Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Ugutabarwa kwanje kuva k’Uhoraho,
Umuremyi w’ijuru n’isi.
Imana ni yo buhungiro bwacu n’inkomezi
ni umufasha atabura guseruka mu magorwa.
Ni ukuri Imana ni yo mutabazi wanje;
Uhoraho ni we anshigikira.
Agakiza k’abagororotsi kava k’Uhoraho;
ni we gihome kibakingira mu bihe vy’amagorwa.
Uhoraho ni we abatabara akabarokora;
akabarokora mu maboko y’abanyakibi akabakiza,
kuko bamuhungiyeko.
Tebuka untabare,
Mwami wanje kandi Mukiza wanje.
Dufashe, Mana mukiza wacu,
ku bw’icubahiro c’izina ryawe;
dukize uduharire n’ivyaha vyacu
ku bwo’izina ryawe.
Uhoraho ashimwe,
kuko yumvise ugutakamba kwanje.
Uhoraho ni we nkomezi zanje n’inkinzo yanje;
umutima wanje uramwizigira, na we akantabara.
Umutima wanje witerera hejuru kubera umunezero,
nanje nzomushimisha indirimbo yanje.
Uhoraho iyo atantabara,
mba naragiye ahantu h’agacerere k’urupfu.
Kuko ndi Uhoraho Imana yawe,
ni jewe ngufashe ukuboko kw’i buryo,
nkakubwira nti: Ntutinye,
nzogutabara.
Agakiza kawe kabaye inkinzo yanje,
ubushobozi bwawe ni bwo bwangize uwuhambaye.
Nimuze kuri jewe mwese abarushe n’abaremerewe n’imitwaro, ndabaruhura.
Nanje nzosaba Data abahe uwundi Mwitsa azobana namwe ibihe vyose,
Muri uko kurindira, Mpwemu Yera ni we adufasha mu ntege nke zacu. Mu vy’ukuri ntituzi ico dukwiye gusengera, ariko Mpwemu Yera aradusengera aniha iminiho idashobora gusigurwa n’amajambo. Kandi Imana isuzuma imitima, iramenya neza ico Mpwemu yiyumvira, kuko Mpwemu adusengera twebwe abejejwe nk’uko Imana igomba.
Wizigire Uhoraho n’umutima wawe wose,
ntiwishimire ugutahura kwawe.
Wame urondera ugushaka kwiwe mu vyo ukora vyose,
na we azogorora inzira zawe.
Muyikorere ingorane zanyu zose kuko irabitayeho.