Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Kwapenda andumu
"Muyu’wine panga ibayilwe, ‘Umpende wa papipi yako, na unsukwe nndumu wako.’ Lakini nenga nimmakianga panga mwapende andumu binu na kwalu’bya babantesa.
Amuli yangu' nga yi’no. Mupendane kati mwanimpendi mwenga.
Pendana kwa bandu boti
Kanemube na lileni kwa mundu ywoywoti, ila mupendane, kwa mwanjaa yu’lu' ywampenda nnyine atimisa salya.
Kwa kila yumo ywitu apalikwa kunnogelelya ywapapipi yake kwa makowe goti manogau, li’nga kunkangamaya muimani.
Mupange makowe goti muupendo.
Bwana Yesu annyongeye na auku’ye upendo wo pendana mwabene, na kwapenda bi’ngi' kati twenga mwatumpenda mwenga.
Ndi’la ya kunnogelelya Nnu’ngu'
Muyendeli pendana kati mwaalongo. Kanemulibali kwakemya ageni, kwa mwanjaa kwo panga nya bandu bi’ngi' baakemi malaika pangali tanga. Mwaku’mbu’ki bababile muutabilwe, kati mutabilwe pamope nabo. Kai' mwaku’mbu’ki balu' babaku’su’mbu’lwa, kati muku’su’mbu’lwa pamope nabo.
Mu Maandiko Mapeleteu, salya ya ukulungwa wa Nnu’ngu' ibaya panga, "Umpende ywa papipi yako kati mu’lu' mwawipenda wamwene," Mana kamupanga nnya, mwendanogeya.
Likowe lya ngama muno nga ali', mupendane kwa mwoyo woti, kwa mwanjaa upendo uwi’ki’lya uyolou wa sambi.
Bai, kwa mwanjaa mwenga musaulilwe na Nnu’ngu' na mwaapeleteu mwamupendelwa, apala mube na mwoyo wa kiya, mwanoga mwoyo, mwaagegekeu, mwatu’lya na mwakomeyi. Mukomeyane no samyana. Manaitei yumo ywinu abile na kitumbu na nnyine, mupalikwa samyana kati mu’lu' Bwana mwansami mwenga. Pamope na ago goti, muuwale upendo. Wembe nga kili’be sakilu’mbaniya kamilika. Amani ya Kilisitu itawale mumyoyo yinu. Mwenga mupangike mwa yi’ga yimo, kwa nyo mukemilwe tama kwa amani. Kai', kanemulibali kunsukulu Nnu’ngu'.
Mupendane
Abali yi’no ngayamwiyu’wine bu’ka tokyaa, panga tupalikwa pendana twabene na bene.
Ywoywoti ywaasukya aumini aine, aywo mmulagi, na mutangite panga kila ywabulaga ntu’pu' ukoti wa milele nkati yake. Kwa kitumbu si' twenga tupatike tanga upendo wa Nnu’ngu', kwa mwanjaa Yesu Kilisitu aapiyike maisa gake kwa kitumbu situ. Na twenga tupalikwa kugapiya maisa gitu kwa aumini aitu.
Kwa kitumbu si' twenga tupatike tanga upendo wa Nnu’ngu', kwa mwanjaa Yesu Kilisitu aapiyike maisa gake kwa kitumbu situ. Na twenga tupalikwa kugapiya maisa gitu kwa aumini aitu.
Nnu’ngu' nga upendo
Mwaapendwa bangu', tupendane, kwa mwanjaa upendo ubu’ka kwa Nnu’ngu'. Kila mundu ywabile na upendo, aywo abelekwi kwa Nnu’ngu' na antangite Nnu’ngu'. Mundu ywangali upendo, aywo antangiteli Nnu’ngu' kwa mwanjaa Nnu’ngu' nga upendo.