Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Koni ishini emye ya ngmu ni, ala da ami ozarore. Igyini ya ngmu, ala dami inyi gwa. Nwwo ogboga, ala byun gole kala. Nyyewewa, ala kpa akyi yumeyi. Nyya gbere, ala byere hin. Nyyo oruduru, ala webe hin.>
<<Ebeni awase neshi ba kamo, <Adole, ishi nya ni emye ya ngmo kweyi aha dawo ozarore? Kwe igyini ya ngmo ni aha dawo inyi gwa? Ishi nya ni owogboga ni aha byo gole ka? Kwe ishi nya in oye ewewa ni aha yaakyi? Ishi wonya ni aha mo oya gbere kwe ayo toruduru kweyi aha gebe wo?>
<<Ose ya kamo, <Nyya ka dala okwokwoshi, oza ni ala ya kpa ayene hin leke kpiri, ala ya kpa ami la.>
Ase ni doka koza odanu, kweyi ka pyitikpi tase ni ya yimu ko kpoza ebewo ni lo.>>
Mamani oni, oyoyu kala na gebe kasuse, shini ana moko neshi kala shini ana shiye ka Ada kala ni yiso ni.
Dase oza, aba dala nwo owatu, si ikpokyi kweyi janu ya shonu ataku wo. Owatu neshi ni ala myiyo kpa anu da ase ni aba myiyo kpa anu ya da ala.>>
Ewa kasuse doka mo, <<Oji naha ba ya?>>
Oyohana kyogwu mo, <<Kpiri kase ni gbo oshiye epa, ona yoye dase ni gbo lo ni. Ase ni gbozarore, na ya mamani.>>
Ala yo oza ni ala gbo ni yi ra shini ala yi ikwiri yi ko do oleha. Ala kpo oshu kala shi iso ebe ni aba sawukye lo ni, odu ki iso ni ya kweyi lo ni. Ebeni owi oyoye ya shabo lo, kweyi eha ba ganu lo ni. Ebeni odu kala yanu, anu pini otu kala ya ba banu la.
Ono hin yoma: Ala yimu kiyikala byoni nyyimu kala ni.
Imu yoya oyoye shomani kelo, ni ase zo olayi nu ikweyi kawoya nu.
Ipu koza kpiri ni nyya ya, nyya shala mo ahan takirikwu shini ntawase ni gbojije lo ni abo, shini ahan rela ni Adole Oyesu ka ni, <Otunehe yo kpase ni zeshi shase ni nye ni.
Ishini Obulus kela mani kweyi ni, okwagye kpawa dudu kweyi tinarigwu. Akwo Obulus botu, kweyi ba kyegba kamo Owuso na gbaha. Abyotu kela kpiri ni okani mo aba miyiwa kelo. Kweyi abyoshi gowu kinyo.
Ala koza ni ala gbo ni kpayene kala kipu ko Okristi ni gbo lo ni, kweyi ala gwofunu kole kala dawogboga.
Aha ni loshu ipu kotuse ni shu ko zo enu kawase ni loshu lo ni. Wako yimu kiyika la lo.
Ala zenu kiyikala, bwowe mani pini ala ba ko ono ko Okristi gyogye la.
Ase ni ya wiyi naka wiyi kelo, kweyi na yoko kpa abo nu, shini ona pyoza neshi ni ya tabo ni shona ki tawoleha abo.
Ka yoza ikweyi koneshi kiyo kin lo, ke yoza ikweyi koneshi kase ashini mamani.
Ayene hin, owoni ase manu gbo otuse kweyi oyoko lo, oji woneshi nu? Edo kotuse mani ya gege ya ngmanu? Ana kamo oyene oye, onya kwe ongo gbo ozarore kpo oshiye lo. Owoni ashe kala ka danu mo, <<Owuso na yo oneshi; shoshiye neshi, kweyi roza yipu!>> Kweyi oke dawo ojije ko tuwabo ipu ko olayi wa lo? Mamani, owoni otuse gboko lo, owo okwu pini yoma.
Owoni ashe ka gboza kabo, kweyi omo oyinanu ni gboza lo ni kweyi tabo lo, imu ko Owuso yipu nu ona?