Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Kanemwiauye kwa likowe lyolyoti, ila kwa kila kili’be kwo lu’ba Nnu’ngu' no sali no sukulu, gamugalu’ba gatanganikwe na Nnu’ngu'.
Kila paninku’mbu’kyanga ninsukulu Nnu’ngu' kwa kitumbu sinu.
Lyolyoti lyamupanga au longela, mupange kwa lina lya Bwana Yesu kamwasukulu Tati' Nnu’ngu' kwo pi’tya ywembe.
Tunsukulu Nnu’ngu' masu’ba goti kwa kitumbu sinu mwenga mwaboti, na kila patukwembana twendakunnu’bya. Kila patunnu’bya kwa Nnu’ngu' Tati' bitu, tunku’mbu’kyanga kwa goti gamugapangite muimani yinu na upendo winu. Na tunku’mbu’kyanga kwa mu’lu' mwamukangamile kwo bu’kana no u’bi’lya kwinu kwa Bwana witu Yesu Kilisitu.
Ninsukulu Nnu’ngu' wangu' masu’ba goti kwinu mwenga, kwa kitumbu sa ngu’ngu' ya Nnu’ngu' yamupeyilwe kwa ndi’la ya Yesu Kilisitu.
Lakini tunsukulu Nnu’ngu' ywatupeya usindi kwa ndi’la ya Bwana witu Yesu Kilisitu.
Lakini tunsukulu Nnu’ngu' ywatulongoya mumwanja wa usindi wa Kilisitu masu’ba goti. Ywembe atupanga tuubambiye ukweli wa Kilisitu kati lumba lunannungya lwalutwi’lya kila pandu.
Nnu’ngu' ngaywampeya mpandi mbeyu na kilyo. Nyinyonyo aalu’a kumpeya mwenga mbeyu na kwiyongekeya, na kunnyongekeya mauno ga aki yinu. Ywembe aalu’a kumpeya utayili mugoti li’nga, kila lisu’ba mube mwaanogamwoyo. Apo bandu nga pabaalu’a kunsukulu Nnu’ngu' kwa kitumbu sa ili’be yatwaalu’a kwapelekya bu’ka kasinu.
Pamupanga kyenga, mugatambwe mayi’gi’yo ga Zabuli, myambo, na tenzi ya muloo, munnyi’mbi Bwana kwa myambo ya Zabuli no sukulu mumyoyo yinu. Munnyi’mbi na kumwu’pi’lya Bwana kwa myoyo yinu yoti. Mwasukulu Tati' bitu Nnu’ngu' masu’ba goti kwa kila kikowe kwa lina lya Bwana witu Yesu Kilisitu.
Kila mundu agegekeye kwa nnyine kwa isima yatubilenayo kwa Kilisitu.
Bu’kapo Yesu ngagatola galu' makati matano na balu' omba abi’li', ngalola kunani no sukulu, ngagametwa makati na kwapeya atumilwe bake baabagane bandu. Na balu' omba abi’li' nyinyonyo aabagine boti. Bandu boti baatilya no yukuta. Nabembe atumilwe bake ngabakongwa makombo ga makati na omba, ngabatwi’li’ya itu’ndu' ku’mi na ibi’li'.