Adoração
A adoração é a resposta do coração humano à majestade de Deus. Deus é Espírito e importa que os que o adoram o adorem em espírito e em verdade — com todo o ser.
Adorar em espírito
Deus é Espírito e importa que os adoradores o adorem em espírito e em verdade. A adoração verdadeira brota do coração.
Pachia tuh Muisaw thua zah a beik hae paw nynh muisaw te byaccing te a beik cih hae," a ci.
Thuasalama Pachia a beik ccaccing hae paw nynh Paaw kha muisaw te thuasah, byaccing te thuasah oun beik hae ccyh yn thua cih, tuh-e ccyh tuh atumaw yn thua vae. Pawccecize Paaw nynh khahcihawpaw ccungccaw hae kha amaw a beiktu lang a ccung hae. Pachia tuh Muisaw thua zah a beik hae paw nynh muisaw te byaccing te a beik cih hae," a ci.
Jesu nynh, "Nopinung, kae hynh yn zyn, nanning nynh hynh-e mua vawlan thua leite, Jerusalem kya mah thua leite Paaw kha nae beik ccyh oh yn thua cih. Nanning nynh na ny lei oh paw kha na beik oh, kaening tuh kae nypaw kha kae beik, pawccecize khumnaw tuh Judah hae kyate nynh yn thua. Thuasalama Pachia a beik ccaccing hae paw nynh Paaw kha muisaw te thuasah, byaccing te thuasah oun beik hae ccyh yn thua cih, tuh-e ccyh tuh atumaw yn thua vae. Pawccecize Paaw nynh khahcihawpaw ccungccaw hae kha amaw a beiktu lang a ccung hae.
Aning nynh, "Bawipaw, ka zyn," ci zah amaw kha a beik.
Tetuh Jesu nynh, "Satan, cceih ccavae! Pawccecize Ccathyaa kya,
‘Bawipaw na Pachia kha
beik lah amaw kyalya kha
ryalawpah,’ cite azeikuh," a cipya.
Jesu nynh,
" ‘Bawipaw na Pachia kha
na beik cih zah, amaw kyalya kha
rya na lawpah cih,’ cite
Ccathyaa kya azeikuh," a cipya.
Jesu kya Hiinnaw Thawpaw
Tukeiccuze uteno hae, Pachia kya-e ngaethyaumsahnaw liate kae ngia ry oh paw tuh, nae pyn kha athyaapaw te Pachia kalan douccahpaw ahiinpaw silawkunawpaw lante pyakuh oh; tuh-e tuh na cyi lan oh paw muisaw te asekuhpaw beiknaw nynh thua.
Jesu kya Hiinnaw Thawpaw
Tukeiccuze uteno hae, Pachia kya-e ngaethyaumsahnaw liate kae ngia ry oh paw tuh, nae pyn kha athyaapaw te Pachia kalan douccahpaw ahiinpaw silawkunawpaw lante pyakuh oh; tuh-e tuh na cyi lan oh paw muisaw te asekuhpaw beiknaw nynh thua. Nanning nynh hynh-e laephi muinsanke nan oh, thuasalama ahoypaw uccaw, ry lan umpaw uccaw te accingpaw uccaw cikuh hae paw—Pachia rynaw tuh pawmou athua cipaw na thaethya nawlan oh, nae thinlung kha thawsakute muinsan rulaekuh oh.
Pawccecize pawpaw tynre balyn tuh amaw kyate, amaw liate, amaw hanlan nynh thua. Amaw kya phu-enaw zungzae um sah. Amen.
Pawccecize Ccathyaa kyaze,
"Bawipaw nynh,
‘Kae tuh ka hiin thyhawte,
ccungccaw miakaw nynh
ka malang ccukharu a tung cih hae,
mih munglae raveihte
Pachia kha the a hoysah cih hae,’
a ci," cite azeikuh.
Louvor e reverência
Vinde, adoremos e prostremo-nos. Louvai ao Senhor! Todo ser que respira louve o nome glorioso do Senhor.
