Aliança
A aliança é o modo como Deus se relaciona com seu povo. Da aliança com Noé à Nova Aliança em Cristo, Deus se compromete com amor e fidelidade irrevogáveis.
Alianças com Israel
Deus firmou aliança com Abraão, Moisés e Davi. No arco-íris, na lei, nas promessas — Ele é o Deus da aliança.
फिरी परमेशरे नूह ते तैसेरे मट्ठन सेइं ज़ोवं, "शुना, अवं तुसन सेइं ते तुश्शे बाद ज़ै तुश्शी खानदानी भोल्ही, तैस सेइं भी करार केरताईं; ते सब ज़ींते प्रैणन सेइं भी ज़ैना तुसन सेइं साथी आन, कुन च़ुड़ोलू कुन पैलतू जानबर, कुन धेरतरे सब जंगली जानबर, धेरतरे ज़ेत्रे भी जीप जन्तू ज़िहाज़े मरां निसोरेन। ते अवं तुसन सेइं अपनो ई करार केरताईं कि सब प्राणी फिरी पैनेरी हड़ैई सेइं नाश न भोल्हे, ते धेरतरो नाश केरनेरे लेई फिरी पैनेरी हड़ाई न एज्जेली।" फिरी परमेशरे ज़ोवं, "ज़ै करार अवं तुसन सेइं, ते ज़ेत्रे ज़ींते प्राणी तुसन सेइं साथीन तैन सेब्भन सेइं जुगां-जुगां केरे पीढ़ी-पीढ़ी केरे लेई केरताईं; तैसेरो ई निशान भोल्हो: कि मीं बिदलारी मां अपनि बुन्ज़ल लट्ठ रख्खोरीए, तै मेरे ते धेरतरे दरमियान करारेरो निशान भोल्हो।
ते अवं तुसन सेइं अपनो ई करार केरताईं कि सब प्राणी फिरी पैनेरी हड़ैई सेइं नाश न भोल्हे, ते धेरतरो नाश केरनेरे लेई फिरी पैनेरी हड़ाई न एज्जेली।"
कि मीं बिदलारी मां अपनि बुन्ज़ल लट्ठ रख्खोरीए, तै मेरे ते धेरतरे दरमियान करारेरो निशान भोल्हो।
तैस्से दिहाड़े यहोवा अब्रामे सेइं ई करार कियो, "मिस्रेरे सरहद्दी करां लेइतां फरात नंव्वेरे बडे दरियाए तगर ज़ेत्रो मुल्खे, मतलब, केनी लोक, कनिज्जी लोक, कदमोनी लोक, हित्ती लोक, परिज्जी लोक, रपाई लोक, एमोरी लोक, कनानी लोक, गिर्गाशी लोक ते यबूसी लोकां केरो मुल्ख, मीं तेरे खानदाने जो दित्तोरोए।"
तैखन अब्राम तुत्तरेरे भारे ज़मीनी पुड़ झुको ते आराधना की ते परमेशर तैस सेइं इनां गल्लां केरतां जेवं, "हेर, मेरो करार, तीं सेइं साथी बनोरो रालो, एल्हेरेलेइ तू बड़े कौमां केरे टोली केरो बाजी भोइ गालो। एल्हेरेलेइ अज़्ज़ेरां बाद तेरू नवं अब्राम न रालू पन तेरू नवं अब्राहम भोल्हु; किजोकि मीं तू कौमां केरो बुज़ुर्ग बनेवरोस। अवं तीं बड़े जादे फलदार बनालो, ते तीं कौमां केरो बाजी बनालो, ते तेरे खानदाने मां राज़े पैदा भोल्हे। ते अवं तीं सेइं, ते तेरे बादे मां पीढ़ी-पीढ़ी तगर तेरे खानदाने सेइं भी इस गल्लरो जुगे-जुगे तगर करार केरताईं, कि अवं तेरो ते तेरे बाद तेरे खानदानेरो भी परमेशर भोइलो। ते अवं तीं, ते तेरे बाद तेरे खानदाने भी, ई सारो कनान मुल्ख, ज़ैस मां तू परदेशी भोइतां रहतस, एन्च़रां देइलो कि तै जुगे-जुगेरे लेई तैन केरि अपनि ज़मीन भोल्ही, ते अवं तैन केरो परमेशर भोइलो।"
