Aliança

A aliança é o modo como Deus se relaciona com seu povo. Da aliança com Noé à Nova Aliança em Cristo, Deus se compromete com amor e fidelidade irrevogáveis.

Alianças com Israel

Deus firmou aliança com Abraão, Moisés e Davi. No arco-íris, na lei, nas promessas — Ele é o Deus da aliança.

8 Nipele Akunnungu ŵansalile che Nuhu ni achiŵanagwe, 9 "Sambano nguŵika lilangano lyangu ni ŵanyamwe pampepe ni uŵelesi ŵenu, 10 ni chepanganyikwe chachilichose chachili pamo ni wanyamwe: Ijuni ya mwinani ni inyama yakulangwa ni ya mmatinji, ni wose ŵaŵakopweche pamo ni ŵanyamwe mu safina. 11 Ngulisalichisya lilangano lyangu ni ŵanyamwe kuti, ngunaaulaga yepanganyikwe yose ni chikumba meesi chekulungwa atamuno ngachityochela chikumba meesi ng’oo kuchijonanga chilambo." 12 Sooni Akunnungu ŵatite, "Achi ni chimanyisyo cha lilangano lyangu lingutenda ni ŵanyanwe pampepe ni yepanganyikwe yejumi yose yaili pamo ni ŵanyamwe kwa iŵelesi yose ichiiche. 13 Nguŵika ukunje wa ula kumaunde, ni wele chiuŵe chimanyisyo cha lilangano lyangu ni chilambo.

Gênesis 9:8-13

11 Ngulisalichisya lilangano lyangu ni ŵanyamwe kuti, ngunaaulaga yepanganyikwe yose ni chikumba meesi chekulungwa atamuno ngachityochela chikumba meesi ng’oo kuchijonanga chilambo."

Gênesis 9:11

13 Nguŵika ukunje wa ula kumaunde, ni wele chiuŵe chimanyisyo cha lilangano lyangu ni chilambo.

Gênesis 9:13

18 Lyele lyuŵa Ambuje ŵatesile lilangano ni che Iblamu achitiji, "Uŵelesi wenu chinaape achi chilambo chi, kutandila lusulo lwa Misili mpaka lusulo lwekulungwa lwa Efulati, 19 pamo ni chilambo cha Ŵakeni ni Ŵakenisi ni Ŵakadimoni, 20 ni Ŵahiti ni Ŵapelisi ni Ŵalefai, 21 ni Ŵaamoli ni Ŵakanaani ni Ŵagiligashi ni Ŵayebusi."

Gênesis 15:18-21

3 Che Iblamu ŵakoteme mpaka paasi. Nombe Akunnungu ŵaasalile, 4 "Nguŵika lilangano li ni mmwe: Chimme atati ŵa ilambo yejinji. 5 Kutandilila sambano, ngammilanjikwa sooni che Iblamu nambo chimmilanjikwe che Ibulahimu, pakuŵa nantesile kuŵa atati ŵa ilambo yejinji. 6 Chinampe uŵelesi wejinji nnope, kutyochela kwa mmwe chaakopochele ŵandu ŵa ilambo yejinji ni ŵane mwa ŵelewo chaŵe mamwenye.

7 "Ngulilimbisya Lilangano lyangu pasikati jangu une ni mmwe, ni uŵelesi wenu ni iŵelesi yao yose moŵa gose pangali mbesi. Chime Akunnungu jwenu ni chime Akunnungu jwa uŵelesi wenu. 8 None chinampe mmwe ni uŵelesi wenu achi chilambo chinkutama mpela achalendo. Chilambo chose cha Kanaani chichiŵe cha uŵelesi wenu moŵa gose pangali mbesi ni une chime Akunnungu jwao."

9 Nipele Akunnungu ŵaasalile che Ibulahimu, "Ni mmwe iyoyo, nlikamule lilangano lyangu, mmwe mwasyene ni uŵelesi wenu ni iŵelesi yao yaikwika yose. 10 Ali lili lilangano lyangu pasikati jangu une ni mmwe pamo ni iŵelesi yenu lichinjendelechele kulikamulisya, jwannume jwalijose pasikati jenu aumbale. 11 Chimbumbale, chele ni chichiŵe chimanyisyo cha lilangano pasikati jangu ni ŵanyamwe.