Rang oh, bakhung oh sih lah,
beik oh sih,
oun Raetu Bawipaw malang
ccukharutung oh sih!
Rang oh, bakhung oh sih lah,
beik oh sih,
oun Raetu Bawipaw malang
ccukharutung oh sih!
Pachia Lesaenaw Thehoysah
Bawipaw kha thehoysah oh!
Pachia kha a beikinnthyaa kya
thehoysah oh;
adawkuhpaw a vaawlui kya amaw kha
thehoysah oh!
Alesaepaw a raepaw keiccu
amaw kha thehoysah oh;
myaryasankae lepaw
a lesaenaw thyhte
amaw kha thehoysah oh!
Mungkae roi te amaw kha
thehoysah oh;
phyly te tintang khate
thehoysah oh!
Tyng te law biate amaw kha
thehoysah oh;
arui umpaw te thuasah,
akhu uapaw te thuasah
thehoysah oh!
Aroi ccaepaw lanchi te
thehoysah oh;
aroi myarya ccaepaw
lanchi alepaw te amaw kha
thehoysah oh.
A hysuepaw balyn nynh
Bawipaw kha thehoysah oh!
Bawipaw kha thehoysah oh!
A hysuepaw balyn nynh
Bawipaw kha thehoysah oh!
Bawipaw kha thehoysah oh!
Lungtuabya hote a koikua
lungkhu lang tee oh lah,
thehoysah te a voidu lungkhu lang
tee oh.
A tungvaw lungtuabya ho oh lah,
a min kha thehoysah oh.
Bawipaw a min phu-enaw kha
thehoysah oh;
athyaapaw ccaannaw khate
Bawipaw kha beik oh.
Pachia Hoynaw Thehoysahnaw
Laephi ccungccaw hae balyn,
Pachia kalan lungtuate sia oh;
a min phu-esahnaw hlaw kha sah oh;
aphu-epaw thehoysahnaw kha
amaw kalan pya oh.
Pachia kalan khe, "Na cyipaw uccaw hae hynh
pawcih baban mou ngaeang lan a um!
Na huhan tuh myarya ale keiccuze,
na rhaw hae tuh na malang rawrite
a bakhung hae.
Laephi ccungccaw hae balyn nynh
nang kha ae beik hae;
namaw thehoysahnaw hlaw kha
a sah hae,
na min thehoysahnaw hlaw kha
a sah hae," cite ho oh.
Amaw kalan thawte ka sia zah,
ka lae te amaw kha the ka hoysah.
Pou Bawipaw , na raepaw
minphuin balyn nynh
oun cceih cih hae zah,
na malang bakhungte na min kha
ae thehoysah cih hae.
Pawccecize nang tuh na lesae zah,
ngaeangthua lan umpaw
uccaw hae kha na rae;
nang rou nynh Pachia na thua.
Pachia Hoynaw
Pou ka muisaw,
Bawipaw kha thehoysah tua,
ka lungkhu umpaw balyn,
a min thyaapaw kha thehoysah oh.
Israel hanlan Pachia Lungzinaw
Bawipaw kalan lungtuabya ho oh,
a min kha ko oh lah,
a cyipaw kha ccungccaw hae nysah oh.
Pachia kha Tui lang Hawnaw
Pou Pachia, nang tuh ka Pachia nynh
na thua, nang kha kae ccung,
tui a um leinaw laerou kya hawte,
ka muisaw nynh nang kha
tui lang ae haw;
ka pynsaw nynh nang kha ae ngae.
Atynpaw na sungsahnaw tuh
hiinnaw laeze ahoyhua keiccuze
ka munglae nynh nang kha
ae thehoysah cih.
Tuhcite ka hiin lungkhu balyn
nang kha kae thehoysah cih,
ka kuih ka hang cih zah
na min kha kae ko cih.
Declarações de adoração
Tu és digno, Senhor, de receber glória e honra! Ao Senhor pertence a grandeza, o poder, a glória e a majestade.
