Alma
A alma é a parte mais íntima do ser humano — sede da vida, dos afetos e do encontro com Deus. A Bíblia convida a cuidar da alma com zelo e a aquietá-la diante do Senhor.
A alma diante de Deus
Bendize ao Senhor, ó minha alma! A alma suspira por Deus como a corça suspira pelas águas — com sede de eternidade.
Nalawahabei Nabureme tau sun nuani;
nalawahabei liri Bungiu le sándubei lau sun núgubu.
Nabureme, buguya Nubungiutebei,
wéiriti lanarime náluahanibu.
Mágürabutu nuani bun,
sun núgubu megei lumutibu,
ítara kei lemegeiruni múa mábeiti duna.
Kaba san uagu lárügüdana maguraasuni?
Kaba san uagu nadiherida?
Ru naali nemenigin luagu Bungiu,
ani nalawahamémebei.
Ligía Nubungiutebei Nesefuragüle!
Lídanrügüñein Bungiu nadarira darangilaü;
lúmagiñerügüñein liabin nesefurun.
Aguraba numuti lídemue Nabureme tau sun nuani;
ani afiñe au luagu lererun.
Lagundaaruba niyuma lau leremuhan bun,
lagundaaruba giñe sun núgubu, le besefurubei.
Suruti larufudahan Aburemei,
ladüga ruti ibagari le iseriti.
Úaraguati lugumadin Aburemei
ladüga chúgüdati hau gürigia ha ǘnabugubaña.
Buguya adügübalin sun núgubu;
buguya adügübalina turageirugu núguchu.
Alawaha numutibu, ladüga wéiritu nanigi,
ladüga wéiriguti katei le badügübei.
Chouru numuti lira!
Nabureme, sefubána luéi iyumaü yeeti
luma tuéi iñeñein to hanarimeti tayeehan.
Cuidar da alma
Que aproveita ao homem ganhar o mundo inteiro e perder a sua alma? Buscar a Deus de toda alma é o caminho da vida.
Kagia hu lan lun gürigia lagañeiruni sun le lánina ubóu le, leferidireime lubara sielu? Úati ni kata lánina ubóu le auti gayara lan lagañeihan gürigia libagari.
Aba lariñagun Hesusu lun:
—Hínsiñela Babureme le Bubungiute bun tau sun banigi, tau sun buani luma lau sun bisaminan.
Manufudeda humá hawéi ha gayaraabei háfaruni úgubu hilagubei ani siñati háfarunu uani; Bungiu le gayaraabei lasufuriragüdüni úgubu tuma uani máfiougati lun sun dan, ligía lunbei hanufudedun luéi.
Gama lumoun anhaün agúara luagu Aburemei le Hubungiute ñein tau sun hanigi luma tau sun huani, hadarirubei.
Lérügüñein namuriahabei huma, lun hagunfuliruni gumadi luma burí lúrudu le líchugubei Moisesi le lubúein Wabureme hun lau úaraguni, lun hínsiñe lan Wabureme le Hubungiute hun, lun héibugun lidan lémeri súnwandan aganba humeime lugumadin, falá humeime, seriwi huguyame lun tau sun hanigi luma tau sun huani.
—Au madiseeli nounwen, gama lumoun lubaragiñe nounwen, busentina lun hasubudiruni tau sun hanigi luma tau sun huani luagu gúnfulihali lan sun katei buiti le buga füramase lubéi Wabureme hun. Meredeti ni ábanrügü lídangiñe le füramase lubéi magunfulirunga.
Háluahabadina ani hadarirubadina ladüga háluahabadina tau sun hanigi.
Lariñahare Aburemei houn lumutuniña:
«Rárama humá luagu burí üma, ariha humá,
hálügüdaha luagu binadu üma,
hagéi lan üma le buídubei;
falá huméi, ábame hadarirun emeraaguni».
Aba hariñagun:
«Uá, mabusenrúntiwa wafalaruni üma ligía».
Dimurei burí bímeti ítara liña kei sírudu;
bímegüdati, ru ligía iseri erei.
Numada hínsiñeti nun, nayumuragun lun Bungiu lun buidu lan lidin sun katei bun, lun giñe magadiñe ban ítara keisi buidu lan lidin bun lidan béibugun luma Kristu.