Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Kwyɛl nɛ bot ɛ mɛbhuka
«Ye nabɛ ɛ́, bi naagwak náá: "Ye goka ɛ́, wɔ kwyɛl sɔ’ɔ mot, da wɔ ɛ́ byen mot mɛbhuka mɔ." Yɛ bɛ mam ɔɔ, mɛ kalɛɛ bin ɛ́ náá, kwyɛlka bot ɛ mɛbhuka men. Djaalaka Zɛɛb kɔ ɛsu ɛ bot ɛ di etiig bin ɔ.
Beeka yam ɛtiŋ: Gheekwyekwyɛlaka pak’en. Kwyɛlaka pak’en dáa mɛ di eboozyɛ nɛ ɛkwyɛl bin ɛ.
Kwyɛl nɛ sɔ’ɔ mot
Nàdi nɛ kola nɛ sɔ’ɔ mot, ye di ààbɛ kola kwyɛl bi di egoka nɛ ɛdi nɛ yɛ pak’en ɔɔ, etɛɛ náá, mot di ekwyɛl bɛsɔ ɔ, looba ɛ́ nɛ etsi djas.
Ye goka ɛ́ náá, mot nɛ mot sa sa di náá, mɔɔ sɔ aamyaala nɛ yɛ ɛ, étɛp ye neenyɔ nɛ nɛ, ye neekwyee nyɛ é ɛtɔ́ sok tɔ ɛdum ɛkoŋ nɛ Zɛɛb.
Saka etɛp djas nɛ lyem kwyɛl.
Beta náá, Ghɛŋ sa náá, kwyɛl bi di nɛ yɛ pak’en ɛ, nɛ kwyɛl bi di ekwyɛl bot djas ɛ, gheetetɔ́ sok. Tin, kwyɛl tak goka nɛ ɛdi ɛ́ dáa kwyɛl bis di ekwyɛl bin ɛ.
Mena aasaka dáa étɛp Zɛɛb neemyaala nɛ nena
Gheekwyekwyɛlelka pak’en dáa bɛkɛl nɛ bɛdhem. Sa mot ààdjisa ɛdjɛ bɛdjoŋ ɛ di ezyɛ pɛ daa len ɔ edi. Etɛɛ náá, é ɛsa deenek, bɛdhiiti bot naadjɛ efofop nazyɛ mɛdjoŋ pɛ daa lɔɔ edi, bɔɔ ààgu náá, bɛ nabɛ ɛ́ efofop. Taalaka nɛ bot ɛ di tɔ membok ɔ, ɛkɛɛ biyɔ pe é membok bi nɛ bɛnɔɔ. Taalaka nɛ bot ɛ di tɔ mɛtiiga ɔ, etɛɛ náá, biyɔ pe ɛ́ bot nɛ mɛnyel nɛ epuud, di nɛ ghwyil tiigaa dáa bɔɔ ɛ.
Tin, Ekwyala Zɛɛb lɛɛ ɛ́ náá: «Kwyɛla sɔ’ɔ mot dáa wɔ di kwyɛl nyel’ɔ met ɛ.» Yɛ ɛ́ tin ɛ́ etsi e Ɛyoŋ ɛ Zɛɛb, deenek, bi ɛ́ looba nɛ yɛ ɔɔ, bi eesa ɛnyɔɛpe.
É di’enek, sa di ɛnyɔɛpe dhaa tyɛ ɛ, yɛ ɛ́ ɛkwyɛlel pak’en, etɛɛ náá, kwyɛl nɛ diyal mbula mesyem.
Bi moo ɛ́ bot ɛ edɛɛ ɛ Zɛɛb, nyɛ naazesɛ́ɛ bin nɛ ɛkwyɛl ɛ bin. Yɛ ɛ́ étɛp tak ɛ di náá, bi goka ɛ́ di nɛ mɛsila, nɛ lyem ghoŋ, nɛ enɛm esa, nɛ mɛtela zɛnɔɔ ɛmaad ɛ lyem. Djiselka pak’en, da bi ɛ́ pelel pak’en. Yɛ bɛ náá, mot ngɔt ɛ́ nɛ ndjɛ nɛ mɔɔ sɔ mot ɔɔ, dáa Ghɛŋ napel bin ɛ, nyɛy pe goka ɛ́ nɛ ɛpel mɔɔ sɔ. Daŋ-daŋ ɛ́ náá, kwyɛlelka pak’en, etɛɛ náá, kwyɛl ɛ di esa náá, bi di tɔ ɛgwakel ɛnyɔɛpe.
Beta náá, egwyem ɛ Klisto djɛɛd ebhum elyem bin. Etɛɛ náá, yɛ ɛ́ kɔ ɛsu ɛ egwyem binek ɛ Zɛɛb nadjóo bin, étɛp bi needi ekyes e nyel wat. Deenek, bulalka nyɛ bhɔɔ é mɛwala djas.
Tin, beeka mɛlyo mɛ bi nagwak é mɛkɛn ɛ: Djhookwyɛlaka pak’ena.
Tin, mot di ebhina mɔn-nyɛɛg ɔ, nyɛ ɛ́ dáa mot di egó bot ɔ. Deenek, bi nɛ gu náá, bot ɛ di egó bot ɔ, bɛ tok nɛ ghwyil ɛbela tsik na kɔm-kɔm.
Beeka dáa mena di egu tyee mena di egoka nɛ ɛkwyɛl bɔɔ bɛsɔ bina ɛ: Yezu Klisto naadjɛ tsik’ɛ kɔ ɛsu ɛ lena. Deenek, ye goka ɛ́ náá, menabɛlka pe baadjɛ tsik’enaka étɛp bɔn-nyɛɛg bina.
Beeka dáa mena di egu tyee mena di egoka nɛ ɛkwyɛl bɔɔ bɛsɔ bina ɛ: Yezu Klisto naadjɛ tsik’ɛ kɔ ɛsu ɛ lena. Deenek, ye goka ɛ́ náá, menabɛlka pe baadjɛ tsik’enaka étɛp bɔn-nyɛɛg bina.
Zɛɛb ɛ́ kwyɛl
Bɛwɛn bam mɛ di ekwyɛl ɔ, djhookwyɛlaka pak’enaka, etɛɛ náá, kwyɛl dus ɛ́ pɛ daa Zɛɛb. Deenek, mot di ekwyɛl bot djas ɔ, nyɛ ɛ́ mɔn ɛ Zɛɛb, nyɛ nɛ gu Zɛɛb. Tin, mot di ààdi tɔ kwyɛl ɔ, nyɛ ààgu Zɛɛb, etɛɛ náá, Zɛɛb ɛ́ kwyɛl.