Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
Aɓá, fye ye ǹ əfye anyikwoi, n ɓwasnu shi Kirisiti ɓə ye n ikilisiyai nyi, wa ga əwohni tukwo ntu kwo ɓo,
Dudulonu, ɓəshishi nu zahozahoyi wa ye n əwo nyikwoi ngye shi wo ye əwohni, njesnu ɓəshishi nu nyikwo wa ga əwo əɓá mwamwa.
N ɓwasnu nlai nu, n aɓá gwo ɓa ye n əɓa anyikwoi ngye əɓahni anayi. Əza n wo ye n əwo nyikwoi, wo ye əwohni nu. Nshnisnusnu, əzaho to lo n wo wnu əwohni nayi nu m, ama wo ga nyagyi woi wna kwo akna n ɓwasnu shi Kirisiti wna ikilisiya akna nyi,
Ntucenu ɓəshishinu zahozahoyi n fye, wa fa akatáce ɓo, jesnu wa da gaiciyanunui n əwo kwnuzhiyii, ntuge əyi vnyanya zhni aga nu nayi gbmanyi nya.
"Dna n əho minagyi to zhni leifyi m" To ye nyipyei kwa shni hoi ye tu n əho minagyi m, jesnu to ga Shetam apita tu aba m.
To ye ɓəda nukwoi dəhodəhoi kwa gbmiɓe n əho əgbe m, akpəge əɓo n kwo ɓa ga bmazhni ntu azaje mimi ɓo, shi ɓa n əkwo apmai lo, nabai n kwo ɓa bma aza yi zhni n ɓa wo nyi.
Fye la bwugbalilii kwnuya vnyanya, n napyei n minagyii, anyàwu n əyewnuyai, ɓədo n ɓəshinmì dəhodəhoi pyai. Fye zhni aje shebmyashi njesnu fya wu aje snusnugye, fyei zo aje abwi n ɓwasnu shi, dna n Kirisiti, Shekwoyi ɓə zo fye abwi nyi.
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
Ntulonu, ɓa to ye zhni ngwnu-aba nu m, ama nayi gbmanyi. Ntucenu ənya ń Shekwoyi wo la kwo cigyido, zahozahoyi to gna kwo ajeya m."
Aza vnyanya ɓa ga mwula mwamwa, jesnu mwula gədo kwaa gnyi n tnadodnai, ntuge Shekwoyi ɓəə da anagbáizhniyi owa ɓədo n asisiɓozhniyii vnyanya.
Agbega ntu Kirisitiavyiyi apwuwa ɓo
Anyikwo anusei, fye kwu əfyehni ga əfye aɓá, ntuge kwo wulo cewo dna n Dagayi.
Aɓá, fye ye n əfye anyikwoi jesnu to fya pyena n ɓai m.
Jesnu kpe n alu amanai ye vnyanya, fye kwu yeye kpe, n əkwo nu ye ɓa ɓədo ń abagbmanyi dna n ɓwadodna nunui.
Fye fa Kirisiti bwugbafu kwa gyibe fyi n əfye adu, shikwonyi fye zhni aga nayi gbmanyi nya nu, a ɓə yi fye fyi n bwugbafu nu. Jesnu fye kwu zhni Shekwoyi amisayi.
Ntucenu, ntuge fye zhni Shekwoyi aza aknyiknyiyi nu, agyigyiyi njesnu ayeyeyi dəidəi, fye kwu fyehni pwi n snusnugyei, n ɓəmanaizhnii, n tukwogbai, n aɓəzhnii pəceye ɓədo n bwugbaɓwai. Fye ɓwa əmì n ajei njesnu ngye əzaho ń fye n minagyii lo n əwo zadoi, fya zo aje abwi. Fye zo abwi ngye shi Dagayi ɓə kwu abwizo fye nyi.
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
Yeye zhni bwugbaɓwa nu, yeye zhni abmyazhni nu. Kwo to n bmyibmyii m, kwo ta gyigbe m, kwo to n tukwomwai m. Kwo ta ci azaje wyegba m, kwo ta zna əkwohni əɓo shni m, kwo ta pye n minagyi gyii m, kwo ta shi əɓo fyi n əmì m. Yeye ta dagbma dna n nukwoi zhi m, ama kwo ɓwa agbmada n kwnusnu n gaiciyanunui nu. Kwo n aɓwaknai ciici, kwo kwnukpema ciici, kwo n awyetui ciici, kwo n bwugbaɓwai ciici.
Amwulapayi mi ga fye ɓəgbetu ye (əmi nu to m, ama Dagayi nu) Ɓəshishi nu nyikwo taa ya əwo ənu m. Ama n wa zhni lonu, ɓəshishi nu wa gnyi ntna ənuso; n kwo ɓá cecelonu, wa jezelo da əwo ənu. Njesnu ɓəshishi nu ənu taa ya əwo nyikwo m.
Ənu wo nu əwo mwula tnutnuzhni ga əwo nyikwo, n kasnu nyikwo ga əwo ənu. Nyikwo wo ga əwo əɓa əwo nayi ɓəznu, n kasnu əɓa wo ga əwo nyikwo əwo nayi ɓəznu. Fye to wo aje əfye anayi ɓyi m, akpəge fye kwu ɓəda da n ajei kwonyi kwu fye lodo n ɓwasnu əsa fyewyi nya, nabai n fye ɓa myi fya kwu əfyehni ga fyi n aduwazhni. Nlonu fye je yegwu aje nabai n Shetam taa mwu fye ntu tna əfyehni wnashi ɓo m.
Fye to zhni ɓəho dna n gnawohni bwugbaɓəye nya kwo fyi n tukwomwa gbəloi m. Dna n əkwoɓwi, dna n tukwogba, fye gye azaje n apmai n du əfyehni, to fyei shi əfyehni aɓəwyeda nu awye m, ama zahozahoyi n fye mi, wo shi əwo azaje aɓəwyeda nu awye.
Fye gye nge zahozahoyi to gbá ɓənukwoi əta n ɓənukwoi m, ama n əsahosahoii fye la əwye nyi fya zhni abmyazhni ga aje jesnu ga zahozahoyi ce.
Əɓo n kwo dulo vnyanya, fye wu aje yeye n loloi, ntuge yeye kwu aleifyi bəgyé pwuanya.