"Pou Bawipaw, nang tuh phu-enaw,
sawtuanaw te huhan kha
mue lan na ngaekuh;
pawccecize pawpaw balyn kha
na rae vae, tuh-e hae tuh
na rynaw hawte rae thua zah a um hae,"
a ci hae.
Aning nynh roi accae lante ho zah, "Pachia raw kha rih oh lah, thehoysah oh; pawccecize a byapianaw ccyh tuh yn thua vae; vaawlang, laephi, rili te tuidy a raetupaw kha beik oh," a ci.
Pou Bawipaw, hummou na rawri leite,
na min kha phu-esah leite a um cih?
Pawccecize nang rou nynh
athyaapaw na thua.
Bya na piapaw balyn tuh
a langku vae keiccuze
minphuin hae balyn nynh
oun thua cih hae zah
ae beik cih hae,"
a ci hae.
Thangsahnaw te Nyathya Sawsang
Kae, Johan nynh hynh-e uccaw hae hynh ka muih zah ka thae. Tuh-e hae tuh ka thae zah he ka muih tuh, hynh-e uccaw hae yn muihsahpaw vaawpaw cculeihpaw khe beik lan cite ka bakhung. Aning nynh, "Hynhte cyih nan! Kae tuh nang te ryalahkheihtu nynh ka thua, na uno hae profeh hae te hynh-e ccauh kya umpaw bya a zui hae paw ryte ryalahkheihtu nynh ka thua. Pachia palia kha beik," yn cipya.
Pou Bawipaw , lesaenaw, huhan, phu-enaw, taenaw te sawtuanaw tuh namaw kya-e nynh thua; pawccecize vaaw te lae kya a umpaw balyn tuh namaw kya-e nynh thua; pou Bawipaw , peenaw tuh namaw kya-e thua zah nang tuh atyn-are luki umpaw lu lang hangthung na thua.
Bawipaw tuh hoy zah
atynpaw a sungsahnaw tuh
zungzae atyn keiccuze
amaw kalan lungtuabya ho oh.
"Pou kaening oun khumtu Pachia,
athyaapaw na min kha kae luung zah
namaw thehoysahnaw kyakhe
phu kae esah nawlan,
minphuin hae laku kyate
kaening hynh khumte
oun suelua lah, oun luesah tua.
Bawipaw , Israel Pachia tuh
zungzae te zungzae cia thehoysah
thua vae sah,"
cite ho oh. Ccungccaw balyn nynh, "Amen!" ci hae zah, Bawipaw kha the a hoysah hae.
Bawipaw tuh hoy zah
atynpaw a sungsahnaw tuh
zungzae atyn keiccuze
amaw kalan lungtuabya ho oh.
Amaw kalan hlawsah oh,
thehoysahnaw hlawsah oh;
ngaeangthua lan umpaw
a ryalaw balyn kha ho oh.
Tukeiccuze Pachia nynh mah
amaw kha kou hangthung zah
min balyn laeze
alesae huapaw min kha a pya,
tukeiccuze vaawlang um hae paw,
laephi vaw um hae paw te
lae kaw um hae paw miakaw nynh
Jesu min kya
ccukharu a tung cih hae zah,
Paaw Pachia phu-enaw hanlan
munglae miakaw nynh
Jesu Khri tuh Bawi nynh thua,
a ci cih hae.
Sacrifício de louvor
Por meio de Jesus ofereçamos sempre sacrifício de louvor. Cantai ao Senhor, celebrai em salmos — enchei-vos do Espírito.
Tukeiccuze amaw liate Pachia kalan thehoysahnawpaw silawkunaw kha palei rae oh sih, tuh-e tuh amaw min kya lungtuabya hopaw khalang athae nynh thua.
Tukeiccuze ahy kho leipaw peenaw kha ah ccou oh keiccuze lungpawte um oh sih, sawtuanaw te rawrinaw ryte douccah lante Pachia kha beik oh sih. Pawccecize aening ah Pachia tuh aruapaw maee nynh thua.
Sam hlaw hae, thehoysahnaw hlaw hae te muisaw hlaw hae khate lu kheit te lu kheit byahokuh oh lah, nae thinlung kya ahoypaw roisaw biate Bawipaw kalan hlawsah oh.
