35 Jesu nynh, "Kae tuh hiinnaw sanlou nynh ka thua. Ka kalan yn cceihpaw ccungccaw tuh a vuelaw boi vae lan khyh, kae yn zynpaw tuh a tuihaw boi vae lan khyh.

27 Arohthyapaw looh hanlan ryalah nan oh, Ccungccaw Ccapaw nynh nanning ae pya cih oh paw zungzae hiinnaw hanlan atynpaw looh elang ryalah oh; pawccecize Paaw Pachia nynh amaw kha tazeih phe khia vae paw nynh thua," a ci.

4 Thuasalama Jesu nynh, "Ccathyaa kya,

‘Ccungccaw tuh

sanlou kyalya te hiin khyh,

thuasalama Pachia munglae kyate

yn toikuhpaw bya miakaw

te nynh a hiin,’ cite azeikuh," a cipya.✝

6 Dingnaw kha vuelaw tuihaw hawte a ry hae paw tuh lungtua hae paw nynh thua; pawccecize mih rynaw kha ccingsah athua cih.✝

33 Pachia peenaw te a dingnaw kha masaty ccung oh, te hynh-e uccaw hae balyn kha pyachih na thua cih oh.

25 "Tukeiccuze kae hopya oh, pawmou kae ae cih, pawmou kae neih cih cite nae hiinnaw hanlan nae lungvawsaw nan sah; paw boeining mou kae lawkuh cih cite nae pyn elang nae lungvawsaw nan sah. Hiinnaw tuh looh laeze sunghua khyh tou? Pyn tuh boeining laeze sunghua khyh tou?

2 ccirarihpaw muisaw samatei liate khumnaw kya na lethung nawlan oh, apuithawpaw imua hae hawte tuh-e samatei tuh peki oh,

16 Jesu nynh sanlou phe pangaw te ngasaw zaw ning kha lah zah vaawlang dothung zah lungtuabya a ho koute eih zah ccungccaw zapi malang nyapya lan a zuitu hae kha a pya hae. 17 Mih balynte ae hae zah mih vue aso koute alaepaw a eihpaw kha kee haw lae ning a khuin hae.

9 Pawccecize tui a hawpaw kha

a tuihawkesah hae zah,

a vuelawpaw kha ahoypaw uccaw te

a vue a sosah.

10 Pumhaw pumkheit kha abalynte sisuainn lungkhu lang oun thuakhae oh, tuhteze nynh ka inn kya looh a um cih, te nanning hanlan vaaw thuakaw kha hungte paepae leikuhpaw hythuanaw kha kae bunua oh tah, kae bunua khyh oh tah, yn syntawtua oh, cite vaaw Bawipaw nynh a ci.✝

10 Ccacii a tupaw kha ccacii a pyatu te ae lanpaw sanlou a pyatu Pachia nynh nae ccacii kha ae pya cih oh zah ae pungsahpah cih oh; nae dingnaw athae kha ae lungsahpah cih oh.✝

25 A lung-uapaw ccungccaw tuh

a hoirum cih zah,

milae kha tui a pyapaw tuh

amaw kha mah tui pyaru athua cih.

24 A-epaw bya tuh

khoilutui te nynh aloku,

muisaw hanlan e zah

pyn hanlan dannaw nynh thua.

10 Te aning nynh minmin kha, "La cceih oh, looh athuathuapaw kha la ae oh lah, misutui a-epaw kha la neih oh, te pawpaw mah a hoi lei hae paw kha la neethungbua oh; pawccecize atunin tuh ah Bawipaw hanlan athyaapaw nin nynh thua; Bawipaw kya nae lungtuanaw tuh nae thawzung athua keiccuze nae ngaethah nan sah," a cipya hae.

7 Pawccecize aening nynh laephi kalan pawsang mah ah thuakhae khyh oh; pawsang mah ah poukhae kho lan khyh oh. 8 Aepaw te boeiningsungpue ah hoi oh paw khate ah lungryachikhaeku lanpaw nynh thua.

31 Tukeiccuze na ae oh zemah thuasah, na nia oh zemah thuasah, pawpaw na cyi oh zemah, pawpaw balyn tuh Pachia phu-enaw hanlan cyih oh.

46 Minmin tuh beikinn kya nin takyh tungkuh hae zah mih inn kyakhe sanlou iathungkute lungtuate hysahnaw thinlung te mih looh kha leih a aekheih hae. 47 Pachia kha thehoysah hae zah ccungccaw hae balyn malang maehoynaw a mue hae. Bawipaw nynh khumnaw a mue hae paw kha nin takyhte milu a lungsah chih.

20 Dotua, kae tuh thuakawzung khe ka thadyn zah ka khua. Ccungccaw lukhakheit nynh ka roi thae zah thuakaw yn hungpya ze, tuh-e paw kalan ka tee cih zah looh kae aekheih cih, aning mah kamaw ryte kae aekheih cih.

3 Pawpaw balyn a aepaw nynh a ae leipaw kha dothatheih nan sah, te a ae leipaw nynh a aepaw kha byapia nan sah, pawccecize Pachia nynh tuh-e paw tuh lehkhan vae paw nynh thua.

16 Tukeiccuze aenaw te nianaw, athyaapaw nin hae sungnaw, sawpaw adiapaw hae sungnaw, sabbath nin hae sungnaw te asekuh lante hum nynh san bya ae la pia nan oh sah.✝ 17 Tuh-e hae tuh yn thua cih paw uccaw hae kya-e mynlyh nynh thua hae; thuasalama accaccingpaw tuh Khri nynh thua.

3 Ccungccaw hynh looh kyalya te hiinkuh khyh, thuasalama Bawipaw khalang kyate yn poupaw bya miakaw te nynh ahiinku cipaw thaethyasah khylan nae vuelawsahte zakaw ae sangsahku oh, nanning nynh thuasah, nae minpaaw hae nynh thuasah na la ny boi lei oh paw manna sanlou kha ae dang oh.✝

9 Tui lungkhu a umpaw balyn kyaze asake te aphaluh a hoipaw miakaw kha na ae cih oh. 10 Te asake te aphaluh a hoi leipaw miakaw kha na ae lan khyh oh; tuh-e tuh nae hanlan athyaa leipaw nynh thua.

29 Pachia nynh, "Laephi vawlan balyn umpaw acii-amung hoipaw aku miakaw te athae lungkhu amung umpaw thingku miakaw kha kae pya vae oh; nanning nynh tuh-e hae tuh na ae cih oh.

3 Ahinpaw thingku-ruaku hae kha nanning kae pya oh hawte hiin zah apiathyapaw miakaw tuh nanning hanlan looh athua cih, atyn-are kha nanning kae pya oh. 4 Thuasalama saw kha achii te na aede lan khyh oh, pawccecize hiinnaw tuh chii kya nynh a um.✝

3 Aepaw thuapaw kha ka ae khyh, saw mah ka ae khyh, misutui mah ka neih khyh, chitui mah papin ka thuhkuh khyh, lonaw naw thum phe ccing lan tuhcite ka um.