Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
Umasiih tukaniisi areeyaayt ugarooyooh dehaay nuuniya, aanda han timꞌateehna areeyeeneet toonaati.
Laakiin baraakna han bak tikatiina: aanda kassaah timꞌateehna ugarooyiitoohna areeyeeneet toonaati. Taamꞌa han kastaah ibakii eendeehna hamooyseeneet toonaati.
Aanda igarooyeehna eekna areeyeeneet toonaatiit, timꞌateehna han ibakii areeyeena. Uutak tutakatooh areeyiiniib ugarooyooh ookna areeyiini. Uudehay igarooyeehna eekna kiiribna. Laakiin igarooyeehna tamseena, aree daayiib iwariin. Umasiih han tukaniisi bak iwari.
Hinin gaal garooy nikati. Aflaay Eegwisir gadna dꞌiinaat taktak oosdik sooyaana.
Titehasiinihoob aree, tehasiyaaytuukna danib tikwasiit baakwaasna, aree kassooh oombꞌi baahaseena. Oobliis fursaat baahiiwna.
Yꞌamag bhali singadna. Tudaayiinaay udaayi door sooyaana, toona tisooteeneet aree oodehay haay shamna.
Hamiinayt baadꞌiina, hasiyaaytwa gadabtiiwwa maagnaaytwa baadꞌiina. Taktakeeb baafaraana tari baaneewaana, maagt iyadneena kastooh baadꞌiina. Nhaswa rhamaat ibariinwa akeena, taktak afooyaana. Ukwaasana han Umasiihii afooya hookna.
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
Aflaay baraah maloob kiikeena, laakiin gal ikatiin. Shaawti Ukwaasana shaawawiyaab ikatiyeet toona, wꞌaadami biisehaggiil." idi.
Idꞌareeb amaanaat dꞌiina!
Eedꞌar hamooysaana, idꞌareeb gaal ooraawi geeb amiinaab akeena. Jikuuniibwa faddaadamtiibwa yakeen baliib Ukwaasana sidik haakami indi.
Umidhhan ugayiinaay wꞌayaaysamti
Taamꞌat: yaa taamꞌa, igarooyeekna eendeeyookna whii daasaana. Wꞌankwanaay yꞌaamanana tuun waajibtoohna tikati.
Aanda: aanda timꞌateekna ibakii areeyaana, aree bateeh geeb baamagna.
Uureer naatiika daayiikaabu, aree baruuh naatka daayiib hiddaab hankwiir. Umꞌasig Umasiih bareekna yhiiyyeeb oomkir utimakirneeb mitiyaayiini hookna. Ukwaasana aree oon umꞌasgii dehaay hiddaab gaal garooy dehaay waliikiya hookna. Aflaay Ukwaasana hamidna.
Baraak Ukwaasanaay oodehay tikatiina, baruuh areeya hookna, ooknaay dehaay waasiya hookna. Aflaay baraak ibakii igarooyeekna hinnaatwa, nhisuuytwa, miskiinamtiiwwa, daayiinaaytwa tarmuumaawwa tistookwiineet toonaati. Taktaki geeb tarmuumaab dꞌiina. Gaal bareesookna weernaay kehii ashkiimiiniyihoob, taktak afooyaana. Wꞌankwana bareekna afooyaneet toonaatiit, baraakna han taktak afooyaana.
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
Uureer sabir ikati, uureer daayiinaayt ikati. Uureer hasaadaat kiiki, tari faash kiiki, tari kibir kiiki, tari amag bhaliib kiiki. Uureer ooknaay salal kiihariw, kiisehas, toomaag dhigwiitiit kiiyꞌabik. Uureer wꞌadli naawiib kaꞌafirhiya, laakiin uusdik ansiramiiniyihoob afirhiini. Uureer door han kiigwooy, door han wꞌiimaan kiinaw. Diimaab sꞌayaabu, aree kassooh whaal imtariim.
Oodehay idꞌiraab aree bak sooyani (aan ibhali aniib kiikeena laakiin Wꞌankwana diyaabu): tutakat utakiisooh bitfidaageet toonaati. Laakiin batuuh titfadiigeek, ibakii dꞌaart baakaay teesitꞌeet toonaatu, tari ootakiyooh dehaay titꞌagiireet toonaati. Uutak han tootakatooh ibakii biifadiigeet toonaati.
Uutak ibakii idꞌareet shanhatiya tootakatii dehaay tankwiikweet toonaati. Tutakat han oontꞌaaneet utakiyooh dehaay idꞌareet shanhatiya tankwiikweet toonaati. Tootakati garu batooh tookna toobhaanaatiib kiiki, laakiin uutak han hooy eefi. Oontꞌaaneet ootaki garu han barooh ookna oobhaanaay kiiki, laakiin tutakat hooy teefi. Shalik door ookiik ammakkaartiit tikwasiineet toona nuun, taktak baaꞌamooraabna. Aflaay igarooyookna toosileeltii dehaay waasteena. Malya taktakee dehaay masi mꞌaana shaawti igarooyookna kaleewti raabii uubliis jarrabi hookna kiidi.
Haamtiit niyaatii tari dhiba faaleet niyaatii naat han baadꞌiina. Laakiin taktakee dehaay baatatageegaana, aree diimaab eeraw bareesookka hayiskaab hiisaana. Taktakeeb urayi gwꞌadna, iknaayeekna urayi oobhaat kiiki.
Uudehay eeribnuukna han baariibna. Taktakee dehaay shiboobna, oodehay eeraw han dehaay shiboobna.
Kastooh toonaati mhakwal, ibakii winneet taktak areeyaana, uureer gwidaat maagnaay giigsiini akay, ibakii taktak areeyaana.