Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Ke ngwel wɛ, mɛ̃ éli ye nzal, byɛ éwi mɛ̃ bvi-odza. Mɛ̃ éli ye nzuaal, byɛ éwi mɛ̃ ãdza. Mɛ̃ éli ɔ̃nzii, byɛ éyɔɔ mɛ̃ ola byɛ. Mɛ̃ éli odzuũ, byɛ éwi mɛ̃ ekɔ. Mɛ̃ éli y’ãluu, byɛ éwueel a mɛ̃. Mɛ̃ éli onse bwal, byɛ éyi mɛ̃ otal." Obobɔ, baal ba dzu akieel abveel ndɛ ndiri: "Ke Mfam, tsoo emã li émwɛn bee yɛ áli ye nzal, bee bu ewi yɛ bvi-odza, wuo li éli yɛ ye nzuaal, bee bu ewi yɛ ãdza? Tsoo emã li émwɛn bee yɛ áli ɔ̃nzii, bee bu eyɔɔ yɛ ola bee, wuo li éli yɛ odzuũ, bee bu ewi yɛ ekɔ? Tsoo emã li émwɛn bee yɛ y’ãluu, wuo onse bwal, bee bu eyi yɛ otal?" Ɔ̃kwɛn akieel abveel bɔ ndiri: "Taa-taa bam, mɛ̃ eyɛɛn byɛ wɛn, nsa yueel yi ési byɛ obobɔ me ngɔmɔ̃ wu obvool mbee onse baan-ngoo a mɛ̃ ba, ŋ’ési me mɛ̃."»
Ŋɛn mbuul osɔɔ eluɔ ola yɛ, wa ndɛ kyɛ. Ŋɛn mbuul odzii k’asuɔɔn eluɔ ola yɛ, bee ndɛ kyɛ oluo.»
Emfa kiki, yɔɔl kwɛn mwiĩ a byɛ angal ke nkwel a baal, kwɛn oŋɔ̃ bɔ amwɛn ɛ̃sal ɛ̃ byɛ mi ngesɛ, bvool alweel Tal a byɛ wu oli ke ywel.»
Ewa bakyɛ eluɔ, kwɛn awa byɛ hɛ̃. Àlɔ eluɔ bvam bibi onse angɔrɔ a byɛ. Ànyam bvool àsiɔ bɔ, kwɛn bɔ aluul apal mpu. Ke ngwel wɛ, àwa byɛ m’emvɛɛl li ewa byɛ bakyɛ.»
Baal bu afuul Dzaã ndiri: «Obobɔ, bee eyii bwɛn esa?» Ndɛ obveel bɔ bubu: «Mbuul wa m’ɛ̃nkuru mviaal, awa wu oywɛn a ndɛ ngɔmɔ̃. Wa ye bvi-odza, akab bvɛ ye wu oywɛn a bvɛ.»
Etiɔ eluɔ bvi eli a byɛ bvool ewa nzi oyɔ aywal. Ebuo ɛ̃paa myɛn k’ɛ̃twɔɔl wɛ. Ekwɛɛ opfel bɛn ke ywel k’ofa wɛ. Okɔ, mbuul a pfuul k’akoo k’asyal tsotsoo wɛ, asieel hɛ̃ k’akoo k’adza bɔ wɛ. Ke ngwel wɛ, mboo yi eli opfel o byɛ, ɔ̃kwal a byɛ hɛ̃ àkal okɔ.»
Ngel a mɛ̃ yɔ bu: Edzii bakyɛ, onge b’ebedzii mɛ̃ byɛ.
Dzii li enduru ɔ̃ndel lɛn mbuul okoo k’asuo, li ekab ndɛ elaã e ndɛ me ndɔɔ andoo a ndɛ.
M’ãndɔɔ mbueel, mɛ̃ nsuo byɛ wɛn ebvaan asal m’emfa okyɛ m’owuaal b’aywal. Eyeel m’éyɛɛn Mfam Yeso ndyam ndiri: "Esɛ ki owa enduru ki obɔɔ."»
Ŋ’eman Pool obobɔ oyɛɛn, ndɛ obvi ãbuo me ndɔɔ yi abuɛɛn ye bɔ bueel. Baal bueel ákebool elel bvool ákelyal ndɛ ke nkii, me ndɔɔ yi abuun ndɛ. Ãwua ã bɔ bvel-bvel ã́li me ndɔɔ yɛn ndɛ álieel bɔ ndiri bɔ kieel k’abemwɛn ndɛ bvool wɛ. Bɔ bu ayesuul ndɛ tiil k’ãsua.
Ewuaal a baal ba ngel b’ali ye kɔɔ. Eyɔɔ anzii ngesɛ owɔɔl wɛ.
Wa ngaburu-mbuul esɛ, ke yam wɛ
Bia-byɛ b’emeewam onse okiool, ebvaan bia-byɛ ekuru ɔ̃kwal ke nkwel okwal o bɛn kɛn awam onse okiool wɛ. Ebee b’edzii bia-byam osa.
Ebiri ãtswel ã bakyɛ. M’emfa okyɛ, byɛ ol’esi b’etam ngel a Mãsia osa.
Yɔɔl kwɛn mbuul wu aketuru pfuul abee obeturu. Kɛn a ndɛ ebvaan asa mpɛn yi asa ɔ̃sal wa ngesɛ me mviɔɔl ɛ̃ ndyam, kwɛn ndɛ abɔɔ ki awa mbuul wu okaan.
Yɔɔl kwɛn mbuul bwɛn a mbuul onse byɛ abee obvɛ o ndyam obii, abii hɛ̃ bo bakyɛ.
Okiool bwɛn ɛ̃sal
Andoo a mɛ̃ a dzii, bvel emã li eyɛɛn mbuul ndiri: «Mɛ̃ ndi y’okiool», okɛɛn ndɛ k’asuo bɔ m’ɛ̃sal wɛ? Okiool b’obobɔ ol’okoo k’obvuul ndɛ? Okɛɛn ndoo ngɔmɔ̃ wu ɔ̃kaal wuo wu bɔɔl, oywɛn a ekɔ bvool oywɛn a bvi-odza bvi tsoo bwɛn a tsoo, kɛn a mbuul ngɔmɔ̃ onse byɛ olieel ndɛ ndiri: «Yi onse opi, ywal mbal bvool dza yool!» Okɛɛn ndɛ k’awi ndɛ eluɔ ki nkiin me ndɔɔ a nzuru a ndɛ wɛ, oŋɔ̃ bvel emã? Eli emfa kiki me ndɔɔ okiool: Bɔ okɛɛn oywɛn a ɛ̃sal, bɔ ŋ’omookwa li bam.
Okɛɛn mbuul oli y’opfel b’ɔ̃kiri wu, ndɛ amwɛn muaan-ngoo a ndɛ okaan, kɛn a ndɛ akuru ndɛ okwal, emfa emã kyɛn ndɛ okoo k’ayɛɛn ndiri ndɛ odzii Nziã?