Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Utanzi wa heni wangulawa kwa Mkulu Nguluwi,
yalumbile ulanga na isi.
Nguluwi ka hamwe na hetwe
Nguluwi ndo honhu ha hetwe ha kubilimila na mong’ho wa hetwe,
heye ndo utanzi wa hetwe mazuwa gose mhela wa magazo.
Ndivizela Nguluwi ndo utanzi wa heni,
Mkulu ndo yalingunyimiza nzinzili.
Mkulu Nguluwi kanguwaloholaga watanganiche,
na kuwamila mhela wa magazo.
Mkulu Nguluwi kanguwatanza na kuwalohola,
kanguwaloholaga kulawa kwa wehile na kuwawika hali kikala goya,
kwa vila wangubilimila kikala goya kwa heye.
Uye himahima kunhanza,
gwa Mkulu Nguluwi, uwele ndo ulohozi wa heni.
Ututanze, gwa Nguluwi, mlohozi wa hetwe,
kwa lutogo lwa itagwa lyako
utulohole na kugagubika gehile ga hetwe,
kwa chiwalo cha itagwa lya hegwe.
Yatogoligwe Mkulu Nguluwi,
kwa vila nakahulika kulanda kwa heni kwa isungu.
Mkulu Nguluwi ndo mong’ho wa heni na ngawo ya heni,
nhumbula ya heni yangitumbila kwa heye.
Nakanhanza nani nditowa luchenze kwa nhumbula,
kwa lwimbo lwa heni ndangulonga malumbo kwa chiwalo cha heye.
Wone Mkulu Nguluwi yahalechile kunhanza,
ndahawele habehi kuluta kuli isi ya wabagame.
Kwa vila heni ndo Mkulu Nguluwi, Nguluwi wa hemwe,
heni ndo ndilingibata moko ga hemwe ga kudilo,
na kuwalonjela, ‘Mleche kudumba, ndowatanza.’ "
Nakumha heni ngawo ya hegwe ya ulohozi,
kunyenyetela kwa hegwe nakundita ndiwe mkulu.
Muye kwa heni hemwe mweng’ha muwele kugaya na kupapa itunyo, na ndowapa honhu ha kwesela.
Nani ndomlanda Mhaza naye kowapa hemwe Mtanzi yunji, yawele yochikala na hemwe mazuwa gose.
Hiho du, naye Muhe Yelile kangututanza kuli ung’hochele wa hetwe. Mina hatuvizelele vyotulinguganigwa kulanda, ila Muhe heye kangutulandila kwa Nguluwi, kwa kung’ung’uta kwa masizo ne kulavya lizi. Naye Nguluwi yalingulola mbaka mgati mwa nhumbula za hetwe, kavizela majesa ga heye Muhe, kwa vila ayo Muhe Yelile kanguwalandila wanhu wa Nguluwi kwa kuwinza vyoyogana Nguluwi.
Witumbile kwa Mkulu Nguluwi kwa nhumbula ya hegwe yeng’ha,
uleche kitumbila nyhala za gwegwe baho.
Umkumbuchile Nguluwi kuli chila choulingudita,
heye kozigolola nzila za hegwe.
Mumuwichile nongwa za hemwe zeng’ha, mina heye kanguwamila.