Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
A̱ꞌkhue̱n niꞌthán Ana̱ꞌlóꞌ Mikhuíí: «Ra̱máján ma̱xtáa xa̱biya̱ mbáwíi. Ma̱ni̱i̱ mbáa tsí phú jaꞌyoo rí mitambáyíi̱ gáꞌne».
Itso̱ xo̱xto̱o̱ xa̱biya̱ rí niríya̱ꞌ Ana̱ꞌlóꞌ Mikhuíí, ikhaa ne̱ niꞌnii̱ mbáa a̱ꞌgo̱, jamí ni̱ꞌkha̱ jayáa̱ inuu xa̱biya̱. A̱ꞌkhue̱n niꞌthán Adán: «Tsíge̱ꞌ tsí phú gakon rí ikhaa xuyu̱ꞌ ñajuun rá, jamí ikhaa máꞌ itsu̱ꞌ ñajuu̱n. Ma̱ꞌne mbiꞌyuu̱ "a̱ꞌgo̱", numuu rí nigájnuu̱ ná xo̱xto̱o̱ xa̱biya̱».
Ikhaa jngó xa̱biya̱ naniñuu anu̱u̱ jamí ru̱dúu rí ma̱mba̱xúu̱ ga̱jmáa̱ a̱ꞌgui̱i̱, jamí naꞌni̱i̱ i̱mba̱wíi xa̱bo̱ ñajúu̱n.
Tsí nandoo jaꞌñúú xa̱bo̱ phú mba̱a̱ a̱kuii̱n, jamí phú májáan a̱kuii̱n. Tsí nandoo jaꞌñúú xa̱bo̱, tsíxígu̱u̱ꞌ, tsíꞌne-tsiꞌyée̱ ni máꞌ tsíkúxe̱-mine̱e̱ꞌ. Tsí nandoo jaꞌñúú xa̱bo̱, tsíꞌnii̱ nimbá rí nda̱a̱ gamakuu, tsíndxaꞌwá-mine̱e̱ꞌ i̱ndo̱ó máꞌ ga̱jma̱á numuu̱ ikhaa̱, tsíjiꞌnáa̱, tsíka̱ jayóo̱ sia̱nꞌ. Tsídxu a̱kuii̱n eꞌne rí ra̱máján, rí nadxu a̱kuii̱n eꞌne rí gakon. Tsí nandoo jaꞌñúú xa̱bo̱, mbá xúgíí naꞌne mba̱a̱ a̱kuii̱n jaꞌyoo̱, mbá xúgíí nanimbo̱o̱ꞌ, mbá xúgíí na̱gi̱ꞌthu̱u̱n, mbá xúgíí na̱ꞌngo̱o̱ a̱kuii̱n.
Xkuaꞌnii máꞌ xa̱bekha tsí ni̱ni̱ꞌgúún mangaa, gíꞌmaa rí ma̱gúu̱n juñúu̱ gu̱ꞌwíi̱n, xómá rí nandúu̱n juya-mijnée̱ ikhii̱n. Tsí nandoo jaꞌyoo a̱ꞌgui̱i, ikhaa̱ máꞌ nandoo̱ jaꞌya-mine̱e̱ꞌ. Numuu rí asndo nimbáa xa̱bo̱ tsíꞌne-mina̱ꞌ mi̱ndaꞌkho rí ikhaa̱. A̱ꞌkhue̱n gakon, naxná-mine̱e̱ꞌ rí ndaꞌyóo̱ jamí na̱ña̱wa̱n-míne̱e̱ꞌ, xómá rí naꞌne Krísto̱ mangaa ga̱jma̱á numúú tsí nanimbu̱únꞌ juyáa̱,
Ikhaa jngó, mbámbáa tsí ikháanꞌlaꞌ ga̱goo jaꞌyoo a̱ꞌgui̱i mangaa, xómá rí nandoo jaꞌya-mina̱ꞌ mbámbáa tsí ikháanꞌlaꞌ. Xúꞌkhue̱n máꞌ a̱ꞌgo̱ tsí ninújún mangaa, gaya-makuu̱ a̱jmbaa̱.
Rí phú i̱tha̱án gíꞌdoo numuu ñajuun rí ma̱galaꞌ ju̱ya̱-mijnálaꞌ, numuu rí ikhaa rúꞌkhue̱n ma̱ꞌne rí mbóó idxa̱ꞌlaꞌ gáꞌne.