फिरी परमेशरे अब्राहमे सेइं ज़ोवं, "तू भी मीं सेइं साथी कियोरे करारे मेन्नां; तू ते तेरे बाद तेरू खानदान भी अपने-अपने पीढ़ी मां तैस मन्ते रान। मीं सेइं ज़ै कियोरो करार, तीं ते तेरे बादे तेरे खानदाने मन्नो पेनोए, तै ईए: कि तुसन मरां हर एक्की नरेरो खतनो भोए। तुस अपने-अपने चेमड़रो खतनो करेइयथ: ज़ै करार मेरे ते तुश्शे दरमियाने, तैसेरो निशान ईए भोल्हो।
च़ेवधोवं साले मां कदोर्लाओमेर, ते तैसेरे साथी राज़े आए, ते अश्तारोत्कनमे मां रपाई लोकन, ते हामे मां जूजी लोकन, ते शावे-किर्यातैमे मां एमी लोकन,
एल्हेरेलेइ हुनी अगर तुस सच़्च़े मेरी गल मन्नेले, ते मेरे करारे मन्नेले, त सब कौमन मां तुस मेरी अपनि मलकीत रानेथ, किजोकि सारी ज़मीन मेरीए।
अवं लाल समुन्दरे करां देंते पलिश्ती लोकां केरे समुन्दर तगर ते जंगलेरे देंते फरात दरियाए तगर मुल्खे तेरे कब्ज़े मां केरि देलो, अवं तैस मुल्खेरे रानेबालन भी तेरे कब्ज़े मां केरि छ़डेलो, ते तीं तैना अपने सामनेरां पूरे केढी छ़डनेन। तू न तैन सेइं कोई करार केरां ते न तैन केरे देबतन सेइं।
तैनी ज़ोवं, "शुन, अवं अक करार केरताईं, तेरे सब लोकां केरे सामने अवं चमत्कार केरेलो ज़ेरू धेरती पुड़ ते सब कौमन मां कधी नईं भोवरू; ते तैना सारे लोक ज़ैन मां तू रहतस यहोवारू कम हेरेलो, किजोकि ज़ैन अवं तुसन लोकन सेइं केरनेबालोईं तैन डरने बालू कम्मे।
मूसो त यहोवाए साथी 40 दिहाड़े ते 40 रात राव; ते तैखन तगर न त तैने रोट्टी खाइ ते न पानी पीवं, ते तैने तैन तेख्तन पुड़ करारेरे वचन मतलब दश हुक्म लिखे।
मूसो त यहोवाए साथी 40 दिहाड़े ते 40 रात राव; ते तैखन तगर न त तैने रोट्टी खाइ ते न पानी पीवं, ते तैने तैन तेख्तन पुड़ करारेरे वचन मतलब दश हुक्म लिखे।
ते तैनी तुसन अपने करारेरे दश्शे वचन ज़ोइतां तैन केरो मन्नेरो हुक्म दित्तो; ते तैना घोड़ेरी दूई तेख्तन पुड़ लिखे।
एल्हेरेलेइ याद रख, कि तेरो परमेशर यहोवा ही परमेशरे, तै भरोसेरे काबल परमेशरे; ज़ैना तैस सेइं प्यार केरतन ते तैसेरे हुक्मन मनतन तैन सेइं तै हज़ार पीढ़न तगर अपनो करार मन्ते, ते तैन पुड़ दया केरतो रहते;
Alianças renovadas
O povo renovava a aliança diante do Senhor. A fidelidade de Deus permanece mesmo quando o povo falha.