Gênesis 17:3-11

5 Pa chaka cha kumi na nne mwenye che Kedolilaoma ni mamwenye achinjakwe ŵaŵalumbikene pamo ŵajawile kukwaputa Ŵalefaimu ako ku Ashitalosi Kanaliamu ni Ŵasusi ako ku Hamu ni Ŵaemi ako ku Shawe Kiliasaimu,

Gênesis 14:5

5 Sambano iŵaga timunyitichisye ingunsalila ni kulikamulisya lilangano lyangu timme ŵandu ŵangu ŵansagulikwe kwapunda ŵandu ŵa ilambo yose, namuno chilambo chose chili changu.

Êxodo 19:5

31 Chinjimmichila mipika ja chilambo chenu, chijitandile ku bahali ja Shamu mpaka ku bahali ja Meditelania, ni kutyochela kwipululu mpaka ku lusulo lwa Efulati. Tinjimpa machili ga kwapunda ŵandu ŵa ilambo cho, ni ŵanyamwe chimwaŵinje atyoche. 32 Nkaŵichilana lilangano nawo namose ni minungu jao.

Êxodo 23:31,32

Lilangano likutendekwa sooni.

10 AMBUJE ŵansalile che Musa, "Sambano chindende lilangano ni ŵandu ŵenu, chindende indu yakusimonjeka paujo pao yanganiipanganyikwe ku ŵandu ŵa pachilambo pose namose chilambo chilichose. Ni ŵandu wose ŵankutama pasikati jao chachiiona yaitite ya kusimonjeka ichinantendelanje une AMBUJE ŵenu.

Êxodo 34:10

28 Che Musa ŵatemi kwitumbi kula pamo ni AMBUJE moŵa alobaini, muusi ni chilo, nganalya chakulya namose kung’wa meesi. Nombejo ŵagalembile mu ibao maloŵe ga lilangano, yaani agala makanyo likumi.

Êxodo 34:28

13 Nombewo ŵansalile lilangano lyakwe ni kwalajisya nkamulichisye makanyo likumi gaŵalembile mu ibao iŵili ya maganga.

Deuteronômio 4:13

9 Nipele, nkumbuchileje kuti Ambuje Akunnungu, Akunnungu ŵenu, ni jwali Akunnungu jikape; sooni ali Akunnungu ŵakukulupilichika, jwakugosa lilangano lyakwe sooni akulosya chanasa kwa iŵelesi yejinji ya ŵandu ŵakunnonyela ni kukamulichisya makanyo gakwe.

Deuteronômio 7:9

Alianças renovadas

O povo renovava a aliança diante do Senhor. A fidelidade de Deus permanece mesmo quando o povo falha.

14 Kwayele ŵandu ŵatyosile pachigono pala kuti ajomboche lusulo lwa Yolodani, ŵambopesi ŵalongolele akuno ali ajigele Lisanduku lya Lilangano. 15 Kele katema ko kaliji katema ka magungulo ni lusulo lwa Yolodani lwaliji lusewiche pakuŵa lukuseukaga katema ko. Ŵambopesi ŵaŵajigele Lisanduku lya Lilangano paŵakuiche ku lusulo ni makongolo gawo pagaliŵete pe mmeesi, 16 meesi gagajilimaga kutyochela kulutando galesile kwilima ni kwima nti likumba ni gajenele mpaka ku musi wa ku Adamu, musi wauli chiŵandi ni musi wa ku Saletani. Ni meesi gagajilimilaga ku Alaba, yaani bahali ja Njete nombego gajumwile ni ŵandu ŵajombweche kwaula ku Yeliko. 17 Katema Ŵaisilaeli paŵajombogaka, ŵambopesi ŵaŵajigele Lisanduku lya Lilangano lya Ambuje Akunnungu ŵajimi papajumu pasikati ja lusulo lwa Yolodani, mpaka ŵandu wosepe paŵamasile komboka.

Josué 3:14-17

Che Yoashi akutendekwa mwenye

17 Nipele jwambopesi che Yehoyada ŵatesile lilangano pasikati ja Ambuje Akunnungu ni mwenye na ŵandu, kuti taaŵe ŵandu ŵa Ambuje Akunnungu. Sooni ŵatesile lilangano pasikati ja mwenye ni ŵandu.

