35 Wiels Mie hungad, un jie jeewen Mie to äten; Mie darscht, un jie jeewen Mie to drinkjen. Ekj wia een Framda, un jie neemen Mie opp. Jes 58:7 36 Ekj wia noaktich, un jie haben Mie jekjleet. Ekj wia krank, un jie besochten Mie. Ekj wia em Jefenkjnis, un jie kjeemen no Mie.

37 Dan woaren Am de Jerajchte auntwuaten un sajen: Har, wanea sag wie Die hungrich un jeewen Die to äten, ooda darschtich un jeewen Die to drinkjen? Mat 17:1; Heb 5:7 38 Un wanea sag wie Die aus een Framda un neemen Die opp, ooda noaktich un haben Die jekjleet? Joh 12:27 39 Wanea sag wie Die krank, ooda em Jefenkjnis un sent no Die jekomen? Joh 6:38; 18:11; Heb 5:8

40 Un de Kjennich woat äant auntwuaten un sajen: Ekj saj junt woarhauftich: Waut jie eenem von dise miene jerinjste Breeda jedonen haben, daut hab jie Mie jedonen. Spr 19:17; Mat 10:42; Heb 2:11

42 Jeff to däm, dee die frajcht, un drei die nich wajch von däm, dee von die borjen well.

16 Soo lot jun Licht ver de Menschen schienen, daut see june goode Woakjen seenen un junen Voda em Himmel preisen. Joh 15:8; Efs 5:8-9; Flp 2:14-15

38 Jäft, un junt woat jejäft woaren; eene goode, dol-jedrekjte, toop-jescheddade un äwa-volle Mot woat junt en de Schoot jejäft woaren; wiels met deeselwje Mot, met dee jie mäten, woat junt wada jemäten woaren. Mrk 4:24

10 Un de Volkjshäaden fruagen am un säden: Waut sell wie dan doonen? 11 Un hee auntwuad un säd to äant: Wäa twee Hamden haft, dee saul däm jäwen, dee kjeent haft, un wäa Äten haft, dee saul jrod soo doonen.

33 Vekjeept jun Hab-un-Goot un jäft Aulmoosen; moakt junt Jelttauschen, dee nich oolt woaren, een Schauz em Himmel, dee nich vejeit, wua kjeen Stäla dichtbie kjemt un de Motten daut nich vedoawen. Luk 18:22 34 Wiels wua jun Schauz es, doa woat uk jun Hoat sennen.

12 Dit es mien Jeboot, daut jie junt unjarenaunda leewen, jrod soo aus Ekj junt jeleeft hab. Joh 13:34

13 Kjeena haft jratre Leew aus dise, daut hee sien Läwen fa siene Frind hanjeft. Joh 10:11; 1Joh 3:16

35 Aules hab ekj junt jewäsen, daut eena soo oabeiden mott, de Schwake to halpen un to denkjen aun de Wieed vom Harn Jesus, daut Hee säd: Jäwen es seelja aus nämen.

36 Un nodäm hee daut jesajcht haud, kjneed hee dol un bäd met äant aula. 37 Un see hielden aula sea un follen Paulus rom sien Jenekj un kusten am, 38 truaden aum mieeschten äwa daut Wuat, daut hee säd, see wudden sien Aunjesecht nich mea seenen; un see jinjen met am nom Schepp.

13 Nämt Deel aun de Heilje äa Bederfnis; sträft, gaustfrie to sennen. 3Joh 1:5-8; Heb 13:2

1 Wie oba, de Stoakje, sent schuldich, de Schwake äare Schwakheiten to droagen un nich ons selfst to jefaulen. Ree 14:1

2 Droacht eena dän aundren siene Lausten, un soo woa jie Christus sien Jesaz erfellen. 2Kor 11:29

28 Wäa jestolen haft, saul nich mea stälen, oba saul väl mea oabeiden un met siene Henj waut Goodet schaufen, daut hee waut haft, däm to jäwen, dee Bederfnis haft. 2Mo 20:15; 1Tess 4:11

4 Kjikjt nich een jiedra opp daut Sienje, oba een jiedra uk opp daut, von de aundre äat. 1Kor 10:24; 13:5

14 Waut halpt daut, miene Breeda, wan irjentwäa sajcht, hee haft Gloowen, oba haft kjeene Woakjen? Kaun de Gloowen am raden? Ree 3:21-31; Mat 7:21 15 Wan een Brooda ooda eene Sesta noaktich es un de däachliche Noarunk bederftich es, 16 un irjent eena von junt säd to äant: Got en Fräd, woamt junt un ät junt saut, oba jie jeewen äant nich daut Needje fa dän Kjarpa, waut halpt daut? 1Joh 3:16 17 Jrodsoo es uk de Gloowen, wan dee nich Woakjen haft, aun sikj selfst doot.

17 Wäa oba de Jieta von dise Welt haft un sitt sienen Brooda Bederfnis haben un schlitt sien Hoat too fa am, woo blift Gott siene Leew en am? 5Mo 15:7; 1Joh 4:20