Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
काहाके आंय फुकल्यू ओतू, तेहेलाम तुमू माहूं रोटू आप्यू; तिहील्यू ओतू, तेहेलाम तुमू माहूं पाईं पिवाड्यो; आंय परदेसी ओतू, तेहेलाम तुमू माहूं कोअमेहें हाद्यू. आंय उगड़ाअलुज ओतू, तेहेलाम तुमू माहूं आंगड़े पोवाड़्ये; आंय बिमार ओतू, तेहेलाम तुमू माहूं वेंडार्यू; आंय जेलेम ओतू तेहेलाम तुमू माहूं मिले आये.’ ताहां धर्मी तियाहा उत्तर आपे, ‘प्रभु, आमू ताहूं काअहां फुकल्यू देख्यू आन खावाड़्यो, नेत तिहील्यू देख्यू आन पाईं पिवाड़्यो? आमू ताहूं कोयों परदेसी देख्यू आन आमाआं कोअमेहें मिक्यू नेत उगड़ाअलुज देख्यू, आन आंगड़े पोवाड़्ये? आमू ताहूं कोयों बिमार देख्यू नेत जेलेम देख्यू आन ताहूं मिले आये?’ ताहां राजा तियांहां उत्तर आपे, ‘आंय तुमुहूं नक्की कोहो, के तुमू जों माआं या हानाम रोत हाना पाव्हीइला कोडा एकाअरी बी कोअयो, तों माअरीज कोअयो!’
जो कोडो तापोअ मागे, तियाहा आप; आन जों कोडो तापोअ उसन्यो मागे, ताहां तियाआ वोगेहे सोब मा मुउड़ीही.
तेहेंज कोइत तुमाआं उजालो माअहोंओं हुंबूर एहेलोहो पोड़ुहूं द्या के, तें तुमाआं हाजे कामे पालीत तुमाआं होरगामेर्याआ आब्हाआ नाव उसो कोए.
बिहीराहा बी आपा, ताहां तुमुहूं बी जोड़े. माअहें दाबी दाबीइ आन ठेहीं ठेहींइं आन सिकार पोइत उबाय ताअहूं जाआं टाके, काहाके जिया मापोवाअहीं तुमू मापित कोइत आपतेहे, तियाज मापोवाअहीं तुमुहूं बी मापित कोइत जोड़े."
ताहां माअहूं तियाहा फुशो, "ताहां आमू कि कोओ?"
तिये तियांहां उत्तर आप्यो, "जियापोअ बेन आंगड़े ओय, ताहां तो जियापोअ ने ओय तियाहा एक आंगड़ो आपुहूं जोवे आन जियापोअ रोटू ओय, तों बी तेहेंज कोअहूं जोवे."
तुमाआं मालधन वेसीत कोइत गरिबोहों वाटी द्या. आन सोताआ काजे एहेलिही खोत्ली बोणावा, जे जुनी नाहां ओवती, मोन्ज्ये होरगामेहें मालधन हेंगाला, जो केदिहींज कमी नाहां ओवतो, आन जिहीं बांड नाहां आवित सेकता, आन ओदायो बी नाहां लागीत सेकतो. काहाके जिहीं तुमाआं मालधन तिहीं तुमाआं मोन बी लागीत रोय."
माआं आदेश ओ होय, के जेहेलीही आंय तुमापोअ मेर कोअयी, तेहेंज कोइत तुमू बी एकमेकापोअ मेर कोआ.
यापरोत वोडी मेर कोड्लीज कायनाहां के कोडो तियाआ दोस्तीइ कोअते जिव आपे.
आंय तुमुहूं आखो कोइत देखाड़ी देदोहो के यी पद्धती वाअहीं मेहेंनत कोअता जात लुलाहां मदत कोअहूं जोवे आन प्रभु ईसुउ वसन ओर मिकुहूं जोवे जो तिये सोताहाज कोयोहो: ‘मागीइला रोत आपिइलाम जाअखी खुसी रोत्ली.’"
ओं कोत कोइत तो मांड्या पोड़्यू आन तियां आखाअरी मिलीत प्रार्थना कोअयी. ताहां तें आखे खुब रोड्ये आन पौलुसोअ गले लागीत कोइत तियाहा गुउं देने वोल्ये. तें खास कोइत यी गोठी वाअहीं दुखी ओते काहाके तिये कोयीते के तुमू माहूं फाशेए ने देखहामें. ताहराअ तियां तियाहा जाहाजेए जागे जाआं पोताड्यू.
विश्वासी पाव्हीइलाहां जे किबी मदत जोवतीय, तिहींम तियांहां मदत कोआ; पावणाय कोइलाम आगाड़ी रोवा.
ताहां आपू जें मजबुत होय, निस्ती आपाआ एतीज सोय नाहां पालीइली, पोन जें नोबले होय तियांआं बी वोजू आखलीत लागीइलु होय.
तुमू एकान एकाआ वोजू उसला, मोन्ज्ये एहें कोइत तुमू ख्रिस्ताआ नियम पुरु कोअहा.
सोरी कोअनारु फाशोअ सोरी ने कोअहूं जोवे, पोन उलटो हाजे कामे कोइलाआ काजे सोताआ आथोवाअहीं मेहेंनत कोअहूं जोवे; तों याआकाजे के जें गरीब होय तियांहां मदत कोइलोअ काजे तियांपोअ वाजिहीं सिल्लक रोअहूं जोवे.
हारेक जोओं सोताआ एतीज कालजी नाहां, पोन बिहीराआ हाजाआ काजे बी कालजी कोआ.
माआं पाव्हीइला, जर एखू कोतोय के आंय विश्वास कोअहो, पोन तों तियाआ परमाणे काम ने कोअतोय, ताहां तियाहा कि फायदू? एहेलुहू विश्वास तियाहा केदिहीं वासाड़ीत सेकेहे के? जर एखा पाव्हीइलाहा आंगड़ा-पोतड़ाआ गरज ओय, आन आज्यीइ वेलेए खाअलोअ ने ओय, आन एहेला माहुंहूं तुमामेएं एखू कोये, "हाजी हुतायी जाजा आन, उने आंगड़े पेवजा, वारुहूं तारात खाजा," पोन जोवे ते वस्तू तियांहां ने आप्यी, ताहां की फायदू? तिहींज वाईं, कर्मा सिवाय विश्वास बी मोल्यू होय.
पोन आपामेऱ्याआ एखापोअ दुन्यादारीइ मालधन ओये, आन तों तियाआ पाव्हीइलाहां गरीब देखीत कीइमाय ने कोअतोय ताहां तियाम देवोपोअ मेर होये एहें कि कोइत कोत सेकतेहे?