Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Mavulo gha upalo
"Mhyoghanila yiwa ilongilwi, umpali ghanja ghako, na kumyomelela mhakata ghako." Ila nenga ninguwalongela, muwapali wahakata wa mwenga na kuwayupila wahakata wa mwenga na wala wanguwahakila mwenga,
Laghililo ninguwalaghila ni hali mpalani mwenga kwa mwenga handa vila nenga ninguwapala mwenga.
Kulama kuupalo
Mkotoho kuwela na lideni na mundu yeyosi, ila muweli na lideni lya kupalana weka, kwaikiva yula mweni kumpala myaki, katimilisa selia.
Kila mmonga wa twenga angupalwa kuwahekelesa wayaki kwa mighalu maha, ili kuwachenga kuukwinila.
Mighalu gha mwenga hyogha na igholeki kwa upalo.
Bambu awawesesi mwenga muyongesi kupalana na kuwapala wandu wogha nesu nesu, handa twenga vila tunguwapala mwenga.
Vila tunguwesa kumuhekelesa Sapanga
Muyendeleli kupalana handa vila ingupalwa kwa wandu weni kumkwinila Kilisito. Mukotoho kuisemwa kuwakema wahenja pakaya, kwaikiva kwa kughola nagha, amonga gha wandu wapatili kuwakema watumikila wa kundumba wa Sapanga wakiva wamanya ng’ogha. Mngumbuki wala wawopwa handa na mwenga muwopwa pamonga na weni. Mungumbuki wala wangughasika handa na mwenga mngughasika handa weni.
Mtewela mngughola maheli handa mtewela mngutimilisa laghililo maha liyandikilwi kumayandiko gha Sapanga, "Umpali myako handa vila unguipala umweni," mtewela mghola maheli.
Pamonga na hagha hyogha mngupalwa myangalayi kupalana kwaikiva upalo ungugubika sambi zitangala.
Mwenga ni wandu ghaki Sapanga, mweni awapalili na kuwahaghula. Kwa nagha, muweli na moyu wa luhungu na umaha na kunyenyekela na unyalinyali pamonga na ufumilifu. Mpapilane mihighu na kulekeselana mahakata ikiva mmonga wamwenga kamgholela myaki mahakata, lekeselana handa vila Bambu awalekeselanilili mwenga. Pamonga na hagha hyogha, muweli na upalo, kwaikiva upalo ungukonganisa kila kindu kuumonga hula wa chakaka. Kuponga kunguhuma kwa Kilisito, kulongosi mioyu gha mwenga, mwenga muwela mhigha mmonga hinu mkemwa kulikala kwa kuponga, kangi muweli wandu weni kumshukwile Sapanga.
Kila mundu ampali myaki
Ujumbi muuhyoghanila kuhuma mtumbulo ndiwa hau, yiwa kila mundu ampali myaki!
Kila mundu mweni kumhyomela mlongo ghaki hayu kamkoma wandu, na mwenga mngumanya yiwa mundu yeyosi mweni kukoma kahela ukomu mghati ghaki. Kwa ndambu hai tunguwesa kumanya upalo, Yesu Kilisito ahovili kwaikiva gha twenga, kangi na twenga tungupalwa tuhumisi kulama kwa twenga kwaikiva gha wakwinila wayetu.
Kwa ndambu hai tunguwesa kumanya upalo, Yesu Kilisito ahovili kwaikiva gha twenga, kangi na twenga tungupalwa tuhumisi kulama kwa twenga kwaikiva gha wakwinila wayetu.
Sapanga angupala wandu
Wapalwa ghangu, kila mundu na ampali myaki, kwaikiva upalo unguhuma kwa Sapanga. Kila mundu mwenikuwela na upalo ni mwana wa Sapanga, na mweni angummanya Sapanga. Mundu yula mweni kuwapala ng’ogha waghangi, hayu kangummanya ng’ogha Sapanga, kwaikiva Sapanga anguwapala wandu.