Agradecimento pela família
Agradecer pela família é reconhecer a bênção mais preciosa que Deus nos concede. Os filhos são herança do Senhor — cada membro da família é presente divino a ser celebrado.
Wana ni ukipe kulawa kwa Zumbe Mnungu,
ni geleko dyakwe kwetu.
Ni enga mtowani mdahi atozile misale.
Ivo nivo weli wana welekwe ni mnt’hu mwo ubwanga hegu undele wakwe.
Ana kinyemi uyo amemeze dichaka dyakwe misale enga iyo,
haawogohe wank’hondo wakwe,
umwo wakeza kukint’hana he nk’hili.
Lukunde lwa Mnungu
Moyo wangu utogole Zumbe Mnungu,
vose vi mwangu viditunye dizina dyakwe dikukile!
We moyo wangu mtogole Zumbe Mnungu,
naho usekujala ukise wose ananawo.
Hekiwafise wana wetu
ne kikigambile cheleko kikwiza,
udahi mkulu wa Mnungu no udamanyi wakwe,
vint’hu va kweheela ivo adamanye.
Wadala wakeduvila wezukulu wawe, wana nawo wakeduvila welesi wawe.
Namlombezaga anink’he umwana uyu, niyo Zumbe Mnungu anink’ha kiya nimlombeze.
Paulo alombeza no kugamba nivedi
Kila hawakumbukilani nyuwe namtogola Mnungu,
Haluse chadaha kumgamba Mnungu ywetu nivedi kwa ajili yenyu. Chamgamba nivedi kwa kinyemi kinanacho hameso ya kwe kwa nyuwe.
Mwink’heni Zumbe Mnungu nt’hogola want’hu wose mwe si,
ubwelekezeni ukulu na ludole lwakwe.
Kila geleko dyedi na dikint’hile dyalawa kwe mbingu, na kwa Tate, muumbi ywo ung’azi wa kulanga, heekuhituka naho hana kilagiso chochose kugamba ana mahituhitu.
Kulawa mo uwingi wo wedi wakwe Mnungu, chose kihokela uvikilwa, kakink’ha suwe uvikilwa ubindile wingi.
Niyo wavele wo mzi uwo wamgambaga Naomi, "Mtogole Zumbe uyo heekudaha kukuleka dyelo haheina ndugu ywa kukulela, naho yehe ande mta nt’hogola nk’hulu mwe Izilaeli. Mwana uyo naautende naho wikazi wako kunda uhya na kukulela mwo udala wako, kwaviya nyokwe vyala akukuunga kadamanya vedi kujink’ha wana kigosi mfungate kwaviya kamwink’ha cheleko."