Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Mbufo ema ekop ekedọhọde ete, ema mbọhọiduñ mbufo, enyuñ esua owo usua mbufo. Edi Ami ndọhọ mbufo nte, ema mme asua mbufo, enyuñ ebọñ akam ebaña mmọ emi ekọbọde mbufo,
Ewuhọ Mi edi emi: Ema kiet eken kpa nte Ami mmade mbufo.
Ekukama owo baba kiet isọn, ñkukure isọn emi mbufo ekpekamade owo edi ima ndima kiet eken. Owo ekededi emi amade owo nte enye, enim ibet.
Utu koro, ñnyin kiet kiet ikpenyene ndinem mbọhọiduñ ñnyin esit ke ufọn esie man oto do ikeme ndinam enye ọkọri ke mbuọtidem.
Enam kpukpru utom mbufo ke ima.
Yak Abasi anam ima mbufo ye kiet eken, ye kpukpru owo nde, akaka iso ndikọri tutu okpon ekesim akamba idaha emi ima ñnyin inyenede inọ mbufo adade.
Eka iso ndima kiet eken nte nditọ ete ke Kraist. Enyuñ eti ndidara mme isenowo ke ufọk mbufo. Ama enyene mme mmọ emi ekenamde ntem, ndien mmọ ema edara mme enjel ke ini mmọ mikọdiọñọke ite ke mmọ ekedi mme enjel. Eti mme mmọ oro edude ke ufọk ñkpọkọbi, nte mbufo nde edu do ke ufọk ñkpọkọbi ye mmọ. Eti mme mmọ oro ekutde ukut, nte mbufo ekut ukut nde ye mmọ.
Edieke mbufo esukde ibuot enọ mme ibet Ọbọñ nte ewetde ke ñwed Abasi ete, "Ema mbọhọiduñ mbufo nte emade idem mbufo," mbufo emenam ọfọn.
Akakan ñkpọ edi, ema kiet eken ke ofuri esit, koro ima ofukde ata ediwak idiọkñkpọ.
Mbufo edi ikọt Abasi, Enye akamama mbufo onyuñ emek mbufo nte udeme Esie. Ke ntre mbufo enyene ndisine ke idem mbufo, esit mbọm, mfọnido, nsuhọde idem, ifure ifure ido, ye ime. Enam uñwam enọ kiet eken enyuñ edahado enọ kiet eken ke ini ekededi emi mbufo enyenede mfina ye kiet eken. Enyene ndidahado nnọ kiet eken, ke ukem usuñ emi Ọbọñ akadahadedo ọnọ mbufo.
Ndien ke kpukpru mme ñkpọ emi edian ima, emi ọbọpde kpukpru ñkpọ adian ọtọ kiet ke mfọnmma edidiana kiet. Emem emi Abasi ọnọde enye ndidi ebiere ikpe ke esit mbufo, koro edi ke ntak emem emi ke Abasi okokot mbufo obok ọtọ kiet ke ikpọkidem kiet emi. Ndien enyene esit ekọm.
Etop emi mbufo ekekopde toto ke editọñọ edi, ñnyin inyene ndima kiet eken.
Owo eke asuade eyen ete esie, ke akpanikọ, enye edi ata owot owo, ndien mbufo emefiọk ete, baba owot owo ndomokiet inyeneke nsinsi uwem. Ñnyin ida emi idiọñọ ima oto ke uwutñkpọ emi Kraist okowutde ke Enye ndikpa nnọ ñnyin. Ndien ntre ñnyin ñko ikpenyene ndiyak uwem ñnyin nduọk nnọ nditọ ete ñnyin.
Ñnyin ida emi idiọñọ ima oto ke uwutñkpọ emi Kraist okowutde ke Enye ndikpa nnọ ñnyin. Ndien ntre ñnyin ñko ikpenyene ndiyak uwem ñnyin nduọk nnọ nditọ ete ñnyin.
Mme ndima ufan, eyak ñnyin ikpep ndima kiet eken, koro ima oto Abasi. Owo ekededi emi enyenede ima edi eyen Abasi, enye onyuñ ọdiọñọ Abasi. Owo emi minyeneke ima idiọñọke Abasi koro Abasi edi ima.