Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Nitowe enga kilagiso mwo moyo wako
enga lagiso mwo mkono wako
kwaviya lukunde luna ludole enga file
finju nazo ni enga kikuta
ukoka enga moto ivo ukukweela vitendese.
Wakweela enga lubalula
Mazi mengi hayakudaha kuuzima lukunde
malawo nayo hayakudaha kuuzima
Enga ivo mnt’hu akageza kugula lukunde
icho naapate ni lubezo du.
Weye mtumizwa ywangu kuubwedeza umoyo wangu,
kwa kunikaula lumwenga du,
na kwa usalu wako uwo wa mwe singo.
Uninonele no mnomo wako,
kwaviya lukunde lwako lwanitenda ninde na kinyemi kujink’ha divai.
Mhemp’he wako wevika vedi,
naho zina dyako ni enga mhemp’he ugidigwe.
Nivo vikuleka wali wakuungisa.
Kaula ivo wili mbwanga.
Meso yako ni enga ya suwa.
Kaula ivo uwagilwe weye hukuungisa,
naho ubwanga wako hiubweda,
lusazi lwetu nalo ni enga mani yekwani.
Niyo Zumbe Mnungu afanyanyaga mwenye kugamba, "Hivo vedi mnt’hu uyu ekale ekedu. Nenimuumbile mwambizi akuunga amwelele."
Amuumbaga mvele kulawa mwo lubavu niyo amwigaila uyo mnt’hu. Niyo uyo mnt’hu agamba,
"Haluse, uyu vuha kulawa mwa mavuha yangu
naho nyama kulawa mwe nyama yangu,
neetangwe mvele,
kwaviya kalavigwa mwe mgosi."
Kwe mbuli iyo mgosi naamwase ise na nine no kutimilana na mkaziwe, naho nawalungane kunda mwili umwenga.
Akupata mkaziwe apata kint’hu chedi, naye apata geleko dyedi kulawa kwa Zumbe Mnungu.
Unde na kinyemi kwa mkaziwo, naho welelwe ni mkaziwo uyo umlombile. Ni ywedi ahomboele, uwedi wakwe welela kila lupisi, naho kwa lukunde lwakwe welelwe mazuwa yose. Mwanangu nii kukailwa ni mvele mhabwasi? Naho nii umkumbatile mvele wa mwenye?
Hawande waidi naho, woho wanda mwili umwenga. Kwa ivo walunganywe ni Mnungu, mnt’hu ase kuwa panga."
Mta lukunde afinyiliza, ana kise, hana finju, hakukeduvya, hakukefenya,
Mta lukunde hakuswesa kunda na wogofi, hakuzungula mbuli zakwe mwenye naho hana maya naho mta lukunde hakuika nk’humbukila za maihi adamanyilwe ni want’hu. Mta lukunde hakusekeela wiihi, yehe ana kinyemi mwe kindedi du. Mta lukunde hakuuya kunyuma, mta lukunde ahuwila yose, naho akawiila yose, naho hakudunduga.
Ivo wagosi wawaungise wavele wawe enga viya wakuiungisa imili yawe, naho yeyose akumuungisa mkaziwe akeungisa yehe mwenye. Hakuna mnt’hu yeyose akuwiihiya umwili wakwe mwenye, vituhu vakwe awink’ha nk’hande na kuuvala suke. Ivo nivo Kilisito akudamanya kwa want’hu wose wamhuwile,
Mna naho aya ni ya nyuwe, kila mnume aungwa amuungise mkaziwe enga ivo akukeungisa mwenye, naho kila mvele aungwa kumtegeleza mgosiwe.
Kwa kongezela, mnde na lukunde, kwaviya lukunde lwalunganya kila kint’hu mwo uhamwenga ukint’hile.
Ni vedi kunda na mvele kujink’ha kunda wikedu kwaviya waidi awa nawapate maliho yedi kwajili yo undima wawe. Uneva mnt’hu yumwenga anagwa miyawe naamwinule, Mna hangi yehe mwenye mnt’hu akunda ekedu niyo agwa, uyo haande na mnt’hu ywa kumwinula. Naivo waidi wananda hamwenga nawadahe kwambizana, mna ananda ekedu haadahe kukeambiza mwenye? Hamwenga na kugamba mnt’hu yumwenga ekedu adaha kuhumwa ni mnk’hondo, mna wananda waidi nawamhume mnk’hondo ywawe. Hiyo vihufu kukant’ha sigi nt’hatu zinabilingwa hamwenga.
Miko ihengi
"Mgosi yeyose alombile mazuwa ya hagihi asekuita kwe nk’hondo, naho asekwink’higwa ndima yeyose, alekelwe ekale kwa mwaka umwenga, vileke ekale kaya na mkaziwe."