Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Ma kekyɔ gyae ka lee Degbeŋgyoo,
ŋon ɔ be yɛɛ adido na tɛɛle nɛ gyaŋ.
Wurubuarɛ yɛna da keyeu kagyoo na de doŋ,
ɔ ne kyɔ daa debaŋ kamasɛ da wose kekyaŋ man.
Kɛɛ, Wurubuarɛ yɛna me kyɔɔre,
Degbeŋgyoo nyiŋmaa man te me nyeedoŋ doo.
Degbeŋgyoo ne lɛɛna baŋ ba tenɛɛ nɛ nyee,
nyi ba wose de kyaŋ wɔ na, ŋon te bee yeu kagyoo.
Degbeŋgyoo ne kyɔ wɔ na ɔ te lɛɛ wɔ,
ɔ ne lɛɛ wɔ lee akpanyanyaŋtena nyiŋmaa man, na ɔ te lɛɛ ba nyee,
nawolo nyi ŋon te bee yeu kagyoo.
Me Gbeŋgyoo na ma nyeelɛɛre,
kɔŋ bileŋ na n kaa kyɔ maŋ.
Wurubuarɛ da nyeelɛɛre, kyɔ daa,
lee gyoorobiiri keŋ n yele be lɛɛ dɔɔ,
lɛɛ daa na n ka mo de dukum kyɛɛ daa,
lee n yele keŋ dɔɔ.
Ɛ lese Degbeŋgyoo yele,
nawolo nyi me wiiwɔ baake e na ɔ wii me waraŋase.
Degbeŋgyoo yɛna me doŋ na me yoo nyeele pampasaŋ,
Ma moo me loo gyakaa ɔ dɔɔ, te ɔ kyɔɔ maŋ.
Mɛɛ nyaŋee me konɔɔ man,
ma moo me nɔɔneŋ lese ɔ yele.
Na Degbeŋgyoo kyɔɔna maŋ ya nɛ,
nafɔ nnɛ me ta yem me doo woyadɛɛ.
Nawolo nyi maŋ yɛna Degbeŋgyoo n Wurubuarɛ,
ŋon mɔɔ lɔ kyaŋ neŋ n dunoluŋ nyiŋmaa man,
te mɔɔ yako neŋ nyi, Naa yee ya,
maa kyɔ neŋ nɛ.
Mo n konɔɔ pou lɔ Degbeŋgyoo dɔɔ,
na mo n wose lɔ nyaŋ gbagba n nombia man kenyii dɔɔ ya.
Yɔkɔse n wose fa e n kekyaabii man pou,
ŋon ne gyaela waa tenee n detɛe man.