Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
Bamatek, tonoso yin banyining yin ishim, kyɔn tɛ Anet-Isheshek di tonong bafi ikuus ne. A nɔɔk ice wu nek iba
Ngma na anɔng, won kaakyɛ azining yin na a shim abining wu tɛ a da shim ice wu, na abining e nesek amatek wu iratek.
Kpaf anɔng fi i se gyat bamatek na ba shim banyining bá ti nrɔm bá. Ngma anet fɛ́ a shim abining wu, a tsin shim ice wu yɔng. Nek vit anet fɛ́ a ki mang rawu kurɔm wu, tit na nesek iko nayak na nye iko, kyɔn tɛ Anet-Isheshek di nye na bafi ikuus wu,
Nek anɔng, kaakyɛ azining yin na a wobok mbɔɔs, na a taas afidang isot wu atsak, nek ngma yit, in yet yit nkap kurɔm kuzining.
<<Ayɛt ibeseng iyɛ yin, i bi ra yin inɛn awo.>> I bi won yin kunom ni ku kpa ni tsin rēn beseng yin áyɛ awo, i bi nɔɔk yin aShetan kawat awo.
I bi won yin ncɛɛt kpɛɛ ni in wuru na nu yin awo, tit kucɛɛt fi ku se gyat, fi ku da nok bakak ni izen ndaam, nɔng bayɔng fɛ́ ba tsin di wes ato bin di sok ikikak.
Tun yin kaakyɛ kuri iyɛ ife, ni ifa, ni ibeseng iyɛ, ni kurēn, ni ibeseng iyerek nɛ akaakyɛ kuri anyas. Sot yin kyang ni foos yin angmishish bafidang, fuut bafidang anɛn bá, kpaf tɛ fɛ́ Adakunom ki fuut yin ne ayɛt Anet-Isheshek.
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
Nkum atuk e yɔng da ba tɛ ba yet bafaa awo, tit kurɔm kuzining. Nek anɔng, ngma ikyɛng fɛ́ Adakunom mi mon, da anet akak na a kam ide awo.>>
Won kaangan na nesek kuweneng iratek de, won kameneng iweneng na ka sot cɛ́l, nek Adakunom bi ra bafi iras irɔs nɛ bafi iras kubi ishɔt.
Kusot fi ku se gyat bafi ikuus na ba nye
Banyining, nɔɔk yin ice yin sak na batek yin, nek anɔng e se gyat anu shon aTisa.
Batek, shim yin banyining yin, i bi ka ba zot yin awo.
Ayɛt nkyɔrɔk nang ngma, sok yin ishim aza akaakyɛ, iye fi itoos ishɛrɛp e gyat ngma.
Won kukyang fi ku nes ne Anet-Isheshek ni ku sot na áyɛ yin, nek ti nkap kurɔm kuzining, ba ki yes yin ni kusot kukyang. Nesek yin ifeng.
Nek anɔng, tɛ bayɔng fɛ́ Adakunom mi myak, fɛ́ ba se jɛrɛ, fi iwu ka ba shim makiyi, sot yin bafi nggɔn amushish, bafi itek, ni nhwyɛ, bafi imen ice, nɛ akabɔk. Nye yin akabɔk na bafidang. Fuut yin bafidang anɛn fɛ́ ba ki nye yin e, kyon tɛ aTisa ki fuut yin ne, anɔng wu fi i da fuut yin bafidang anɛn ba ba.
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
Ishim bɛ̀ akabɔk ni nhwyɛ. Ishim bi ifup awo, i bi itsot kugwɔm kɛ icɛshɛk ice awo. I bɛ́ kugbarak ice awo, i bɛ́ ishim ice awo, i bi namaan ziri awo, i bɛ́ tusung nkyɔrɔk imaan e ni iyɛ awo. Ishim fok nta iras nkyɔrɔk nmaane awo, tit ifoos nta iras atsak. Ishim bi te kawat ni izen mgbang awo, i bi nɔɔk atsak, i bi te iyɛ, i bi kabɔk na kaakyi ikyɛng.
Sak ne bayɔng fɛ́ ba mi ra kuweneng kong, in tsin ki nɔɔk yin ntsi, da imi awo, tit aTisa, ye, abining bi ka na kam ne amatek wu awo. Awɛt ke a nye nɔng, a bi ra kuweneng awo, ke anɔng awo, won na nosong ashi na amatek wu. Anɔng bà, amatek bi ka na kam ne abining wu awo.
Won amatek e na ra kutomong iweneng sak na abining wu, won abining e na a nye anɔng sak na amatek wu bà. Kurɔm abining e yet ku fuu aziwu awo, ku yet kufɛ́ amatek wu bà. Kpaf anɔng bà, kurɔm amatek e yet ku fuu aziwu awo, ku yet kufɛ́ abining wu bà. I bi ro yin ace yin ne awo, tit ni kushim yin ngma, in fi kizen gyet, nɔng i da bin nabak yin ace yin na awon. Ama anɔng, ni ti ni ya yin kashon kɔn aShetan bi ki mara yin nek avit itekap kurɔm yin.
I bi nye yin ikyikak nek ishim ice kɛ nek ito ice awo, tit ayɛt nggɔn imen ice ni kok yin bafidang se kashon ni iyin. Akak yin bi tsɛt ikyikak ifi ishim ice wu kyɛk awo, tit idɔng fɛ́ bakak di ki sɛ itek bà.
Da akak na a tarang akak na anyas awo, tit na a nye nyɛk, nye yin itek sak na bafidang ni ishɛrɛp banet.
Iratek e ngma yet shim yin bafidang ni iyɛ izining. Nek ishim famasa ihwyanang anɛn dot.