Yesaya 20

Keyakosee tia Igyipite na Kuse

1 Kulutoo keŋ Asiriya gyoo Saregɔn be kpila yoonɔɔte dinaa gyu ke yoo tia Asedode donɔɔ te ɔ ba mo ke nɛ, 2 debaŋ kenaŋ te Degbeŋgyoo kolosiwɔ ta Amose bu Yesaya dɔɔ. Ɔ yako e nyiaa, <<Kpee titere keŋ lee n wose man na n ka kpee nyaŋ nkyokotase.>> Te ɔ yɛɛwɔ mena, na ɔ dɔŋ deteŋteli na naawɔɔ wolo.

3 Keŋte Degbeŋgyoo yakowɔ nyiaa, <<Mena keŋ me tobaale Yesaya be tɛɛ deteŋteli na nawɔɔ wolo kulutooneŋ atooro nɛ, keŋ yɛna kagyene te seŋɛɛfa keŋ ne tia Igyipite na Kuse, 4 mena te Asiriya gyoo waa tina Igyipitetena baŋ ɔ be yoo kyaŋ na Kusetena baŋ be doo gbeŋiri man nɛ yela baa ta deteŋteli na ba mokɔɔse lekɛɛ, na naawɔɔ wolo. Be kegyiise na bia pou na ka mo do Igyipite desɛŋ. 5 Baŋ bɛɛ mo ba wose lɔ Kuse dɔɔ te bɛɛ gyɔ be konɔɔ Igyipite dɔɔ nɛ, ba awoya gyae ke yɔkɔse wɔ na desɛŋ ke kyaŋ wɔ. 6 Wee kenaŋ baŋ be kyaa boo nɔɔman nɛ baa yako nyiaa, <Kɛɛ keŋ be kɔŋ baŋ dɔɔ mo da wose lɔ be dɔɔ nɛ dɔɔ, baŋ doo yeu ke tuŋ nyi baa kyɔ na baa lɛɛ daa lee Asiriya gyoo nyiŋmaa man nɛ. Nɛnɛɛ sena yaa dɛɛ yɛɛ na dɛɛ yeu lee ke man?>>>