Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
"Ɛmɔtele kyɛ, bɛhane kyɛ, ‘Dɔ wɔ mmango, ne kyi wɔ tamfo.’ Nakoso, meka mekyire ɛmɔ kyɛ: Ɛmɔhɔ so bɛlɔ ɛmɔ atamfo, na ɛmɔbɔ mbaeɛ bɛma bɛ bɔ bɛtane ɛmɔ nye ne,
"Me ahyɛdeɛ yeɛ ole kyɛ, ɛmɔdodɔ ɛmɔ nwo kyɛbɔ medɔ ɛmɔ nala.
Nnɛmɔma ebiala kerɛ, sana ɔdɔ bɔ ɛmɔ kɔdodɔ ɛmɔ nwo ne ngome; ofikyɛ ebiala bɔ ɔdɔ ye mmango ne, wali mmeraa naso wayie.
Ɛmɔma yɛ nu biala yɛ bɔ ɔkɔsɔ ye mmango nye, nikye bɔ ɔkɔmaa okonya ngɔsoɛ.
Nikye biala bɔ ɛmɔyɛ ne, ɛmɔyɛ ye wɔ ɔdɔ nu.
Afei koso, Awurade ma ɛmɔ dɔ boso, ɔma ɛmɔnya ɔdɔ pee bɛma ɛmɔ nwo ne ebiala, kyɛbɔ yɛ koso yɛdɔ ɛmɔ ne,
Ɛmɔhɔ so bɛdodɔ ɛmɔ nwo kyɛ aliemaa mɔ. Nnɛmɔbu ɛmɔ nye bɛgua ɛwɔfoɛ bɔ ɛmɔkole bɛ naso, ofikyɛ ebiemɔ nate sɔ atee he aso lɛle abɔfo wale b’awuro bɔ né bɛnze ɔ. Bɛ bɔ bɛla prizin ne, ɛmɔkaye bɛ te kyɛ ɛmɔ ne bɛ yeɛ bɛla berɛ ɔ; na bɛ bɔ bɛteetee bɛ ne, ɛmɔkaye bɛ te kyɛ ɛmɔ ne bɛ yeɛ bɛnwu amaneɛ ɔ.
Mmeraa bɔ ɔte piri wɔ Tworɔnzɛm nanu ne ka kyɛ: "Dɔ wɔ mmango kyɛ wɔ nwo," sɛ ɛmɔdi so a, ye de ɛmɔ ayɛ nikye.
Bɔ ɔtra so ne, ɛmɔdodɔ ɛmɔ nwo paa, ofikyɛ ɔdɔ kata bɔne pee so.
Yeti, mmenia bɔ Nyameɛ aye ɛmɔ, akrongronfoɛ ne adɔfo, ɛmɔfa ahunu-ndetelɛ, paayɛlɛ, anwobraseɛ, honhom bɔ odwo, ɔne aboterɛ bɛyɛ atadeɛ bɛwura. Sɛ ebie ne ye mmango le edwirɛ a, ɛmɔhɔ so benya ɛmɔ nwo aboterɛ, na ɛmɔfa bɛhyɛ ɛmɔ nwo koraa, kyɛbɔ Awurade fa ɛmɔ bɔne kyɛ ɛmɔ ne. Ye mukoraati si ne, ɛmɔwura ɔdɔ kyɛ atadeɛ, ofikyɛ ɔka nningyein bɔnu maa odi mu. Afei, ɛmɔma Kristo asomdwie ne li ɛmɔ ahone so, ofikyɛ ɛhe ati yeɛ bɛfrɛle ɛmɔ bɛwale nipadua kõ nu ne. Na nnɛmɔyɛ bonniayɛ.
Edwirɛ bɔ ofi ahyɛaseɛ ne, ɛmɔtele yeɛ ole kyɛ: Ɛmɔdodɔ ɛmɔ nwo.
Ebiala bɔ ɔtane oliema ne te wudiniɛ, na ɛmɔse kyɛ wudiniɛ biala nne berɛ bɔ daa ngoa te ye nu ɔ.
Ɛhe yeɛ ɔmaa yɛnwu bɔ ɔdɔ kyire ɔ: Yesu fale ye ngoa tole berɛ mane yɛ, yeti odikyɛ yɛ koso yɛfa yɛ ngoa yɛto berɛ yɛma yɛliema mɔ.
Ɛhe yeɛ ɔmaa yɛnwu bɔ ɔdɔ kyire ɔ: Yesu fale ye ngoa tole berɛ mane yɛ, yeti odikyɛ yɛ koso yɛfa yɛ ngoa yɛto berɛ yɛma yɛliema mɔ.
Aliemaa mɔ, ɛmɔma yɛdodɔ yɛ nwo, ofikyɛ ɔdɔ fi Nyameɛ berɛ. Ebiala bɔ ole ɔdɔ ne, Nyameɛ yeɛ wawo ye ɔ, na ɔse Nyameɛ. Ebiala bɔ olle ɔdɔ ne, ɔnze Nyameɛ, ofikyɛ Nyameɛ yeɛ ole ɔdɔ.