35 Jezu pâ kə əndje ə pa: «Əmə, mə də̂ rəgo ə̂në ə sə kə za sorô kə əzü kɔ. Əzü ə̂në tshə na gâ tə̂ əmə, əgo sə sə kə mi ətshə alɔ bale ne, â əzü ə̂në tshə za lɔsu ye kə əmə, əgo ə̂ngû sə sə kə mi ətshə alɔ bale ne.

27 E mä mä kosəra kʉ mbrə rəgo ə̂në ə sə kə ndɨ nə ə ndɨ kɔ ne, bale e mä kosəra mbrə rəgo ə̂në ə sə kə daka pə ʉrrr ndjɔ gâ tə̂ alɔ sorô nə̂ alɔnɔ̂ kɔ, rəgo sə̂ ə̂në Əgblə nə̂ Əzü ə za kə e je kɔ, mbrə ə̂në ətshə də̂ Abä də Ndjapä zâ awlra nə̂ ye kə ətshə kɔ.»

4 Jezu kîrə əpʉ ə pa: «Əpʉ Ndjapä pâ: "Ə də̂ kʉ mbrə rəgo də̂ əzü ə sə tə sorô ne, bale, əzü sə tə sorô tə̂ äwä aəpʉ ama Ndjapä nɔ̂."»*

6 Ənə̂ əndje tə ə̂rɔ̂nə,

azü ə̂në əgo kə ma ərə də äwänə mi əndje ə mi kɔ,

mbrə ə̂në tshelə əndje ə su je!

33 E prä angbʉlînə äwä Əgɔngerə nə̂ ye ə mbrə̈ ərə də äwänə lə ala ye ka tshə ko aərə səkɔ nɔ̂ gâ pâ nə kə e.

25 «Âdârə ə̂në mə pa kə e ə pa: e lï tshelə e lï gâ pâ kə sə e pâ ashɔ səye ndə kə pa e sɔtə̂ rəgo kotâ â zɨ wala e sɔtə̂ aləba kotâ â yi ne. Sorô əzü sə sə tə âgbɔ̂ ərə ə rô pâ rəgo ne a? Tshekotə̂ əzü sə sə tə âgbɔ̂ ərə ə rô pâ ləba ne a?

2 Mata aə̂ngê aneshe, e mä əgo Əpʉ Ndjapä a pa də əgo djatra kʉtə̂ ə̂ngû angɔ, kanika, tə̂ äwä nə, e gerə ndə kə pa Ndjapä she e lə kuzu.

16 Bale, Jezu kô amapa nə mindû nə də agiangû nə bishi nə, ə lîshi gâ lafɔ ə ê ə̂rɔ̂ əpʉ gâ pâ nə ə ngɔ̂ tshelə nə ə kô kə atrawaya nə ndə kə pa əndje kru tshelə nə tə̂ ə̂kpû azü nə. 17 Azü nə nɔ̂ zɨ̂ rəgo nə â tshelə əndje sû. Əndje rɔ̂ ə̂dû rəgo nə ə sû kakli morofo amanə bishi.

10 Ndjapä ə̂në tshə ko angwa rəgo kə awolu rəgo ə ko rəgo kə zɨ nə kə ətshə kɔ, tshə ko angwa rəgo kə e je ə zu tshelə angwa rəgo nə kə e je, kanika âkrâ nə̂ e nə le ngbatshe.

7 Mbrə ə̂në a nâ nâ də ə̈bə̈ ərə bale gâ pâ ashɔ ne, â äwä bale ndje a lï lï ndə kə gu na ye də ə̈bə̈ ərə bale ne. 8 Rəkɔ, kədə a sə də rəgo də ləba, ə lî də əzə̂ gâ ye.

31 Rəkɔ, e â sə mə kə zɨ rəgo, e â sə mə kə ndju ərə, wala yekɔ də̂ e sə kə mbrə nə, e mbrə̈ ərə nɔ̂ ndə kə pa e mbe Ndjapä.

46 Alɔnɔ̂, tə̂ äwä kə dji tə̂ əndje, əndje sə̂ kə ngbo tə̂ əndje gâ tə̂ nə mâ lə Anda Ndjapä, ə sə̂ kə zɨ rəgo kpə ə̂sə̂ nə bale lə aanda nə̂ əndje, ə zɨ rəgo nə də ə̂rû tə̂ lɔsu əndje də ə̂rɔ̂ tshelə əndje. 47 Əndje sə̂ kə mbe Ndjapä â azü nɔ̂ yîndə əndje. Alɔnɔ̂, Âgbɔ̂ Əyïngerə sə̂ kə ko azü ə̂në əndje shê lə kuzu gâ ye kɔ gâ ndə əndje lə aangbɔ nə.

20 Wü-a, mə ka gâ lə manda ə sə kə nge nə. Kədə ə̈bə̈ əzü kə dji tshema əmə â krɔ manda nə, mə sə kə li gâ ndə ye ə zɨ rəgo də ətshə â tshə sə kə zɨ rəgo də əmə ndje.

3 Ətshə ə̂në tshə sə kə zɨ aərə nɔ̂ kɔ, tshə në nëke ətshə nə ə̂në tshə zɨ aərə nɔ̂ zɨ ne kɔ ne, â ətshə ə̂në tshə zɨ aərə nɔ̂ zɨ ne kɔ, tshə wä ngbanga wä gâ pâ ətshə nə ə̂në tshə sə kə zɨ aərə nɔ̂ kɔ ne. Mbrə ə̂në Ndjapä zâ ətshə gâ tə̂ ye gâ ye.

16 Bale rəkɔ, ə̈bə̈ əzü bale wä wä ngbanga gâ lə kumu e mbrə ərə ə̂në e sə kə zɨ nə wala ə ndju kɔ ne, wala mbrə əpʉ sandaga wala əpʉ tafa yipʉ wala əpʉ saaba ne. 17 Aərə sə̂ nɔ̂ kɔ sə kʉ tə tshekojerɔ aərə ə̂në ə wutu je kɔ, bale djatra ərə nə kə də̂ Kristə nə.