Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Kila shiwumbi shikomu shimzyumi Mtuwa Mlungu!
Mumzyumi Mtuwa Mlungu!
Kumzyuma Mlungu mlopola
Gumzyumi Mtuwa Mlungu!
Gwee rohu yangu gumzyumi Mtuwa Mlungu!
Hanimzyumi Mtuwa Mlungu makaliru gangu goseri,
Hanimwimbiri Mlungu gwangu mashaka gangu goseri.
Gwenga guviwumbiti viwungiru vyangu vya mngati,
gunkolaniziya mumtima mwa mawu gwangu.
Nonga mayagashi toziya neni gwakulikangasha,
na matendu gaku ndo ga mauzauza
na neni gumana nakamu.
Mihonju yangu ififakandiri kwaku
shaka pawumbitwi kwa bada.
Shaka pawumbitwi kwa kunkolanila mumashi matali.
Gwenga gumoniti pamberi haneni niwuki,
gulembiti mashaka gangu mushitabu shaku,
pamberi pa kuwera mashaka aga.
Hanimwimbili Mtuwa Mlungu makaliru gangu goseri,
hanimzyumi Mlungu gwangu mashaka goseri ganilikala.
Gwee Mtuwa Mlungu, gufiriziwi na maholu gangu aga,
mana gwenga ndo nemeru yaneni.
Muvimani handa Mtuwa Mlungu ndo Mlungu.
Yomberi katuwumbiti, twenga,
twenga ndo wantu wakuyi na kondolu wa maliwuziwu gakuyi.
Mpitiri mmilyangu ya Numba Nkulu yakuyi kwa kulonga mayagashi,
mwingiri mumageleri gakuyi kwa kuzyuma.
Mlongi mayagashii na kulizyuma litawu lyakuyi.
Ntambu gaa yawuwera ukulu ufiru waku!
Ata wantu watugira kulisisi lya mbapatiru zaku.
Guwatenda wikuti kwa lunda za numba ya gwenga,
guwalandaziya kulawa lushemba lwa uheri waku.
Gwenga ndo shanjiru sha ukomu,
kwa lulangala lwaku twenga tuwoni.
Luwa ya kulonga mayagashi
Gwee Mtuwa Mlungu nikukwisa, toziya gundopola,
pota guwalekandiri wankondu waneni wanonginongi.
Gwee Mtuwa Mlungu, Mlungu gwangu,
nikuliliriti na gwenga gundopola.
Gwee Mlungu, gundopola kulawa kuzimu,
gundaviya muwamu mwa yawagenda kuzimu,
gunupa kayi ukomu.
Mayagashi kwa Mlungu
Hanongi mayagashii Mlungu kwa moyu gwangu goseri,
hanigatambiri matendu gaku goseri ga kulikangasha,
Hanemeleri na kukufyapilira gwenga,
gwee Mlungu Mkulu hanikuzyumi kwa nyimbu.
Mumgambiri mayagashii Mlungu Tati kupitira Mtuwa gwetu Yesu Kristu kwa kila lishaka na kila shintu.
Matekeleru ga shirohu Mukristu
Kakwiswi Mlungu Tati gwa Mtuwa gwetu Yesu Kristu! Toziya mukulikolerana pamuhera na Kristu yomberi katutekeleriti twenga kwa kutupanana matekeleru goseri ga shirohu ga kumpindi kwa Mlungu.
Tulonga mayagashii Mlungu toziya ya mafupu gakuwi gatuweza ndiri kugatakulira.
Na kwa nemeleru mumgambiri mayagashii Mlungu Tati, yakawatenditi mwenga wantu wakuwi kuwanka uhala wa muufalumi wa gulangala. Yomberi katulopoziyiti kulawa mumakakala ga luwindu, katujega muufalumi wa Mwana gwakuwi yakamfira. Kwakuwi mweni twenga twankulopoziwa, tulekiziwa vidoda vyetu.
Kristu na lihengu lyakuwi
Kristu yakawoneka ndo sawa nentu na Mlungu yakawoneka ndiri. Kaweriti pamberi pa viumbi vyoseri. Kwa njira yakuwi Mlungu kawumbiti vintu vyoseri, vyaviweri pasipanu na vyaviweri kumpindi, vintu vyaviwoneka na vyaviwoneka ndiri. Handa paiwera vibanta vya shifalumi ama uwezu ama kolamlima ama wakulu na yawawera na makakala. Vyoseri viumbitwi kupitira yomberi na toziya yakuwi. Kristu kaweriti pamberi pa vintu vyoseri kuwumbwa, na kwakuwi yomberi vintu vyoseri vya pahala pakuwi.
Hamliyi na kwikuta, hamlongi mayagashi Mtuwa Mlungu gwenu, kwa isi iherepa yakawapananiti.
Gwee Mtuwa Mlungu, guntanga muntabiku yangu, na gugalopola makaliru gangu.
Nseleriti mpaka payanjira migongu,
muisi magomi gakuwi gatatuwa mashaka goseri.
Kumbiti gwenga Mtuwa Mlungu, Mlungu gwangu,
gunkweneziya namkomu kulawa mulirindi amu.
Paweriti nankuhowa,
nukuholiti gwee Mtuwa Mlungu,
maluwa gangu gasokiti kwaku
Mnumba nkulu yaku nanagala.