Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Kwavija nikala na nzala na mweye mning’ha ndia, nikala na ng’ilu na mweye mning’ha mazi, nikala nyambenyambe mmbokela, ng’hala bule chivalo mnivaza, nikala mtamu na mweye mwiza kunilola, nikala mdigeleza na mweye mwiza kunilola.’ Baho waja wanhu wanogile wamwidika mfaume, ‘Mndewa, lini chikuona kuna nzala na cheye chikwing’ha ndia, hebu kukala na ng’ilu na cheye chikwing’ha mazi? Na kaidi lini chikuona uli nyambenyambe na cheye chikubokela, hebu kukala bila chivalo na cheye chikuvaza? Na kaidi lini chikuona kukala mtamu hebu mfungigwa na cheye chiza kukulola?’ Mfaume kowedika, ‘Nowalongeleni kweli, chila chinhu chimumtendele imwe mwa wano ndugu zangu wadodo mnhendela niye.’
Yonda yakupule, mwing’he, hebu sekeumuhindukile chisogo yokupula chinhu.
Ivija yolondeka bung’hulo jenu diwabung’hulile wanhu, ili wazione sang’hano zenu zinogile, wamtogole Tata yenu yeli kuulanga.
Weng’heni wanhu viwolonda, na mweye mokwing’higwa na Mulungu. Chipimo chimemile na kusindiligwa mbaka malagalila, ivo wanhu viwalonda kuweng’ha mmakono genu. Kwa vija chija chipimo chimpimila wayenu, icho chimpimiligwa na mweye."
Dija bumbila da wanhu dimuuza, "Cholondeka chitente choni?" Yohana kawalongela, "Yeli na migolole midi yamwing’he yelibule, yeli na ndia yatende ivo."
Guleni vinhu mlinavo, amala zisente muweng’he vikumbi muyega. Ilukeni goya Mikadi ya sente seke idegeke, muuikile usigavu kuulanga kwa Mulungu, hanhu wabavi hawadaha kwiba hebu ving’onyo havidaha kuubananga. Kwa vija haja hauli uzenzi wako, baho honda moyo wako hauli ivija.
Ino iyo ndagizi yangu, mkale na wende, amala mkale na wende kama vinikalile na wende na mweye.
Habule wende mkulu kubita wende wa munhu yolava ugima wake kwa mbuli ya mbwiga zake.
Mwagaja gose ganisang’hane nikala nowalagusila, cholondeka kusang’hana kwa kuiyoha, ili kuwataza weli na uzidilwa. Chihaleka kuisemwa mbuli ya Mndewa wetu Yesu mwenyego viyalonga, ‘Kamweda ng’hani yolava kubita yobokela.’"
Paulo viyakomeleze kugalonga gago na waja wose wafugama mavindi, Paulo kampula Mulungu.
Wose wakala wolila, na kumlaga Paulo kwa kumhagatila. Mbuli iwagelile ng’hani giogio, ukala uja usenga yalongile kua, hawamuona kaidi. Baho wamgala mbaka muingalawa.
Watazeni wanhu wayenu wamtogole Kilisito kwa vinhu viwolonda, wabokeleni nyambenyambe kwa nying’ha.
Cheye chikangale kutogola cholondeka kufunya moyo kwa mbuli ya wayetu weli na nhogola ndodo. Sekechisang’hane mbuli zichitenda chideng’helele wenyego.
Itazeni kuisolela mbuli zenu wenyego kwa wenyego, kwabuli iyo mokua moisang’hanila goya ndagizi ya Kilisito.
Mbavi, sekeyebe kaidi, mbali yasonge kusang’hana sang’hano inogile kwa makono gake, yawe na chinhu cha kumtaza munhu yeli chikumbi muyega.