6 Qalbe giddo maatamiinsha

anga atixxe’ninna qabbantetishsha anee uggudhdhi;

Jaalala reyoti caala jabachchon;

hinaafa isexxinna hirreessi caalanna gakki hitaan;

Tallissammaxxe giirashsha

jaba qico bubeniinshanna bubbaan.

7 Jirak wodi’i isee habushshi assabaan;

abbaayyatik wodi’inna isee ca’la ca’la assabaan;

Manji karra afeexxa duuchcha

jaalaltee’e uwweexxe kaddeele

manni isoo ceeggaan.

Jaaluwwi Isik

9 Tee anxe dayyo, anxe waajubichchoo qalbe anenaa’n boojiteetten;

mitte atixxe qe’lenchonni,

Marte atike goobikkinni,

qalbe anee boojiteetten.

2 Ifixxe suumexxe sunqecanni anee sunqedhuun;

jaalala atixxi woyineti caala gammachchiissa’neexxen.

3 Shitto atixxixxi fishshe anee gammachchiisse;

summi atik dunedammaxxe shittoxxe fishsheshshaten;

danchoole atee eetooleta maachchota mambe’a assitaaxxi!

15 Tee anxe eeyyamallo ati hittata danchate!

Hittata danchitte!

Ille atixxi guugenjotishsha danchaten.

Waajubichcho

16 Koo anke eeyemallo hittata danchake;

hittata biiffa’ette;

taqe no’oxxinna quffeexxe arsoshshaten.

Labbaka Waajubichcho

18 Lebeexxi Duuchchi Woddik Gootti Mageni «Manji qofi hedha eloxxeba’a; tennexxee weli aagaaka, gargaarsanjo isi’a dando» hiyye.

22 Ookkoneechchi uduma Duuchchi Widdik Gootti Magen Addaamike cinaachchanaa’ni aadhemmaka micco meyyaxxe asse giisse; iseenna Addaamiba’a iyyedage.

23 Addaaminaa

«Kunni micci anke micconaa’n,

maalikinna anke maalinaa’n afemeeken;

ise labbakenaa’n afendemaxxee’e meyyaxxe* hiyyenduun.»

24 Tennexxee Labbak annakannaa ama ifixxa waalaan; are ifixxeninnaa weli mitteke kandaan; lamiingi mitte maala kandaan.✝

22 Are aadheek eloxxe yaane alfe,

tinninna Duuchchi Woddik Gootti eloxxa isi’a asse hiyyote.

18 Tennexxe muttaara atixxi are ati’a muummetike wode’e kaddemmaxxee,

ise’n gammad.

19 Ise ati’a eeyyemeeke meyyake gadansan; danchumma callixxe geedummashsha,

unun isek atee duuchchii wodda goddisowwaal,

jaalala isexxinna ate’e boojito’o.

20 Anke beltoo! Yabaabulto manjoxxe jaalalanni mayee machchoottatto?

Wele mannixxa are mayeeta hanqalfitatto?

6 Tennexxee insa’ne mitte biso malee’e lamekebaan. Yoona Mageni genci asse’e mitteke asseeka meenni manji gargar hiissowwaal.»

4 Jaalala ossita, arjatte, gaabbitaba’a, hollitaba’a ifinna dukaba’a, 5 hassissabaaxxa assitaba’a, umo ifikee calla kaddaaxxa halstaba’a, hifattaba’a, ballees godoba uggudhitaba’a. 6 Jaala dhugaate’n gammaddaa malee’e fuggoxxe’ni gammadaba’a. 7 Jaalala duuchchii wodda ossitaan, duuchchii wodda amnadaan, duuchchii wodda addataan, duuchchii wodda ti’ni hitee urritaan.

28 Iittanni aro’uwwi ifi ifixxa aruwwa ifi ifike umishsha eeyya hassissaan; aruwwa ifixxanna eeyya hasissaani; ifixxa are eeyyaaki umo ifika eeyyaan. 29 Ayyinna ifika biso gibaaki hedhebaani; eettenexxa bakka biso ifika itisa’nee xexe’ataan; Kiristoosinna Mageniinxa tuuta’a asse’emmak ittandemman.

33 Kadomalee ha’nonaa’n mitti mitting are ifixxa ifike umishsha eeyyowwaali; aretinna ifika aro’o ulifeessitowwaali.

14 Tenne duuchchi iimi darre duuchchiinxe yaane’a wo’ma mittumma iyyedaggaxxa jaalala oddo’we!

9 Mitteba huccinoole eloxxa la’o alfinammaxxee

mitteke kadati mannii’n lameke kada woyyan.

10 Lami giddii’n mitti iboole mitti ke’issaan;

iboole ke’issaaka afebaak kinni hitta yaadisaake manjo!

11 Lami welti diiphoole lamiingi eebbaan;

mitti qofitti dhiiphoole kinni hitta eebba?

12 Mitti manjichchi qofitti mitte manjichchinni lolemoole

injifataaxxinna hexxeen; yaane kinni lame manjinni lolemoole dande’abaan;

Sakka assine sirinbe ganneexxi wodaro kutendaba.

15 Duuchchi Woddik Gootti insa’nee mitteke assemmabaata? Insa’ne maalikinna hafuurik isiken; mayeete insa’nee mitteke asseechchi? Mageniinxa soda’a affeexxa horte hasa’neemmaxxeeten. Tennexxee hafuura ha’nooka heqqedhdhe; ha’nooxxe oosummatixxe are’aa affineemmaxxa xuurameessumma xe’yishshinoqqe’e.

5 Reefi aadheek manji bagedo duuloqqe’e, isi wele huje hujoqqe’e. Mitte wogga’a hujebelo tolanga mine ifike’ni aadhemmaxxa ifixxa are gammachchisowaal.