Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Chila chilumbe chili na mhumuzi chimtogoze Mndewa Mulungu.
Mndewa Mulungu yatogolwe.
Nhogolwa kwa Mulungu mkombola
Mndewa Mulungu yatogolwe.
Weye moyo wangu, umtogoze Mndewa Mulungu.
Nizamtogoza Mndewa Mulungu siku zose za ugima wangu,
nizamwimbila nhogolwa Mndewa Mulungu ning’hali mgima.
Kwaviya weye niiyo unilumbile,
kunitenda nikule muna iinda ya mami yangu.
Nokutogoza kwaviya nilumbigwa kwa mauzauza,
sang’hano zako za mwazanyo,
nozimanya vinogile ng’hani.
Vonilumbigwe kwa mvisa,
vinitendigwe hana ihanhu hahawoneka,
mavuha yangu hayafisigwe kumwako.
Meso yako yaniwona ning’hali muna iinda ya mami yangu,
siku zangu zose zounikile zandikigwa muna ichitabu chako,
ning’hali sinawona zuwa.
Nizamwimbila Mndewa Mulungu siku zose za ugima wangu,
nizamtogola Mulungu wangu lusita lwose lonikala.
Weye Mndewa Mulungu, unogelwe na magesa yangu yano,
kwaviya nokudeng’helela weye Mndewa Mulungu.
Muvimanye kuwa Mndewa Mulungu niiyo Mulungu,
niiyo yachilumbile na cheye cha wanhu wake,
cheye cha wanhu wake na ng’hondolo wa bumbila jake.
Ingileni muna zinyivi zake kwa hewela
ingileni muna uluwa wake kwa kutogoza,
mwing’heni hewela na muditogoze zina jake.
Viya viuli mkulu ulondo wako, weye Mulungu!
Kowakaliza wanhu wako fana ndege viyokaliza wanage muna yamabawa yake.
Wokwigutizigwa na utajili wa kaye yako,
kowang’wiza kulawa lwanda lwa unovu wako.
Kwaviya weye iyo nzasa na mwanduso wa ugima,
bung’hulo jako dochitendeza chiwone.
Kumwing’ha hewela Mulungu kwa utazi wake
Weye Mndewa Mulungu, nizakutogoza,
kwaviya kunilopola,
na huwalekile wehi wangu wadeng’helele vonihumigwa.
Weye Mndewa Mulungu, Mulungu wangu, nikulamba unitaze,
na weye kunihonya.
Weye Mndewa Mulungu, kuninyang’hula kulawa kuzimu,
kunibwelezela ugima kulawa kwa waja wohita kuzimu.
Mulungu kohuma
Nizakwing’ha hewela weye Mndewa Mulungu, kwa moyo wangu wose.
Nizazisimulila sang’hano zako zose za unzonza.
Nizadeng’helela na kusekelela kwa ichimu chako,
Weye Uli Uchanyha Ng’hani nizadimbila nhogolwa zina jako.
Siku zose mwing’heni hewela Mulungu Tata kufosela zina da Mndewa wetu Yesu Chilisito, kwa chila chinhu.
Balaka za Chimuhe za Chilisito
Chimwing’he hewela Mulungu na Tata wa Mndewa wetu Yesu Chilisito! Kwa kuchilumbiliza na Chilisito kachitemela mate na kuching’ha chila balaka ya chimuhe kulawa kuulanga.
Chomwing’ha hewela Mulungu kwa ichimu cha chitumetume chake chilibule ningo.
Na kwa ndeng’helelo mwing’heni hewela Tata, yoyamtendileni mweye muwe na hanhu henu ha uhazi uyawekile wanhu wake muna uufalume wa bung’hulo. Nayo kachikombola kulawa muna uludabwa wa ziza na kuchigala muna ufalume wa Mwanage yamulondile. Mwa yeye chokomboligwa na kulekeleligwa uhasanyi wetu.
Chilisito na usang’hano wake
Chilisito kowoneka kalinga kweli na Mulungu woyahoneka bule. Kakala uko ving’hali vinhu vose havinalumbigwa. Kwa kufosela yeye Mulungu kaumba vinhu vose, kuulanga na mwiisi na voviwoneka na vohaviwoneka, wene ufalume, walanguliza, na wakulu, na wene ludabwa. Vose viumbigwa na Mulungu kwa ichimu chake. Chlilisito kakala baho ving’hali vinhu voze havina lumbigwa, vose vogendelela kuwa uko kwa kuilumba na Chilisito.
Mwizakuja na kwiguta, mwizamwing’ha hewela Mndewa Mulungu, Mulungu wenu kwa isi inogile iyamwing’hileni.
Nihulumuka mbaka hasi ya milima ili muna ibahali,
uko mhalalingwe zihindigwa siku zose,
mbali weye Mndewa Mulungu kunikombola kulawa umo muna dikombo.
Weye Mndewa Mulungu, Mulungu wangu.
Vinikalile habehi kudanganika,
nikukumbuka weye Mndewa Mulungu,
na mbuli zinipulile zikufikila,
hana ikaye yako yelile.