Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
So Oboki Geba Ke
<<Ku zi de su pala a siki takada Mirikisi nkye, <So guru nsude e ma dengeri ke, de ki ki obokigeba ke.> Sede Na gye ku: so obokigeba ke nja ki yi worede su ma ki ke lepa,
Doka na e shina ma; Ku so kiya ku yiri de ni so ku.
Ku So Nkyaku
Kede ku keyi basi nseda a kiya ku, sede ku so nkyaku, sobon guru nsude so yayiwa e yi e ma beyi girima te nja doka Mirikisi naka.
E kamata, konwawa e yi mbode jima yayuwa sobon kyakyawu yi, sobon de su gina beigaskye su.
Ku yi guru mbode kwa yi a siki so.
Obagizi e sa so aku de kuma nshi e ja yowa nja konse nja guru ntani, yiri de omu ma muma yi ku nshi.
Yiride Kwa Jima Mirikisi
Ku sigeba nso nkiyaku kankye nsu biya Yesu. Kede ku bila yi bakwe nnaba a gizi ku. Sobon yomuna worosu su keleba meleku a gizi asu ba nshina su ba. Ku turunwa ni worede su ma a jaru, kankye oku ma kuma a jaru nja su. Turunwa ni worede su ma Genbeki, kankye oku ma kuma Genbeki du.
Nde kuma nsubiya doka de ma a siki takada Mirikisi amu: de pala nkye <<Ku so dengeri ku yiride kwa so kiya ku,>> nde ku yi yomu, ku yi kyakya.
A beyi guru, ku so nkiya ku soseyi, sobon so nkiya ku kwa ripe lepi de ku yi nkiya ku nyowa.
Nka yomu, Yiride Mirikisi zabi ku de ku ma na yi, de ku ma nsuseki nja ntani de Mirikisi yaa so soseyi, se ku ripe kiya ku ni toseyi, soki kiya, bwala kiya, kuma ntani de sua dege kiya ba nja kadishiya. Ku kadishiya nja nkiya ku nja ku yape guru nsude yi ku mbode de ma kyakyawu ba. Ku yape yiride Obagizi yape ku. A beyi mbo worosu mu guru ku ma nsu so worosu su, sobon so yaa sa ntani de su yi zunwa gabada.
Bila de selema Kiristi yi solota a siki dishiya ku, tunde kuma nki daa na Mirikisi sukwa ku de ku yi zunwa selema. Ku ma nsu gbede Mirikisi kowoni nana.
Ku So Nkiya ku
Nsum na e ma manki de ku zi dege pari: Mu so nkiya mu.
Du nsude yaa yi geba nja yayiwa yi e ma nsu kisa nse la, ku shina nkye nsude kisa nse yaa man leyi ni dindindin ba.
Yomuna mu shina yiride so e ma: Yesu Kiristi beyi leyi yi sobon mu. Omu ma e ma dole na mu beyi leyi mu sobon yayuwa amu.
Yomuna mu shina yiride so e ma: Yesu Kiristi beyi leyi yi sobon mu. Omu ma e ma dole na mu beyi leyi mu sobon yayuwa amu.
Mirikisi E ma Nsu So La
Oku oboki na, mu so nkiya mu, so e butu anya Mirikisi la. Nsude mani so a dishiya e yi yapu yi mani Mirikisi la e kwa shina Mirikisi. Du nsude mani so a dishiya e yi ba e shina Mirikisi ba, sobon Mirikisi e ma so la.