2 Reis 11:17

3 Mwenye ŵajimi chiŵandi ni chimila ni kulitenda sooni lilangano paujo pa Ambuje Akunnungu, yaani kwakuya Ambuje Akunnungu, kukamula makanyo gakwe ni malajisyo gakwe kwa ntima ŵakwe wose ni kwa mbumu jakwe jose ni kugatenda gose gagalembekwe mu chitabu cho. Nipele ŵandu wose ŵakamulene kulitenda sooni lilangano lyo.

2 Reis 23:3

6 Kwayele, mwenye che Yolamu ŵatyosile ku Samalia ŵasongangenye mpingo ŵa ŵangondo ŵa ku Isilaeli wose. 7 Nipele ŵatumile utenga kwa mwenye che Yehoshafati jwa ku Yuda, ŵaasalile "Mwenye ja ku Moabu ang’alawiche. Uli chinjaule pamo ni une tukaputane nao?"

Mwenye che Yehoshafati ŵajanjile, "Chinyaule ni mmwe. Uwe tuli chindu chimo, ŵandu ŵangu ali mpela ŵandu ŵenu, falasi syangu sili mpela syenu."

2 Reis 3:6,7

16 Nipele che Yonasani ŵatesile lilangano ni ŵapaulongo wa che Daudi achitiji, "Ambuje Akunnungu ŵaauchisye ŵammagongo ŵa che Daudi."

17 Che Yonasani ŵanlumbisye sooni che Daudi kuti tajendelechele kunnonyela, pakuŵa che Yonasani ŵannonyele che Daudi mpela muŵalinonyelaga nsyene.

1 Samuel 20:16,17

10 Ambuje Akunnungu ŵansalile che Musa kuti, 11 "Che Finehasi mwanache jwa che Eleasali, mwanache jwa che Haluni jwambopesi, asiŵilile lutumbilo lwangu kwa Ŵaisilaeli; pasikati jenu ni jwelejo jikape ni jwakwete wiu nti ungwete une. Lyelelyo ni ligongo nganinaajonanga Ŵaisilaeli wosepe ni lutumbilo lwangu. 12 Kwayele mwasalile kuti ngutenda lilangano najo lya chitendewele. 13 Lilangano lyo lili lyakwatenda jwelejo ni uŵelesi wakwe tachiŵa ŵambopesi moŵa gose pangali mbesi ligongo ŵakwete wiu kwaligongo lyangu, une Akunnungu ŵakwe, ni kwatendela ujilanyo Ŵaisilaeli."

Números 25:10-13

89 Katema che Musa paŵajinjile mu Lisakasa lya Kusimanilana kwaligongo lya Akunnungu ku kukunguluka ni Ambuje Akunnungu, ŵapikene liloŵe cha pachanya pa chiunichilo cha Lisanduku lya lilangano, chichaliji pachanya pa lisanduku lya lilangano, lyalikuŵanjikwa chitengu cha chanasa, kutyochela pasikati pa aila yegumbikwe iŵili yaili ni mapapiko.

Números 7:89

Lubokola lwa che Haluni

1 Nipele Ambuje Akunnungu ŵansalile che Musa, 2 "Mwasalile Ŵaisilaeli aiche nasyo mbokola kumi na mbili, lubokola lumo kwa kila chilongola jwa lukosyo. Nnembe lina lya kila mundu pa lubokola lwakwe. 3 Pa lubokola lwa lukosyo lwa Lawi nnembe lina lya che Haluni, kwayele tiluŵe lubokola lumo kwa kila chilongola jwa lukosyo. 4 Njigale mbokola syo ni kusijausya pa Lisakasa lya Kusimanilana kwaligongo lya Akunnungu paujo pa Lisanduku lya Lilangano, pelepo ni pachinjisimanaga ni mmwe. 5 Lubokola lwa mundu jutinansagule chilusipuche. Kwalitala lyo kudandaula kwa Ŵaisilaeli nkati ŵanyamwe tikumale."

6 Che Musa ŵakungulwiche ni Ŵaisilaeli. Ilongola wao wose ŵapele kila mundu lubokola lwakwe malinga ni lukosyo lwakwe, kwayele syaliji mbokola kumi na mbili. Lubokola lwa che Haluni lwaŵichikwe pamo ni mbokola syo. 7 Che Musa ŵasiŵisile mbokola syose syo paujo pa Ambuje Akunnungu pa Lisakasa lya Kusimanilana.