Khri bya tuh nae kya phe beih lan la um sah; lu kheit te lu kheit hawnaw tynre te ccangpyakute raeringnaw pyakuh oh; nae thinlung kyakhe lungtuanaw thinlung te sam hlaw hae, thehoynaw hlaw hae te muisaw hlaw hae kha Pachia kalan sah oh.
Ziraccyng khe Paul te Silas tuh sawsang hae zah Pachia thehoysahnaw hlaw a sah hae; te thongccah hae nynh a ngae hae.
Teingnaw koute Paul nynh Luungnaw
Ngaethyaumsahnaw Paaw te ngaengansahnaw balyn Pachia athuapaw, ah Bawipaw Jesu Khri a Paaw, Pachia tuh thehoyte um sah. Pachia nynh aening ah ngae oun ngansahnawpaw, ngaengansahnaw khate vawsawnaw aphuinphuin a tung hae paw kha aening nynh ngaengannaw ah pya kho nawlan oh, ah vawsawnaw balyn kya aening kha ngaengannaw oun pya.
Nanning mah kaening ryte vaeccawkunaw na hoibua ccaw oh cite kae muihpaw te kae thaepaw kha kae hopya oh; kaening tuh Paaw te a Ccapaw Jesu Khri ryte vaeccawkunaw kae hoi.
Adoração como vida
Exaltai ao Senhor, prostrai-vos ante o escabelo dos seus pés. A adoração genuína transforma o adorador e agrada o Criador.
Bawipaw ah Pachia kha
thehoysah oh;
a ccu khangnawpaw kaw khe
bakhungte beik oh.
Aning tuh athyaapaw nynh thua!
Anin ninlang ka mung nynh
nang kha ae thehoysah zah
na phu-enaw kong kha a ho.
Pachia kalan hlawsah oh,
amaw min kha thehoysahnaw hlawsah oh;
maeking vawlan a ccikuhpaw kha
hlawsahpah oh,
a min tuh Bawipaw nynh thua,
amaw malang nae lungtua sah.
Ngawraw hae paaw thua zah,
nomae hae kha
a thungkhaw hae paw tuh
a beikinnthyaa kya a umpaw
Pachia nynh thua.
Bawipaw tuh a dingnaw keiccuze
lungtuabya ka ho cih zah,
Ahang Huaccepaw Bawipaw min kha
hlaw te the ka hoysah cih.
Na min kha ka uno hae kya
ka hopah cih hae;
a pumkuh hae paw ngaelung kya
nang kha kae thehoysah cih:
Bawipaw raw a rih hae paw,
amaw kha thehoysah oh!
Jakob ciihan hae balyn,
amaw kha phu-esah oh;
Israel ciihan hae balyn,
amaw raw kha rih oh!
Na kalan ka kuih kha ka dyng;
ramrou hawte ka muisaw nynh
nang kha tui lang ae haw.
Pou ka muisaw, pawcce na ngaethya?
Pawcce ka lungkhu kya
na lungriathae?
Pachia kha ngaehoikuh;
yn bawmtu te ka Pachia kha
bua ka thehoysah cih.
"Nang tuh ka Bawipaw nynh na thua;
Namaw kyate holeite hoynaw ka hoi khyh,"
cite Bawipaw kha ka hopya.
Bawipaw rya kha
rawrinaw te lah oh lah,
thyngkute
Na tungvaw myarya ka lungtua cih;
Pou Ahang Huaccepaw,
na min kha thehoysahte
hlaw ka sah cih.
Falsa adoração
Não terás outros deuses diante de mim. Não adorarás ídolos. A adoração exclusiva ao Senhor é mandamento inegociável.
