1 Nyi Degbeŋgyoo te baŋ deni keŋ ya na,

deni maara baŋ ne yɛɛ tom bo yakaa.

Nyi Degbeŋgyoo te gyee donɔɔ dinaa keŋ ya na,

gyeera baŋ ne gyee bo yakaa.

2 Ke yɛɛ yakaa ŋgba ɛ ne karatɛɛ koro nebo nebo,

na ɛ te kyaa kelii nelim,

naase ɛ wose diyem nyi ɛ ne gyae weenɛɛ ɛ kedi.

Nawolo nyi Degbeŋgyoo ne fa baŋ ɔ ne gyae nɛ weenɛɛ dosoroŋ man gba.

3 Bia yɛɛ dedii ke lee Degbeŋgyoo gyaŋ,

dokyoa man bia yɛɛ kom ketɔ ke lee ɔ gyaŋ.

4 Mena keŋ baŋdaŋ nyeela doo yoonɔɔte nyiŋmaa man nɛ,

mena te tobiiritɛɛ bia mɔ doo.

5 Baale ŋon ŋɔɔ wulu ɔ gbegya nɛ,

ŋonna nyeebam.

Nyi ŋon na ɔ kɔlara de gyaŋee gbelɛɛ na,

desɛŋ be gyae ke kyaŋ e ya.