8 Malaŵi jakwe kundaŵi, che Musa ŵajinjile mu Lisakasa lya Kusimanilana. Mwelemo ŵalusimene lubokola lwa che Haluni jwa lukosyo lwa Lawi lusipwiche ni kutyosya isipusi yaikutyosya maluwa ni kusogola isogosi yejiu ya mlosi. 9 Nipele che Musa, ŵasityosisye mbokola syose ni kwalosya Ŵaisilaeli wose, ŵaiweni iyatyochele ni kila chilongola ŵalujigele lubokola lwakwe. 10 Ambuje Akunnungu ŵansalile che Musa, "Nluusye lubokola lwa che Haluni paujo pa Lisanduku lya Lilangano, nlugose kweleko nti chilosyo kwa ŵandu ŵakuungana une. Chindu chi chichilekasye kudandaula kwao nkati une kuti akawa." 11 Che Musa ŵatesile mpela iŵatite kulajiswa ni Ambuje Akunnungu.

Números 17:1-11

Jwakulamula che Ehudi

12 Nipele, Ŵaisilaeli ŵatesile sooni ya chigongomalo paujo pa Ambuje Akunnungu. Kwaligongo li, Ambuje Akunnungu ŵampele machili che Egiloni mwenye jwa ku Moabu ŵaapunde Ŵaisilaeli. 13 Mwenye che Egiloni ŵalumbikene ni Ŵaamoni ni Ŵaamaleki, nipele ŵapite kukuputana ngondo ni Ŵaisilaeli, ni ŵaapundile Ŵaisilaeli ni kwasumula musi wa ku Yeliko liina line waŵilanjikwe musi wa Itela ya mitende.

Juízes 3:12,13

Nova Aliança

Eis que dias vêm em que farei nova aliança. Jesus é mediador de uma aliança superior, fundamentada em melhores promessas.

15 Kwa ligongo lyo, Kilisito ali jwakwilanya jwaichenalyo lilangano lyasambano. Kwa litala lya chiwa chao ŵawombwele ŵandu mu ileŵo yaitesile katema ka lilangano lyaandanda kuti aŵala uŵaŵilanjikwe ni Akunnungu apochele chilanga cha indu iŵagosele moŵa gose pangali mbesi.

Hebreus 9:15

6 Nambo sambano Che Yesu apochele masengo ga umbopesi gagali gambone kupunda ga ŵanyawo, pakuŵa lilangano lya kwilanya lyaŵisile pasikati ja Akunnungu ni ŵandu lili lyambone kupunda, pakuŵa lijimi pa lilangano lyambone nnope lya Akunnungu.

Hebreus 8:6

Mapopelelo ga kuugala

20 Akunnungu ŵa chitendewele ŵaŵansyusisye Ambuje ŵetu Che Yesu, Jwakuchinga Jwankulu jwa ngondolo kwa miasi jajikulosya kuti lilangano lya moŵa gose pangali mbesi lili lya usyene. 21 Antende ŵanyamwe ŵamalilwe mu indu yose kuti nkombole kupanganya lisosa lyao, nombewo atende mwenumwe yaikwanonyelesya, kwa litala lya Che Yesu Kilisito. Ukulu uŵe ni ŵelewo moŵa gose pangali mbesi ni moŵa gose pangali mbesi. Eloo.

Hebreus 13:20,21

6 Nombewo ni ŵakututenda uwe tukombole kulitumichila Lilangano lya Sambano, ni ngaŵa lilangano lya malajisyo gagalembekwe, nambo kwa lilangano lya Mbumu jwa Akunnungu. Pakuŵa malajisyo gagalembekwe gakwikanawo chiwa, nambo Mbumu jwa Akunnungu akwikanawo umi.

2 Coríntios 3:6

24 Maloŵe ga gali mpela chitagu, ŵele achakongwe ŵaŵili ali chitagu cha malangano gaŵili. Lilangano lyaandanda lili lyelila lilyatendekwe pa chitumbi cha Sinai lyalikungamba che Hajili ni achiŵanagwe ŵaŵapagwile mu ukapolo. 25 Che Hajili akulandanywa ni chitumbi cha Sinai chachili mu chilambo cha Alabia, nombe chili chitagu cha musi wa Yelusalemu ja sambano, pakuŵa weleu uli musi wauli mu ukapolo pamo ni ŵakutama mwelemo. 26 Nambo Yelusalemu ja kwinani uli musi waulechelelwe, ni musi wo uli achikulu ŵetu.