Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
Mi nahmedung, Khrista ngqwabe de hung eh pe pum kai kebeu nzwa nnuide nnui naumedung de hung lulo,
Cinzwa delwe, nnui hangge ge kecu de pekatei pecu keku nzwa, pe naude kulu maisia, nah pe naude pe nahpei de rütlu maisai.
Cinzwa eh, mi nahmedung pekatei pe pum de keku nzwa penui naudung de hunglu maisia. Pe naude hung kelabe pekatei pecu hungla. Migede madaude pekatei pe pumde ngkau lama, dede Khrista ngqwabe dage tei kegai nzwa pa cide pok tei sünne eh pie teune lula,
Ciziemne, kemret keugidi eh, nnui keheibe de pe kidabe dade kesangbe ranglu, kedanemene anui au pumge ga peupeime kaplu.
Nnui ratalu dede kemau teiso. Peu nnui rata eh tingnaimiak nlüt diso, mede herakesiabe de zuiyi keyi gede peu so.
Nnui mui gade sam kesiabe kette peu rangpet so, dede sam keyibe, mi teumai kesiabe mide teu cuhlu kerabe rünne ranglu, iciude kekingneime de peu ngaugia ngaulu zie.
Peu helung kekaa pekiene, nah lunghop, nah rata, nah regi kecu, nah mide kii kecu, lungcet kesia leune si eh gidi lu. Meliene, hangge ge dade nnui zai yi nah helung ncieplu, ketket maugi beulu, Khrista gade Tinggwang nnui maugi kebeu nzwa.
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
Cine penai hangna tadi zie, dede teih ge dizie. Ciziemne Tinggwang ne teincüt kebeude, peu mina de teu ntsamdi helo."
Dede nnui miak gade magade RAMPAUBE gwatei neumai, nnui katei nnui caube gwatei ziebi kedetlu, ndaa nnui paume Euphrate Kereuki gwale reca kela rabedung de ziemi nnui lung kebam deu ga Amoritme rabe de ziebi. Dede Ih nah a kilungme au RAMPAUBE gwa teizie."
Mileune depeu laktak de herüt peulo, nah laktak zeu de peu mcilu, kedanemene Tinggwang mmha eh mci kemakme nah kemmhame tutiak zielu.
Khrista kelak zaidung
Minaumedung, nnui nahpeidung kangga lunglu, cide Rampaube dwade petau lu. Minahpeidung, nnui naude hunglu, nah penui dade nnui zaisia so.
Dede ma aidungde pelane reu, keku de teu bahlu, cide ma pelane kang ncüt kelube da. Nah peu Khrista lungciepbe de nnui lung teu kelabe teilo, cipau lungciep de gage nnuide de qupwa pum ge teilu delu. Nah twa eh lalu.
Ciziemne, Tinggwang ne kedetkelume ge, mci nah pekume tei eh, mide ngau kenggia, keku, mizai kehenah, kenciep nah helungketie teu bah lulo. Hangge ge dade nnui lungtie lu nah ngaugia pwa hangge ge dage peulu, magade mige mikeda ge de ncam lacai; Rampaube nnui mau gi kebeu nzwa, nnuide mi mau gi beu maisia.
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
Keku au pelungtie nah mide ngau ngaunggia la; keku mide periak lama; keku helia mede ngang lama. Keku au pezai sia lama, mede pekatei peziu ci lama, perata zette di lama, mede mi kesia teigai de cide pelung gage kaiteu lama. Keku au masang kemakbe pesui lama, dede kesangbe ga pesui lala. Keku ma pelane gum lula, ma pelane nlum la, ma pelane ga keregui bamla, ma pelane lia lula.
Cu kelak tei kelume dage Ih aja aide kaila—Ih ne ma, dede Rampaube ne—henau gede peu pe nahpei dade mpet ntsam kerabe ma (dede pa mpet ntsamdi cai, peu pecu hemeu meu dai mene bamlu, mede peu pe nahpei de ngngwa kezuyi dailu), nah minahpei ge penau de tah kerabe ma.
Peu penah de penau dage pe nsam tei gailu, nah cinzwa penau de penah dage pe nsam tei gailu. Penau ge pekatei pe pum reu kengkieng gah, dede pe nahpei da bam. Nah cinzwa eh pe nahpei de pekatei pe pum reu kengkieng gah, dede penau da bam. Hangge ge de mlai diso, tingkak ge ziemne kesamdau kelu gade gwale, iciu eh kekie gage nnui nnui ting kailu kerane. Pecai gwang ncüt dailu, iciude nnuikatei nnuide kezeulu kemak ziemne Satan nnuide kedei melu kerane.
Nnui ziu ci mede ngang eh magede teiso, dede henah eh kedame nswa yiki lie cetlu. Keheibede de nnuikatei nnui suibe rünne teiso, dede mikedame suibe de tei lulo.
Migede petau kemakpe ziemne petau kemakpe le tei gwa melu kerane mriaklu, dede hangge ge dage nah pelane dage keyibe tei kera peei muilu.
Bamkeraide nnui kereku recakdi mene kereku lu, kedanemene keku kemau kekiee gumlu lalu.
Henau keyi ngau kelube makeyi ge ngau luda;
nah RAMPAUBE dade suiyi ngau lula.