एल्हेरेलेइ ज़ैखन इस्राएली लोकेईं अपने डेरन मरां यरदन दरियाए पार गानेरे लेई सफर शुरू कियूं, ते याजक करारेरे सन्दूखे छ़ुइतां लोकन अग्री-अग्री च़ले, ते सन्दूख छ़ूनेबाले याजक यरदन दरियाएरे बन्ने पुड़ पुज़्ज़े, ते सन्दूख छ़ूनेबाले याजकां केरे पव यरदन दरियारे पैनी मां पे, (फसलरे कटनेरे मौके सारे दिहाड़न मां यरदन दरियाएरू पानी अपने निशाने करां उबरू च़ेढ़तां बांमेइं बगते।) तैखन ज़ैन पानी बांमेइं बगतू थियूं, तैन बड़े दूर आदाम नगरे कां ज़ैन सारतान नगरेरे नेड़े तैड़ी रुकतां अक ढेर बेनि जेवं, ते दिवारारू ज़ेरू खड़ू राव, ते ज़ैन पानी मैइदानेरे समुन्दर ज़ैस जो खारो समुन्दर भी ज़ोतन तैस पासे बगतू थियूं, तैन पूरे तरीके सेइं शुक्की जेवं; ते इस्राएली लोक यरीहो नगरेरे सामने पार पुज़्ज़ी जे। ते याजक यहोवारे करारेरो सन्दूख छ़ुइतां यरदन दरियारे ज़मीनी पुड़ बराबर खड़े राए, ज़ांतगर सारे इस्राएली लोक शुकोरी ज़मीनी पुड़मेइं पार न पुज़्ज़े, आखरकार सैरी कौमरे लोक यरदन दरियाए पार च़ले जे।
तैखन यहोयादा याजके यहोवारे, ते राज़े ते लोकां केरे मझ़ाटे यहोवारे लोक भोनेरे लेई अक करार कियो, ते तैनी राज़े ते लोकां केरे दरमियान करार कियो।
तैखन राज़े खम्भे कां खड़े भोइतां यहोवा कां इस उमीदरो करार कियो: कि अवं यहोवा पत्ती-पत्ती च़लेलो, ते अपने सारे मन ते सारे प्राणे सेइं तैसेरो हुक्म, ते हदायतां ते विधि हमेशा मन्तो रेइलो, ते इस करारेरी सैरी गल्लां ज़ैना इस किताबी मां लिखोरिन पूरी केरेलो; ते सब लोक करारे मां शामल भोए।
एक्सां यहोराम राज़े सामरिया नगरे मरां निस्तां सारे इस्राएली सिपेही केरी गिनती की। ते तैनी गेइतां यहूदा प्रदेशेरे राज़े यहोशापाते कां ई समाद भेज़ो, "मोआबेरे राज़े मेरे खलाफ बगावत कियोरीए कुन तू मीं सेइं साथी मोआबे सेइं लड़ने च़लेलो?" तैनी ज़ोवं, "हाँ अवं च़लेलो, ज़ेरो तू आस तेरहो अवं आईं, ज़ेरी तेरी सेना आहे तेरही मेरी सेना आहे, ते ज़ेरे तेरे घोड़े तेरहे मेरे घोड़े आन।"
एन्च़रां सेइं योनाताने दाऊदेरे घराने सेइं इन ज़ोइतां करार कियो, "यहोवा दाऊदेरे दुश्मन्न करां बदलो ने।" ते योनातान दाऊदे सेइं प्यार केरतो थियो, ते तैनी तैस फिरी कसम दित्ती। किजोकि तै तैस सेइं अपने प्राणा केरे बराबर प्यार केरतो थियो।
तैखन यहोवाए मूसे सेइं ज़ोवं, "हारून याजकेरे पोट्लड़े एलीआजरेरे मट्ठे पीनहासे, ज़ैस इस्राएली लोकन मां मेरी ज़ेरी जलन भोइ, तैनी तैन पुड़ेरां मेरी सरक एड़ी तगर दूर की, कि मीं जलनी सेइं तैन केरो अन्त न कियो। एल्हेरेलेइ तू ज़ोई दे, कि अवं तैन सेइं शान्ति केरनेरो करार केरताईं।
