Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
"Mhulika tsailongighwa, ‘Mkunde munu wa habehi naghwe, na umwihile aduwi yako.’ Lekeni nene nomlongelani, muwakunde aduwi tsenu, na muwalombele awala iwomdununzani,
Alino lilyo lilaghitso lyangu, mwikunde kama apfila nene pfaniwakundile mwemwe.
Mleke kudaighwa chinu chochose ne imunu, ila mdaighwe ukwinoghela kuliheka. Mana ayula iyomnoghela myaghe kaghatimilitsa Ghamalaghitso gha Musa.
Chila imunu yamnoghelese miyaghe kwa ighanoghile, ili yamtsenge.
Msang’ane ghose kwa kwinoghela.
Imtwatsa yawatende mwongetseke ukwinoghela na kuwanoghela iwanu wose, ka twetwe pfatuwanoghelani mwemwe.
Mghendelele kwinoghela chindughu. Mleke kwisemwa kuwabokela iwahenza mmakaye mwenu, kwaapfila kwa kutenda apfo iwanu wangi tsawawabokela wamalaika aku ng’awamanyile bae. Mleke kuwasemwa awala iwali mchifungo ka mwemwe mwohighwa hamwe nawo. Muwakumbuke awala iwodununzika ka namwe mwodununzika nawo.
Mtsotenda pfinoghile ka mwoghakinda Ghamalaghitso gha chindewa, ighali mne Ghamaandiko Mahenzeluka, "Mnoghele miyagho ka pfawinoghela ghumwenyegho."
Kubita ghose, mwinoghele ng’ani mwemwe kwa mwemwe, kwaapfila unoghelo ughubikagha nzambi nyingi.
Kwaapfila mwemwe mwa iwanu we Imulungu, yeye kawanoghela na kawasaghulani muwe wanu wake, lelo mpfale ghumoyo ghwa uluso, unu unoghile, wenyepfale, uhole na ukududumila. Mwidudumile na ukwileghusila ghamatotso, ka imunu kana imbuli ye kumsing’inikila imyaghe. Mwileghusile ghamatotso ka Imtwatsa pfayawaleghusileni. Kubita agha ghose, mwongetse unoghelo, kwaapfila unoghelo wakoha ghose mne umwe iutimile. Tindiwalo lya Kiristu litawale mne imimoyo yenu. Kwaapfila Imulungu kawakema mwemwe kuwa ne tindiwalo alyo mne lukuli lumwe. Kuya mlongeghe mighede.
Ahuno usenga wamuhulike kulawa mwanduso. Twinoghele!
Imunu wowose iyomhila ndughu yake, ayo mkoma wanu, namwe mwomanya mkoma wanu kahela ughima wa ghamatsuwa ghose iukala mghati mwake. Apfi pfipfo pfatuumanya unoghelo pfauli, Yesu Kiristu katulapfila twetwe ughima wake. Na twetwe tuwalapfile ughima wetu ndughu tsetu.
Apfi pfipfo pfatuumanya unoghelo pfauli, Yesu Kiristu katulapfila twetwe ughima wake. Na twetwe tuwalapfile ughima wetu ndughu tsetu.
Sale tsangu, twinoghele, kwaapfila unoghelo wolawa kwa Imulungu. Imunu wowose iyali na unoghelo ayo kawa imwana we Imulungu na kommanya Imulungu. Imunu wowose iyalihela unoghelo, ayo ng’ammanyile bae Imulungu kwaapfila Imulungu iyo unoghelo.