Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Ukwapfilighwa kwangu kolawa kwa IMNDEWA,
Iyaumbile kulanga na isi,
Kuna twetwe Imulungu yuyo yatumtsumila na iyotwing’a ngupfu,
yeye kotwapfila ng’ani mna ghamatsuwa gha ukughaya.
Lola! Imulungu yuyo iyonyapfila nene,
IMNDEWA yuyo iyokindilitsa ugima wangu.
IMNDEWA katsowakombola iwanu wana ihaki,
kwaapfila yeye yuyo iyowakombola mna ghamatsuwa gha ukughaya.
Naye IMNDEWA kawapfila na kawakombola,
kowalapfa kulawa mna na iwanu iwehile na kowakombola,
kwa apfila wawo womtsumila yeye.
Sumka utse unyapfile, Ghwe MNDEWA, yunikombola.
Utwapfile ghwe Imulungu wa ukombotsi wetu,
kwa ajili ya utunitso wa litaghwa lyako,
Utukombole, na utuleghusile tsinzambi tsetu,
kwa ajili ya litaghwa lyako.
Lelo yatunitsighwe IMNDEWA,
kwa apfila kahulika ichililo cha ukulomba kwangu.
IMNDEWA yuyo iyali tsingupfu tsangu, na ingao yangu,
ghumoyo ghwangu ghwehuwila yeye,
na nene nyapfilighwa,
ghumoyo ghwangu ghudeng’elela,
na nene nitsomwimbila wila wa mighede.
Tsa kama IMNDEWA ng’anyapfile baye,
nene ning’aghendile kuna isi ya iwanu iwafile.
Kungaya ingawo yako ya ukombotsi,
kunitenda nene niwe mkulu kwa apfila pfaunyapfile.
"Mtse kuna nene, mwemwe mwose imghanzika na imdununzighwa na mitsigho mitsito, na nene nitsowatula mbwihile.
Na nene nitsomlomba Aba, naye katsomwing’ani Mwapfila yungi, iyatsokala namwe ghamatsuwa ghose ing’aghohupa.
Pfipfila, Ghumuhe kotwapfila twetwe mna ukuhungukighwa kwetu. Ng’atumanyile bae ukulomba ka pfaibamighwa, lekeni Ghumuhe imwenyegho kotulombela twetwe kwa kughutilila ing’akudaha kulongighwa. Naye iyakona mmoyo mwetu, komanya Ghumuhe chayakwalangula, kwaapfila Ghumuhe kowalombela wahenzeluka ka pfoyobama Imulungu.
Wihuwile IMNDEWA kwa ghumoyo ghwako ghwose, na uleke kwihuwila tsimbutsi tsako ghumwenyegho. Umtambule Imulungu mna chila chinu chautenda, naye katsogholosa tsinzila tsako.
Mwasileni Yeye ghose ghamghanzika, kwaapfila yeye kowatunzani.