"ते तैना तैसेरे लेई, ते तैसेरे बाद तैसेरे खानदानेरे लेई, हमेशा तगर याजक पदेरो करार भोल्हो, किजोकि तैस अपने परमेशरेरे लेई जलन भोइ, ते तैनी इस्राएली लोकां केरे लेई प्रायश्चित कियूं।"
ते ज़ैखन मूसो यहोवा सेइं गल्लां केरनेरे लेई मिलापे बाले तेम्बु मां जेव, तैनी प्रायश्चितेरे ढकने पुड़ां ज़ै गवैहरो सन्दूखे पुड़ भोतो थियो, दूईये करूबां केरे मझ़ाटेरां तैनी आवाज़ शुनी, ज़ै तैस सेइं गल्लां लगोरो थियो केरने, तैनी यहोवा सेइं गल्लां की।
तैखन यहोवा मूसे सेइं ज़ोवं, "इस्राएली लोकन सेइं गल्लां केरतां तैन केरे सियाना केरे घरां केरे मुताबिक तैन केरे सेब्भी प्रधान्न कां अक-अक सोटी ने; ते तैन बारहे सोटन पुड़ एक्की-एक्की पुड़ एक्की-एक्की घरेरे पूर्वज मड़देरू नवं लिख, ते लेवी केरी सोटी पुड़ हारूनेरू नवं लिख। किजोकि इस्राएली केरे सियाना केरे घरानेरी अक-अक प्रधान मड़देरी अक-अक सोटी भोल्ही। ते तैन सोटन मिलापे बाले तेम्बु मां करारेरे सन्दूखे अग्गर, ज़ैड़ी अवं तुसन सेइं मिलताईं, रेखी छ़ड। ते ज़ैस मड़दे अवं च़ुनेलो, तैसेरी सोटी गुड्डी निसेली; ते इस्राएली ज़ैना तुसन पुड़ बुड़बड़ाते रहतन, तैन बुड़बुड़ानु अवं एप्पु पुड़ेरां दूर केरेलो।" ते मूसे इस्राएली लोकन सेइं ऐह गल ज़ोई, ते तैन केरे सेब्भी प्रधानेईं अपने लेई अपने-अपने घरानेरे मुताबिक अक-अक सोटी तैस दित्ती, तैना बारहे सोटी भोइ; ते तैन मां हारूनेरी भी सोटी थी। तैना सोटी मूसे करारेरे सन्दूखेरे सामने तेम्बु मां यहोवारे सामने रेखी छ़ेडी। होरसां मूसा करारेरे सन्दूखे कां मिलापे बाले तेम्बु मां जेव, ते कुन हेरते; कि हारूनेरी सोटी ज़ै लेवी केरे घरानेरे लेई थी, तैस गुड्डी लेगोरिन, ते फूड़ू भी फुलोरन, ते बदाम भी लगोरेन। तैखन मूसे तैना सब सोटी यहोवारे सामनेरां केढतां इस्राएली लोकन कां घिन्तां जेव; ते तैनेईं अपनि-अपनि सोटी पिशैनतां नी। फिरी यहोवाए मूसे सेइं ज़ोवं, "हारूनेरी सोटी करारेरे सन्दूखे कां रख, कि ऐह तैन खलाफत केरनेबालां केरे लेई अक निशान बेनतां राए, कि तू तैन केरू बुड़बुड़ानु ज़ैन मेरे खलाफ भोतू रहते, अग्रोवं जो रोकी सकस, एरू न भोए कि तैना मेरि गान।" ते मूसे यहोवारे हुक्मेरे मुताबिके कियूं।
इस्राएली लोकेईं फिरी यहोवारी नज़री मां बुरू कियूं; ते यहोवा मोआबेरो राज़ो एग्लोन इस्राएले पुड़ शक्तिशाली कियो, किजोकि तैनेईं यहोवारी नज़री मां बुरू कियोरू थियूं। एल्हेरेलेइ अग्लोने अम्मोनी ते अमालेकी लोक एप्पु कां अकोट्ठे किये, ते गेइतां इस्राएली लोक मारे; ते खजूरे बाले नगरे पुड़ कब्ज़ो कियो।
Nova Aliança
Eis que dias vêm em que farei nova aliança. Jesus é mediador de uma aliança superior, fundamentada em melhores promessas.
