Amor ao próximo

दुस्मोनोहों मेर कोइलोअ

43 "‘ताआ दोस्ती पोअ मेर कोअ, आन ताआ दुस्मोनोअ सीस कोअ’ एहें कोयोतो, तों तुमू उनाअयेहे. 44 पोन आंय तुमुहूं कोहो के, तुमू तुमाआं दुस्मोनोहों मेर कोआ, आन जे तुमुहूं तारास कोआड़तेहें, तियांआं काजे प्रार्थना कोआ.

12 माआं आदेश ओ होय, के जेहेलीही आंय तुमापोअ मेर कोअयी, तेहेंज कोइत तुमू बी एकमेकापोअ मेर कोआ.

मेर आन जाबाबदारी

8 एकमेकापोअ मेर कोइलाआ सोड़ी देत बिहीरी कोड्लीज गोठीमेहें तुमू कोडाआ कर्जाम मा बांदाअहा; काहाके जों बिहीरापोअ मेर कोअहे, तिये देवोअ कायदाआ पालन कोअयोहो.

2 आपामेऱ्योअ हारेक जोओं जागेवालाआं विश्वास वादुहूं जोवे कोत तियाहा खुस मिकुहूं जोवे.

14 जों किबी कोअतेहे तों मेरे वाअहीं कोआ.

12 आन जेहें कोइत आमू तुमा पोअ मेर कोअताहा, तेहेलीज मेर तुमा सोतामेहें आन आखा माअहूं मेहें वादे आन वादती जाय एहेलोह प्रभु कोइ देअहूं जोवे.

ख्रिस्ती जिवन जिवीइलोअ सुसना

1 विश्वासी कोत एकमेकाअरी मेर कोइत रोवा. 2 पावणाय तोइलोअ विहिराअहा मा. काहाके यावाअहीं थोड़हा जोओं ओजाणेमेहें देवदुतोंअ पावणाय कोअयिही. 3 जें जेलेम होय तियांअरी तुमू सोताहा जेलेम होय एहलोहो होमजीत तियांआं कालजी ल्या. तुमाआं बी डिल होय, ओं इतवीत जें दुख वेठतेहे तियांआं बी कालजी ल्या.

8 खोरीज जर तुमू, "जेहेलिही सोतापोअ तेहेंज कोइत तु जागेवालापोअ मेर कोअ," या वसनोम लेखल्या राजमान्य कायदाआ पालन कोअतेय ताहां तुमू हाजो कोअतेहे.

8 आखाम रोत वोडी गोठ ए होय के, एकमेकापोअ वादार मेर कोआ; काहाके मेर पापोहो टापी देहे.✝

12 तियाहा कोत तुमू जें देवोअ निवड़ीइल्याअ होस, पवित्र आन मेराले माहें होय, तुमू वोडी माया, आन हाजली गोठी, आन हानालाय, आन सहनसेक्ती याहां पोवित ल्या. 13 जर कोडाहा एखापोअ आरोप लागाड़ुहूं जोगिही काविहीं गोठ ओय, तेबी एकमेकाहा वेंडारीत ल्या, आन एकमेकाआ सुकी माफ कोइ द्या, जेहें कोइत देवे तुमुहूं माफ कोअयेहे तेहेंज कोइत तुमू बी माफ कोआ.✝ 14 यां रोत बी जाअखो मेर ओं एक एहेलोह बंधन होय, जों आपुहूं पाक्के बोणावेहे याहा पोवित ल्या. 15 ख्रिस्ताआ होक तुमाआं मोनोम राज कोअहूं जोवे, जियाअ कोअते तुमुहूं देवे एकठेज हाद्येहे; आन तुमू आभार मानते रोवा.

एकमेकापोअ मेर कोआ

11 जो संदेश तुमू वेगे रोत उनाअयेहे तो ओंज होय के, आपू एकमेकापोअ मेर कोअहूं जोवे.

15 जो कोडो पायहोअ नेत बोअह्हींइं सीस कोअहे तों खुनी होय; आन खुनी माअहूं पोअ अमर जिवन नाहां रोतो, ओं ते तुमुहूं मुंदूज होय. 16 तिये आपाआ काजेहे सोताआ जिव आपी देदू या वाअहीं आपू तियाआ मेर ओलख्यी; आन आपू बी आपाआ पाव्हीइलाआं काजे जिव आपुहूं जोवे.

16 तिये आपाआ काजेहे सोताआ जिव आपी देदू या वाअहीं आपू तियाआ मेर ओलख्यी; आन आपू बी आपाआ पाव्हीइलाआं काजे जिव आपुहूं जोवे.

देव मेर होय

7 मेराला दोस्तां, आपू एकमेकापोअ मेर कोअहूं जोवे, काहाके मेर देवोअहें रोत होय. जों कोडो मेर कोअहे, तों देवोअ उबज्योहो आन तों देवोहो ओलखेहे. 8 जों मेर नाहां कोअतो तों देवोहो नाहां ओलखीइतो, काहाके देव मेर होय.