2 Yak ñnyịn idi ke iso amọ ye ekọọm

inyʌñ itooro anye ke unek ye ikwọ.

4 Ndufo ikama ekọọm idʌk mme inuaatob amọ,

inyʌñ ikama itooro idʌk mme akwere amọ;

inọ anye ekọọm, inyʌñ itooro anyịñ amọ.

1 Itooro Abọọñ.*

Inọ Abọọñ ekọọm, sia anye afọn;

ima amọ aba ke nsi-nsi.

28 Afo ado Abasi mmi, ami ñyaanyʌñ utooro fiin;

afo ado Abasi mmi, ami ñyaanyʌñ ukpono fiin.

7 Ikwọ ikwọ itooro idadesịd inọ Abọọñ;

ibre ikwọ inọ Abasi ñnyịn ke ekpa.

30 Ami ñyaatooro anyịñ Abasi ke ikwọ

ñnyʌñ nnọ anye ubọọñ ke ekọọm.

7 Abọọñ ado adudu mmi ye atuekọñ mmi;

esịd mmi abuọt idem ke anye, anye anyʌñ añnyaaña miin.

Esịd mmi ayọhọ ye idaara,

ndin ami ndat ikwọ mmi ntooro anye.

13 Idahami, Abasi ñnyịn, imunọ fiin ekọọm,

inyʌñ itooro uyaiya anyịñ mfo.

6 Ikiiyak mfịna ndomokeed ifịna ndufo, ado ke afịd ñkpọ, ke akam ye ebeeñe ye ekọọm, iben mme ebeeñe ndufo inịm Abasi ke iso.

3 Ami mmesikọọm Abasi mmi afịd ini a-ami itoiyoke ndufo.

17 Ndin se adodo a-ndufo enamma, me ke ikọ inua me ke adinam, inam afịd ke anyịñ Abọọñ Yisọs, inọ Abasi Ete ekọọm ato ke anye.

2 Ñnyịn imisikọọm Abasi afịd ini ke ntak afịd ndufo, inyʌñ isịn afịd ndufo ke akam ñnyịn. 3 Ñnyịn imisitoiyo ndufo afịd ini ke iso Abasi Ete ke abaña utom ndufo a-atooho mbuọdidem, akpọsọñ utom ndufo e-enamma ke ima, ye ime a-ndufo enieghe ke ntak idodanyen ke Abọọñ ñnyịn Yisọs Krais.

4 Ami mmekọọm Abasi afịd ini inọ ndufo ato ke mfọn a-Abasi inọọhọ ndufo ato ke Krais Yisọs.

57 Ado ekọọm anie Abasi! Anye i-inọ ñnyịn adikan ato Abọọñ ñnyịn Yisọs Krais.

14 Ado ekọọm anie Abasi i-idatta ñnyịn usʌñ afịd-afịd ini nte ifʌn asaña ke adikan ke Krais, anyʌñ ikama ñnyịn asuan inem ufịk etob ifiọk amọ anwa-anwa ke afịd itie.

10 Ndin, anye a-anọọhọ atọ inwañ ñkpasi nọ atọ, a-anyʌññọ anọ udia, ayainọ ndufo uwak-uwak ñkpasi ke ise ndufo, anyʌñ anam idọk mfịd adinenido ndufo awak. 11 Eyaenam ndufo enie ñkpọ ke afịd usʌñ nọ ndufo ekan enọ ke ntadubọk afịd-afịd ini, ndin ato ke ñnyịn, enọ ntadubọk ndufo ayaadat ekọọm asọk Abasi.

19 Ikama mme saam, mme ikwọ, ye mme ikwọ etooho Sịbidịd ineme nneme ye emọ-emọ. Ikwọ inyʌñ ibre ikwọ a-atooho esịd ndufo inọ Abọọñ. 20 Afịd-afịd ini, inọ Abasi andido Ete ekọọm ke abaña afịd ñkpọ ke anyịñ Abọọñ ñnyịn Yisọs Krais.

21 Isuuho iwuod inọ emọ-emọ ke ntak Krais.

41 Yisọs amaakeben uyo ition ye iyak iba ado, anyʌñ amaabenne anyen ase hefịn, anọ Abasi ekọọm, anyʌñ abuuñ mme uyo ado, ndin anye amaayaak anọ mme mbed ate edeeme enọ mme atu awo ado. Anye amaanyʌñ abakka iyak iba ado anọ afịd ammọ. 42 Afịd ammọ emaedia ñkpọ enyʌñ ekop uyʌkkọ, 43 ndin mme mbed emaetañ mme mbeñe uyo ye iyak se ikisʌhọ a-akeyọhọke akpasa duob mme iba.