"फिरी यहोवा एन भी ज़ोते, शुन, एरे दिहाड़े एजने बाले आन ज़ैखन अवं इस्राएल ते यहूदारे घरान्न सेइं नंव्वो करार केरेलो। तै तैस करारेरो ज़ेरो न भोल्हो ज़ै मीं तैन केरे दादे-पड़दादन सेइं तैस वक्त कियोरो थियो, ज़ैखन मीं तैन केरे हथ ट्लेइतां तैना मिस्र मुल्खे मरां केढतां आनोरे थिये, किजोकि अगर अवं तैन केरे लेई मुन्शेरो ज़ेरो थियो, फिरी भी तैनेईं मेरो तै करार ट्लोड़ो। पन ज़ै करार अवं तैन दिहाड़ां केरे बाद इस्राएलेरे घराने सेइं केरेलो, तै ई आहे: अवं अपनो कानून तैन केरे मने मां छ़डेलो, ते तैस तैन केरे दिले पुड़ लिखेलो; ते अवं तैन केरो परमेशर भोइलो, ते तैना मेरे लोक भोल्हे, यहोवा एन ज़ोते। ते तैखन तैन फिरी एक्की होरि सेइं एन न ज़ोनू पेलू कि यहोवा पिशाना, किजोकि, यहोवा एन ज़ोते कि निकड़े करां लेइतां बड़े तगर, सब मेरू ज्ञान रखेले; किजोकि अवं तैन केरे पाप माफ़ केरेलो, ते तैन केरे पाप फिरी याद न केरेलो।"
"यहोवा एन ज़ोते: मीं दीसां ते रातरे बारे मां ज़ै करार कियोरे, ज़ैखन तुस तैस एन्च़रे ट्लोड़ी सकेले कि दीस ते रात अपने-अपने वक्ते पुड़ न भोन, तैखन ज़ै करार मीं अपने दास दाऊदे सेइं कियोरोए ट्लूटी सकेलो, कि तेरे खानदानेरे तखते पुड़ बिशने बाले हमेशा बनोरे राले, ते मेरो करार मेरी सेवा केरनेबाले लेवी याजकन साथी कियोरो रालो।
एहे वजाए कि परमेशरे अपने ते दुनिया मझ़ाटे मसीह बिचवाई बनेइतां तैसेरे ज़िरिये सेइं अक नंव्वो करार बनावरोए, ताके ज़ैना परमेशरेरे कुजेवरेन तैना हमेशारी बरकत हासिल केरन ज़ेसेरे लेई परमेशरे तैना कुजोरेन। किजोकि पेइले दित्तोरे करारेरे अधीन कियोरे पापन करां तैन आज़ाद केरनेरे बदले मां मसीह मर्रोए।
एहे वजाए कि परमेशरे अपने ते दुनिया मझ़ाटे मसीह बिचवाई बनेइतां तैसेरे ज़िरिये सेइं अक नंव्वो करार बनावरोए, ताके ज़ैना परमेशरेरे कुजेवरेन तैना हमेशारी बरकत हासिल केरन ज़ेसेरे लेई परमेशरे तैना कुजोरेन। किजोकि पेइले दित्तोरे करारेरे अधीन कियोरे पापन करां तैन आज़ाद केरनेरे बदले मां मसीह मर्रोए।
पन हुनी ज़ै महायाजकेरी सेवा यीशुए दित्तोरी तै पुराने याजकेरे सेवाई करां बड़ी बड्डीए, किजोकि तै ज़ैना गल्लां केरि बिचवाई केरते तैना पुराने करारे करां भी उच्ची आन, ते वाधन पुड़ तैसेरी बुनीयादे।
हुनी शान्ति देनेबालो परमेशर, ज़ै भैड्डां केरो महान रखवालो मतलब प्रभु यीशु मसीहे, इश्शे प्रभु हमेशारे करारेरे खूने सेइं मुड़दन मरां ज़ींतो कियो, तुसन हर रोड़े कम्मे मां सिद्ध केरे, ज़ैस सेइं तुस तैसेरी मर्ज़ी पूरी केरथ, ते ज़ैन किछ परमेशरे पसंद एइते तैस यीशु मसीहेरे ज़िरिये असन मां केरे, ते मसीहेरी बडीयाई हमेशा-हमेशा भोती राए, आमीन।
ज़ैनी अस नंव्वे करारेरे सेवक भोनेरे काबल भी किये, मूसेरे कानूनेरे सेवक नईं बल्के पवित्र आत्मा सेइं; किजोकि मूसेरो कानून न मन्नेरो नितीजो मौत भोते, पन पवित्र आत्मा हमेशारी ज़िन्दगी देते।
इना दूई कुआन्शां परमेशरेरे दूई करारां केरे रूपे मां कम केरतिन। पेइली कुआन्श हाजिरा सीनै पहाड़े हिराती ज़ैड़ी लोकन कानून मैल्हो, ज़ैन तैन गुलाम बनातू थियूं। हाजिरा मन्ना अरबेरू सीनै पहाड़ेरी ज़ेरिए, ज़ेसेरी तुलना मौजूद यरूशलेमे सेइं केरोतीए, किजोकि तैन अज़ अपने बच्चन यानी अपने लोकन समेत गुलैमी मांए। पन बेइयूं यरूशलेम अब्राहमेरे कुआन्श सारारू ज़ेरूए, ते तैसेरे बच्चे गुलाम नईं। इन यरूशलेम इश्शे लेई इश्शे अम्मरू ज़ेरूए ज़ैसां विश्वास कियो।
Fidelidade da aliança
A aliança de Deus é eterna. Ele não quebra seu pacto nem altera o que saiu dos seus lábios.