Tuh-e zohtuh hae malang na bakhung lan khyh zah na beik lan khyh; pawccecize Bawipaw nae Pachia kae tuh a eiungpaw Pachia ka thua zah kamaw oun vuapaw ccungccaw hae kha she thum, she pali kyacia, paaw hae seinaw hanlan ccaaw hae kha de a tahpaw Pachia nynh ka thua,
(ccangpaw pachia kha na beik lan khyh, pawccecize a min "Eiumthyapaw," cikuhpaw Bawipaw tuh a eiungthyapaw Pachia nynh thua.)
Moses nynh bu lungkhu lang he a tee tuh, maeking tung nynh yn rungbung zah bu thuakaw kyakhe a thadyn, te Bawipaw tuh Moses te bya a hokuh hae. Ccungccaw balyn nynh bu thuakaw kya a thadynpaw maeking tung kha he a muih hae tuh, mih balynte thokuh hae zah mih bu thuakaw kyakhe pong a bakhung hae.
Bawipaw tuh ka thawzung te
ka cyi khonaw thua zah
yn khumtu nynh thua;
amaw tuh ka Pachia thua zah
the ka hoysah cih, ka minpaaw hae
Pachia thua zah ka hangthung cih.
"Pou Bawipaw , pachia hae lakuze
nang ae lopaw hummou a um?
Nang hawte thyaanaw kya
huhan a hoipaw, lesaenaw kya
ri lan umpaw, ngaeang lan umpaw
uccaw a rae khopaw hummou a um?
Bawipaw na Pachia kha na beik cih zah na sanlou te na tui kha hythua kae pya cih; na lungkhu kyate ccinaw kha kae lawpah cih.
Aning tuh na thehoynawpaw nynh thua; na mit te na muih vae paw hynh-e alesaepaw te ri lan umpaw uccaw hae kha ae raepahpaw na Pachia nynh thua.
Te nanning nynh tuin kya Bawipaw nae Pachia malang khe na ae cih oh, Bawipaw nae Pachia nynh hythua ae pya oh zah na cyi oh paw miakaw kya nanning te nae innbyn hae tuh pynkheihlan nae lungtua cih.
Minmin nynh ramccang
pachia hae khate amaw kha
eiungnaw a hoisah hae,
anungsikuhpaw uccaw hae khate
a thinriasah hae.
Minmin nynh Pachia kalan
thua leite, raerangsaro hae kalan,
nae minpaaw hae nynh
a ri lei hae paw,
athaw oun thua hae paw,
a ny lei hae paw pachia hae kalan
si a law hae.
Nang lang ae tangsahpaw
Lungpi kha pawlang na ria khyh;
nang ae saahtupaw
Pachia kha na ning.
Raeringkuh oh, tuhkhyhze tuh ahme leipaw laanpi kalan soih na thua cih oh zah, ccangpaw pachia hae kha ryalawpyate na beiksei cih oh,
Bawipaw nynh,
"E ccungccaw hae nynh mih khalang te
ka kalan naekuh hae zah,
mih munglae te saw oun tua hae,
mih thinlung tuh ka kyate asawkuh,
minmin nynh kae yn beiknaw hae paw tuh
ciakute a ccangku hae paw
ccungccaw kawbya kha nynh thua;
Thehoysahnaw Hlaw
Pou Bawipaw , nang tuh
ka Pachia nynh na thua;
nang kha kae hangthung cih,
na min kha kae thehoysah cih;
pawccecize ngaeang lan umpaw
uccaw hae kha na rae vae,
langmawlya te na la paccynpaw kha
lungzite na ccingsah vae.
Pachia nynh minmin kha maetawkuh hae zah vaawlang e uccaw hae kha beik khylan a vua vae hae. Profeh hae ccauh kyaze,
‘Pou Israel hae, nanning nynh
ramkaw kya kum sung pali lungkhu
na chia oh paw sahiin hae te
silawnawpaw hae kha
kamaw kalan nae pya oh zawtou?
Moloh pachia bu te
nae pachia Refan kya-e awsi,
beik lan na raeku oh paw
zohtuh hae kha na phuku oh;
tukeiccuze kae mah nanning kha
Babilon khuapi khunglang
kae nue cih oh,’
cite azeiku hawte nynh athua.
