Amor ao próximo

Ɔraa Shɔnɔpɔ̃yitɔ

43 Ɔ nta si tɛttɔ tɛ̃ɛ̃tɛ̃ɛ shɔ shanɛ, <<A ɔri shɔ gbeteu ɔraayɛtɔ a bẽẽ a shɔnɔpɔyitɔ.>> 44 Ama vigbeten gelɔɔ yɛː Ɔ ɔri ɔ shɔnɔpɔ̃yitɔ ɔ gaki shɔgbeteyi tasɔɔ raayɛ Ɗa tɔ,

12 N nya-ãsinɛ ukɔ ɔ̃rɛ nɛː ɔ ɔrii zɔtɔ, ji nagbete n ɔrɔɔ yɛ.

Ɔ Ɔri Zɔtɔ

8 Ɔkɔ ya shɔwɔ ruukɔ̃linɛ nɛ awɔ yuu, ruugbete yɛ ɔ̃ awɔ yuu ukɔ ɔ̃rɛ ɔ ɔri zɔtɔ shɔgbete kɛ pɛli vim nɛ si gɨn nya ãsinɛmtɛ.

2 Aru nankɔ u pɛli shɔ sisɨn ãnɛ gãsiyi jo vitɔ̃vɨng, nɔgbete i yɛ ɓaa ai sisɨn ãnɛ yɛ.

14 Vigbete ɔ kɛ pɛlinɛ yɛ ɔ pɛli a ɓuzɨn zɔ̃ ɔrinɛ.

12 Mɛnɛ Uɓeyelapa u pɛlɔɔ nyaba zɔ ɔrinɛ a shɔni piti kpaitɔ, u barɛ u yɛ ɗekɨnɗekɨn u ɔ̃kɛ pɛ̃niba nagbete u ɔrɔɔyɛ.

U vishonɛ gbete Ɗalapa nta Yɛti Puru a wuniyɛ

1 Ɔ yɛ ɗekɨn jo a zɔ ɔrinɛ tasinɛ ni naa shɔgbete i gɨn kirisiyi tasi zɔyɛ. 2 Ɔ tɛ shɔzatiyi naatɔ awɔ wɛrɛni. A nyabankɔ shɔwɔɔyi tɛɛ Ɗajashonɛlapayi naa ɓa ai zɛnɛ ɓa. 3 Ɔ kpaasisɨn aru shɔgbeteyi a jahɨm bi ni naa ɔ ayini a nyazɔ. Ɔ kpaasisɨntɔ aru shɔgbete i boora bini naa ɔ ayini nyazɔ.

8 Ɔyɛ pɛli ɓɛjo vitɔ̃vɨng, naa ɔkɛ gɨn Ɗa kpati roonɛ nya ãsinɛnɛ gbete shɔ kpaa a Ɗanyaruubiiyɛ, << Ɔ ɔri ɔ shɔ nyakãsiri naa ɔ ɔrɔɔ yuuyɛ.>>

8 Ayuu vi piti kpai, ɔ ɔri zɔtɔ sisɨn gbete, aruviya ɔrinɛkɔ sɔ̃ɔ̃ ruuvinirɛ piti kpai.

12 Ɔ pɛ Ɗalapa ɓɛshɔzɛyi; ukɔɔ ɔrɔɔrɛ a lɔɔrɛ nɛ ɔ ɔ̃ u ɓɛɛ. Aru nankɔ ɔ̃rɔɔtɛ kaka jazɨng a kɔrɔ ɔ ntazɔ raatɔ, ɔ rooriyuutɔ, ɔ pɛli shɔgbete i ɗɔɔraa ɓoonɛ vitɔ̃vɨng, ɔkɔɔ tuu yuunɛ ɔ mɛsisɨntɔ a zɔni. 13 Ɔkɔɔ sã zɔnɛ a sisɨnni, ɔ yaasi zɔ ruuvinitɔ, naa ɔkɛ kpaa yuu yɔrinɛnɛ a zɔni ko-pi ɗaviya, ɔ̃rɔɔtɛ kaka jazɨng a kɔrɔ ɔ yaasi zɔ ruuvinitɔ nagbete Uɓeyelapa yasɔɔ yɛ. 14 Vigbete au tɛɛ vimiyi kpai ukɔ ɔ̃rɛ zɔ ɔrinɛ, ukɔɔ ɓasi vimiyi yuurɛ ɗɔgbete kpai dangdang. 15 Ɔ̃nɛbiinyatɔ̃nɛ gbete Kirisi ãwɔyɛ pɛ aru u tasɔɔ nyaba vigbete ɔ pɛliyɛ; si jo aru ɔ̃nɛbiinyatɔ̃nɛmkɔ Ɗalapa ɓawɔɔ nya nɛ ɔ ɔ̃ gbete. Nɛ ɔ ɔ̃ shɔ dɔ̃rinɛ kopiɗaviya.

Ɔ Ɔri Zɔtɔ

11 Shɔmpɛ nya ruuba awɔ nta a ɗekɨn yɛ, ɔ̃riutɛ kaka jazɨn a kɔrɔɔ ɔ ɔri zɔtɔ.

15 Shɔgbete ikɛ bɛ̃ɛ̃ zɔnɛ, ipɛ shɔ yuvɔɔyi, ɔ zɛtɛttɔ nɛ shɔ yuvɔɔyi i Suru gbete sɔ̃ nyaɓayɛ ɓa ai biini ɓa. 16 Shɔmpɛ nogbete au zɛ ɔrinɛyɛ: Kirisi ãu Suru au yuu. Aruumkɔ ntɔtɛ ukɔma u ãu surutɔ au ɓɛzɔ̃yi yuuniǃ

16 Shɔmpɛ nogbete au zɛ ɔrinɛyɛ: Kirisi ãu Suru au yuu. Aruumkɔ ntɔtɛ ukɔma u ãu surutɔ au ɓɛzɔ̃yi yuuniǃ

Ɔrinɛ Ɗalapa

7 N masa ɔrinɛyi, u ɔri zɔtɔ, aruviya ɔrinɛ shɛ a Ɗalapa ɗɔbii. Shɔgbete kɛ ɔri zɔnɛ upɛ Ɗalapa jaa, zɛ Ɗalapa niitɛ. 8 Shɔgbete au ji ɔri zɔ ɓa, ji zɛ Ɗalapa ɓa ko fɛ̃ɛ̃, aruviya ɔrinɛ Pɛ Ɗalapa ɓɛɛ.