Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
आसे तेसरा तन्यवाद करदे ऊए तेस सामणे आईए
ओर पजन गांदे ऊए तेसरी जयजयकार करिए।
तेसरे मईलो रे तन्यवाद ओर तेसरे आँगणो रे स्तुति करदे ऊए आओ,
तेसरी सराईणा करो ओर तेसरे नाओं खे तन्य बोलो!
यहोवे री स्तुति करो! प्रभुए रा तन्यवाद करो,
कऊँकि से पला ए ओर तेसरी करूणा सदा री ए!
ओ प्रभु, तूँई मेरा परमेशर ए, मां तेरा तन्यवाद करना;
तूँ मेरा परमेशर ए, मां तेरा गुणगाण करना।
प्रभुए रा तन्यवाद करदे ऊए गीत गाओ;
म्हारे परमेशरो रा बीणा बजांदे ऊए पजन गाओ।
मां गाणा गायी की यहोवे रे नाओं री स्तुति करनी
ओर तन्यवाद करदे ऊए तेरी तारीफ करनी।
प्रभु मेरी तागत ए ओर ढाला जेड़ा मेरी रक्षा करोआ;
तेस पाँदे परोसा राखणे ते मेरे मनो खे मताद मिली री,
इजी री खातर मेरा मन खुश ए
ओर मां गाणा गायी की तेसरा तन्यवाद करना।
इजी री खातर एबे ओ मेरे परमेशर! आसे तेरा तन्यवाद ओर तेरे महिमा वाल़े नाओं री स्तुति करूँए।
केसी बी गल्ला री चिन्ता नि करो। पर हर एकी परिस्थितिया रे तुसा री अर्ज, प्रार्थना और बिनतिया रे जरिए, धन्यवादो साथे परमेशरो सामणे ल्याए जाओ।
आऊँ जेबे-जेबे तुसा खे याद करूँआ, तेबे-तेबे आपणे परमेशरो रा धन्यवाद करूँआ।
और वचनो ते और कामो ते जो कुछ बी करो, सब प्रभु यीशुए रे नाओं ते करो और तेस साथे परमेशर पिते रा धन्यवाद करो।
आसे तुसा सबी खे लगातार प्रार्थना करदे रऊँए और सदा तुसा सबी रे बारे रे परमेशरो रा धन्यवाद करूँए। आसे आपणे पिता परमेशरो रे सामणे प्रार्थना करदे बखते तुसा रे विश्वासो रे काम और प्यारो री मईणत और म्हारे प्रभु यीशु मसीह रे तुसा री उम्मीदा री सब्रता खे लगातार याद करूँए।
आऊँ तुसा रे बारे रे आपणे पिता परमेशरो रा धन्यवाद सदा करूँआ, कऊँकि परमेशरो तुसा खे कृपा ते यीशु मसीह साथे एक करने रे जरिए बऊत आशीष देई राखी।
पर परमेशरो रा धन्यवाद ओ, जो म्हारे प्रभु यीशु मसीह रे जरिए आसा खे जयवंत करोआ।
पर परमेशरो रा धन्यवाद ओ, कऊँकि मसीह री एकता री बजअ ते से आसा खे सदा आपू साथे चलाओआ और आसा के जय दलाओआ और आपणे ज्ञानो री खुशबू आसा रे जरिए हर जगा रे फैलांदा रओआ।
परमेशर ईए जो जिम्मीदारो खे बाणे खे बीजो रा और खाणे खे रोटिया रा इन्तजाम करोआ। तेस तुसा खे बी इन्तजाम करना और तुसे फलवंत करने, ताकि तुसे जरूरतमंद लोका खे खुले दिलो ते मताद करी सको। तुसे लोक हर प्रकारा री आशीषा ते भरपूर ऊई जाणे। जेबे आसा तुसा रा दान बाँडणा तो बऊत सारे लोका परमेशरो रा धन्यवाद करना।
आपू बीचे पजन, स्तुतिगान और आत्मिक गीत गाया करो और आपणे-आपणे मनो रे प्रभुए सामणे गांदे और कीर्तण करदे रओ। सदा सब गल्ला खे म्हारे प्रभु यीशु मसीह रे नाओं ते परमेशर पिते रा धन्यवाद करदे रओ। मसीह रे डरो ते एकी-दूजे रे अधीन रओ।
तेबे यीशुए सेयो दो मछलिया और पाँज रोटिया लईया और स्वर्गो खे देखी की धन्यवाद कित्तेया और रोटिया तोड़ी-तोड़ी की आपणे चेलेया खे दित्तिया कि लोका खे बांडी देओ और सेयो मछलिया बी बांडिया। तेबे सब खाई की रजी गे। और तेबे तिने बचे रे टुकड़ेया रिया बारा टोकरिया परी की चकिया और कुछ मछलिया बी थिया।