Ahme leipaw zakawsangsakunaw kya te vaaw hae beikpaw kya a lungrythuapaw hum nynh san thethya ae la ho nan oh sah; tuh-e paw tuh amaw a tuanaw khate accakaepaw kya a tansakuhpaw, a muihpaw vizin hae kha phang kyngkuh zah, lu athuapaw Khri kha varyng a kyngkuh leipaw nynh thua. Lu kyate pyn balyn tuh kua thua zah rukhua atungkunaw hae kyate pynkheihlan a khelekuh hae, Pachia kya-e lethungnaw te a lethung hae.
Hum nynh zemah pawpawte sanmah ae la ling nan oh sah; pawccecize tuh-e Nin a thua maw, zynnaw kyate khuliakunaw a umty cih, te seinaw ccungccapaw athuapaw ronaw ccapaw kha yn langkuh cih. Tuh-e paw nynh pachia cite ko athuapaw miakaw te beik athuapaw uccaw hae kha yn rawse cih, amaw te amaw kha tuh-e hae balyn laeze hangthungkute Pachia beikinn kya yn haung cih zah Pachia nynh ka thua cite yn hokuh cih.
Exemplos de adoração
Jó adorou em meio ao sofrimento. Esdras adorou na restauração. Paulo e Silas adoraram na prisão — e Deus respondeu.
Tetuh Job nynh thokuh zah a boeining kha a seii, a lu kha ookuh zah laephi kya a bakhung, te Pachia kha a beik. Job nynh, "Ka nung vue kyate ka sasete ka pui zah, ka sasete ka ki cih; Bawipaw nynh yn pya zah Bawipaw nynh phe a law vae; Bawipaw min tuh thehoyte um sah," a ci.
Bawipaw kha lungtuate thehoysah hae zah,
"Bawipaw tuh ahoy,
atynpaw a sungsahnaw tuh
Israel tungvaw kya zungzae atyn,"
cite liakute hlaw a sah hae. Bawipaw inn aleihpaw kha bing athua vae keiccuze ccungccaw balyn nynh Bawipaw kha thehoysah hae zah thawte a sia hae.
Atu kae, Nebukhadnezzar nynh vaaw Siapharan kha the ka hoysah, ka hangthung zah saw ka tua;
pawccecize a cyipaw balyn tuh kyh zah,
a laanpi tuh ading;
a lysakuh hae paw kha
a nyaasah bung kho hae.
Tukeiccuze pou Bawipaw Pachia, nang tuh na lesae; pawccecize kae nakaring te kae thaepaw balyn thyhte nang ae lopaw lu kheit san um khyh zah namaw laelan ccangpaw Pachia um khyh.
"Bawipaw hawte Athyaapaw
humhung mah um khyh,
namaw laelan humhung mah
um khyh;
ah Pachia alopaw Lungpi um khyh.
Levi phin hae Jeshua, Kadmiel, Bani, Hashabneiah, Sherebiah, Hodiah, Shebaniah te Pethahiah hae nynh, "Thadyn oh lah, Bawipaw nae Pachia kha zungzae te zungzae cia thehoysah oh. Thehoynaw te phu-enaw balyn laeze hangthung athuapaw aphu-epaw na min tuh thehoyte um sah," a ci hae.
Vawsaw lya Lungpawnaw
Thaeku ku nynh
apaw paw khyh zah,
misu ku kya athae
a um khyh zemah thuasah,
oliv thing nynh athae thae khyh zah,
loo kyate looh
apou khyh zemah thuasah,
tuukhia kya tuu um khyh zah,
sahiin inn kya sahiin
a um khyh zemah thuasah
Bawipaw kya ka lungtua cih zah,
yn khumtu Pachia kya
ka lungpaw cih.
Kae kha nae ko oh zah ka kalan cciate saw nae sang oh ze, kae thaepah cih oh.
Pachia kalan naekuh oh lah, aning mah nae kalan a naekuh cih. Misei hae, nae kuih kha ccikankuh oh, thinlung aphei hae paw, nae thinlung kha thyaasakuh oh.