पन यहोवारो प्यार तैसेरो डर मन्ने बालन पुड़ जुगे-जुगे,
ते तैसेरी धार्मिकता पोट्लड़न धिहोड़न पुड़ भी बांदी भोती राली,
मतलब तैन पुड़ ज़ैना तैसेरे करारे मनतन
ते तैसेरे उपदेशन याद केरतां तैन पुड़ च़लतन।
यहोवा एन भी ज़ोते, "ज़ै करार मीं तैन सेइं कियोरोए तै ईहीए, कि मेरी आत्मा तीं पुड़ टिकोरीए, ते अपने वचन ज़ैना मीं तेरे ऐशी मां छ़डोरेन तैना अज़ करां लेइतां हमेशा तगर तेरे ऐशी मरां ते तेरे मट्ठां केरे ते पोट्लड़ां केरे ऐशी मरां कधी दूर न भोल्हे।"
"अवं तैन सेइं शैन्तरो करार केरेलो, ते मुल्खे मरां सारे जंगली जानबर केढतां छ़डेलो ताके मेरी भैड्डां जंगले मां निडर भोइतां रेई सखन, ते बने मां झ़ुलेली।
ते तीं अग्री-अग्री च़लनेबालो यहोवा आहे; तै तीं साथी रालो, ते न तीं धोखो देलो ते न शारेलो; एल्हेरेलेइ डर न ते बेदिल न भोए।"
ते तै प्रधान एक्की हफतेरे लेई बड़े लोकन सेइं करार केरेलो, पन अध्धो हफतो बीतने पुड़ तै मेलबलि ते अन्नबलि बन्द केरेलो; ते तै च़ोटी पुड़ उज़ाड़ने बाली भिट्टी चीज़ लेइहोली ते इरादो कियोरी गल्लरे खतम भोने तगर परमेशरेरो क्रोध उज़ाड़ने बाले पुड़ रालो।"
"तैखन दक्षिण मुल्खेरो राज़ो ताकतबर भोल्हो; पन तैसेरो अक हाकिम शक्तिशाली भोइतां हुकूमत केरेलो, इड़ी तगर कि तैसेरी हुकूमत बड़ी भोइ गाली। किछ सालां केरे बीतनेरां बाद, तैना दूईये एप्पु मांमेइं समझोतो केरेले, दक्षिण मुल्खेरे राज़ेरी कुई उत्तर मुल्खेरे राज़े जो ड्लाई गाली ते शैन्तरो करार कियो गालो, पन तैसारी शक्ति बनोरो राली ते न तै राज़ो ते न तैसेरू नवं रालू; पन तै कौन्श अपने पुज़ाने बालन ते अपने बाजी ते अपने सम्भालने बालन समेत अलग की गाली।
तैखन ज़ै भी तैन केरे खलाफ खड़ो भोल्हो, तै अपनि मर्ज़ी पूरी केरेलो, ते तै हथ्थे मां सत्यानाश केरतां शानदार मुल्खे मां भी खड़ो भोल्हो ते तैसेरो सामनो केरनेबालो कोई न रालो। तैखन उत्तर मुल्खेरो राज़ो, अपने हुकूमतरे पूरे शेक्ति समेत, काई सिद्धे लोकन साथी एन्हतां एज्जेलो, ते अपने मेर्ज़ी सेइं कम केरेलो। ते तै दक्षिण राज़े अक कौन्श एल्हेरेलेइ देलो कि तैसेरी हुकूमत बिगड़ी गाए; पन तै कायम न राली, न तैस राज़ेरी भोल्ही।
"मीं एपनी एछ़्छ़न सेइं करार कियोरोए,
कि अवं कोन्ची कुइये बुरी नज़री सेइं न तकेलो।
अक्ल ते ज़मीर तीं बखली कौन्शी करां बच़ाले,
ज़ै मिट्ठी-मिट्ठी गल्लां केरतीए,
ज़ै अपने जुवैनरे साथी शारतीए,
ते ज़ै अपने परमेशरेरे करारे बिसरी गाचे।