ na kpa maŋ.

Lese maŋ lee me kaale man,

wii me waraŋase na n ke nyii ma kefane.

2 Ɛmɛɛ balaŋ kɛwɔ, kelii woromɔ yaa ɛ ke tina me gyoorobiiri keŋ kewɔlɛɛ yela?

Kelii woromɔ yaa ɛ ke tina nɔɔwoya ŋan be dana tɔnɔɔ ya, na akɛrɛɛ kedi yela?

3 Ɛ gyeŋ nyiaa, Degbeŋgyoo ta lese ɔ tobaale anokoarete ŋon see yenaŋ fa ɔ wose,

me baake Degbeŋgyoo na ɔ ne nyii maŋ.

4 Gyeŋ baŋ, mɔna naa yɛɛ dukum ya,

n doo n dofoŋoŋ dɔɔ na,

yɛɛ diiŋ na n ka gyoo n wose man.

5 Yɛɛ kedeesase ŋan tenɛɛ,

na n ka mo n wose lɔ Degbeŋgyoo dɔɔ.

6 Degbeŋgyoo, balaŋ burum ne bɔɔse nyiaa, <<Amɔte ne gyaela waa yela dee nyiŋ da wose?>>

Gyuusu n sia na n ke wii maŋ.

7 N ta mo kenyaŋee do me konɔɔ man,

kela debaŋ keŋ be weenɛɛ na ba soloŋ wɔle be gbigi wɔ nɛ.

8 Maa tisi doo, na maa doo dosoroŋ wosefɛɛreŋ man,

nawolo nyi nyaŋ Degbeŋgyoo nyaageŋ,

ne yelela mee doo wɔe kefɛɛ man.