amor de Deus
O amor de Deus é a maior realidade do universo. Ele nos amou com amor eterno, incondicional e sacrificial — e nada no mundo pode nos separar desse amor.
Amor eterno
Deus amou o mundo de tal maneira que deu o seu Filho. Seu amor é de eternidade a eternidade — nunca falha.
Zɛɛb naadyeebakwyɛl bot kɔ bɔs, étɛp tak ɛ nyɛ ɛ́ nadhis sim Mɔn’ɛ met. Etɛɛ náá, mot aadum koŋ nɛ nɛ ɔ, needi ààgwyɛ, nyɛ neebela tsik na kɔm-kɔm.
Tin, Zɛɛb naatel dáa nyɛ di ekwyɛl mena ɛ: Klisto nagwyɛ ɛ́ kɔ ɛsu ɛ lena, é ghɛŋ mena nadika mena dinaa bot ɛ mesyem ɛ.
Nɛ tsɛɛtsɛ, mɛ nɛ gu náá, dhiiti sonok tok nɛ ghwyil ɛbɛk mena nɛ kwyɛl Zɛɛb di nɛ yɛ nɛ nena ɛ:
Ye nakoozodi ɛsyee nɛghu tsik,
ye nakoozodi efofop,
ye nakoozodi edhiiti ekukuma,
nɛghu membi mɛ mɛbwala mɛ di pɛ tɔ gwoo ɛ,
ye nakoozodi etɛp e mos nɛghu etɛp e djɛmɛn,
ye nakoozodi esa e mɛbwala mɛ di tɔ gwoo nɛghu pɛ si bɔs ɛ,
ààkobɛ-bɛak sa wat nakusaa-kusak ɛ,
ye tok nɛ sa wat di nɛ ghwyil ɛwa ndje tɔ kwyɛl di pak bis nɛ Zɛɛb ɛ.
Zɛɛb naalyaal mena kwyɛl tak kɔ ɛsu ɛ Yezu Klisto Ghɛŋ’enaka.
Natureza do amor divino
Deus é amor. O amor é paciente, benigno. O amor do Pai nos adota como filhos e nos transforma à sua imagem.
Zɛɛb ɛ́ kwyɛl
Bɛwɛn bam mɛ di ekwyɛl ɔ, djhookwyɛlaka pak’enaka, etɛɛ náá, kwyɛl dus ɛ́ pɛ daa Zɛɛb. Deenek, mot di ekwyɛl bot djas ɔ, nyɛ ɛ́ mɔn ɛ Zɛɛb, nyɛ nɛ gu Zɛɛb. Tin, mot di ààdi tɔ kwyɛl ɔ, nyɛ ààgu Zɛɛb, etɛɛ náá, Zɛɛb ɛ́ kwyɛl.
Beeka dáa Zɛɛb di elyaal náá, nyɛ nɛ kwyɛl mena ɛ: Nyɛ naadhis Sɛɛŋɛlɛ Mɔn’ɛ kɔ ɛko ɛ bɔs, étɛp bot neebela tɛtɛ tsik kɔ ɛsu ɛ lɛ. Beeka sa di edjóoaa kwyɛl ɛ: Ye tok náá, menabɛlka ɛ́ nakwyɛl Zɛɛb, tin, yɛ ɛ́ nyɛ ɛ nakwyɛl mena. Nyɛ bookadhis Mɔn’ɛ, mot naka nyel’ɛ é buwa étɛp ɛpelak ɛ mesyem mena ɔ.
Bɛwɛn bam, dáa di náá, Zɛɛb nɛ kwyɛl mena deenek ɛ, mena gokaka ɛ́ nɛ kwyɛlel pak’enaka.
Yɛ kabɛ bisɔ ɔɔ, bis nɛ gu, tin, bis nɛ myaal náá, Zɛɛb nɛ kwyɛl bis. Zɛɛb ɛ́ kwyɛl, mot di ekɛ tɔ kwyɛl ɔ, mot tak ɛ́ sama wat nