Alimento
O alimento é provisão de Deus para o corpo e a alma. Jesus disse: Eu sou o pão da vida. A Bíblia ensina a receber com gratidão, partilhar com generosidade e confiar no Provedor.
O pão da vida
Jesus disse: Eu sou o pão da vida. Quem vem a mim nunca terá fome. O alimento espiritual sacia plenamente.
Aba lariñagun Hesusu houn:
—Au fein to íchuguboun ibagari. Le ñǘbuinti numoun, malamadügüyaalime; le afiñeruti nuagu, mamagürabudügüyaalime giñe.
Madiherida humá luagu éigini le gagumuchaditi; áluaha huméi éigini le lánina ibagari magumuchaditi. Ligía éigini le lunbei níchuguni hun, au le Liráü Wügüri, ladüga ru laali Bungiu Úguchili ubafu nun lun níchuguni ibagari ligía.
Aba lóunabun Hesusu: Tariñahare Lererun Bungiu: "Mámarügübei tau fein habagarida gürigia; habagariduba giñe lau sun dimurei le lariñagubei Bungiu".
«Fuleseiwatiña ha lamabaña ani mágürabu hagía lun hadügüni lugundan Bungiu,
ladüga líderagubaña Bungiu lun hadügüni.
Áluaha huméi larúeihan luma liricha Bungiu furumiñe; ábame líchuguni sun le hemegeirubei hun.
«Nariñahare lubeiti hun, madiheri humá luagu kaba lan heiga o kaba lan hata lun habagaridun, ni tuagu daüguaü to lunboun hadaürünu. Ma funagia gebegitimati ibagari sügǘ lau éigini, gebegi úgubu sügǘ tau daüguaü?
Ítara kei habusenruni irahüñü figigiña míligi harumati lun gayaraabei lan haweinamudun, ítarala giñe habusenrun haturiahani Lererun Bungiu buidu lun gayaraabei lan lederebugudun hafiñen luagu Kristu ani salba huguyame,
Provisão divina
Deus provê alimento em abundância. Ele multiplica pães e peixes, enche os famintos e supre toda necessidade.
Ábati lanügünu Hesusu seingü fein tuguya lúhaburugu hama bián úduraü, aba larihin sielun, aba leteingiruni Bungiu. Lárigiñe lagubachagunu fein luma úi, aba líchuguni houn lani disipulugu lun hafanreinhani hadan gürigia. Hóutiña súngubei kimule; dan le habudahanbarun ígiragutu, buíngüdatiña duusu faniñe tau.
Áfara lumuti hamagürabu mágürabutiña
ru ligía saragu éigini houn ha lamabaña.
Barǘ huméi diisi lídangiñe san lidoun tirisin ténpulu, ítara luba ñeinbei lan éigini núbiñe. Hóuchagua humana lidan katei le, ábame nadaaraguni lubenari sielu lun nóunahani lubuidun-agei abiniruni huagun.
Bungiu, le íchugubalin ilaü lun ábunaguti tuma fein lun leigin, líchuguba giñe hun lun gayaraabei lan hedewehan saragu houn gudemetiña kéisigubeirügü ilaü le abunúbei. Ábame laweiridagüdüni Bungiu murusun fulesei le hadügübei houn, darime lun habihin óunwenbu abiniruni lúmagiñe Bungiu keisi aban óunwenbu alubahani.
Ha gareinibaña, awansetiña;
ha íchugubaña, ibihatiña giñe.
Dimurei burí bímeti ítara liña kei sírudu;
bímegüdati, ru ligía iseri erei.
Ariñagati giñe Ésüdürasi houn: "Heiba, hou huméi lubuidun-agei éigini, gurá hugíame diwéin bímetu. Agunbiraha humañame ha úabei ni kata aranseti hama, lugundun luéyuri Wabungiute uguñe. Meredera humá lau íruni, ladüga ugundani le líchugubei Bungiu waramudaguagülebei".
Gratidão e moderação
Nada trouxemos para o mundo e nada levaremos. Tudo o que fizerdes, fazei para a glória de Deus — inclusive comer e beber.
Ladüga manügüntiwa ni kata wámagua ñahoun ubouagun, siñabei giñe wanügün ni kata yáagiñe; anhein geigin wabéi, gadaüragun, lunti gufuruma wamá lau lira.
Anhaün lubeiti eiga o ata o hadügün furumiñeguarügü katei, adüga huméi súngubei lun híchugun uéiriguni lun Bungiu.
Sagü weyu hóundaragun ténpulurugu lun háhuduragun lun Bungiu. Lárigiñe, aba hóundaragun lúbiñe aban hádangiñe lun héiginu fein lidan aban lau ugundani luma ǘnabuguni. Ábaha halawahani Bungiu, ábati hínsiñe hamá houn gürigia; ábatiha anaaheina lániña Bungiu ha asalbareinabaña hanwoun.
Anaha bénabu, nagúahaña; le aganbuti numalali, aba ladaaruni bena nubá, nebeluruba lumoun, ábame neigin luma, hou ligíame numa.
Le éigiti furumiñeguarügü katei, moun lumuti ǘnabu lan lanügüni le méiginbalin; le giñe máhabei leigin furumiñeguarügü katei, moun lumuti giñe líchugun lidurun le éigibalin, lugundun resibi laali Bungiu gürigia ligía.
Ualá ni aban añawarihatün luagu burí katei le lunbei héigini o le lan lunbei hátuni, o luagu lan burí fedu le haritaguagüle luagu iseri irumu, luma iseri hati, o luagu lan luéyuri emeraaguni. Sun burí katei le, liyawadirügüñein le lunbei liabin, Kristu ligía linarünbei.
Ani lau sun súfurigüdalanün, áfagagagüdalaün ilamaü, lárigiñe aba léigagüdünün tau maná, éigini to buga ibidiñebóun hun ni houn hagüchagu, lun lasubudiragüdüni hun luagu mámarügüñein lan tau fein habagarida gürigia, habagariduba lan giñe lau sun le lariñagun Bungiu.
—Hádangiñe animaalugu ha dúnarugubaña gayaraabei héiginiña ha garünabaña, ani garura hagía, gama lumoun meiga humá hádangiñe animaalugu baranahana ha marünatiña, ani marura hagía, lunti hanügüniña keisi animaalugu wíyetiña.
Lárigiñe aba lariñagun houn:
—Ru numutu sun nadü to ubouaguboun hun to íchuguboun ilaü luma sun tídibu wewe to gagindadiboun. Leseriwiduba sun le hun lun heigin.
Gayaraati héiginiña sun hawuyeri animaalugu tuma in to habusenrun. Ru numuti sun lira hun. Gama lumoun anihein aban katei moun lumuti héigini: Moun lumuti héigini animaalu lau lita, ladüga lídanñein lita libagari.
Méigintina éigini semeeti, mouchun au úi ni diwéin, máhurudagun au ibiñein nuougua darí sügühali ǘrüwa dimaasu ligía.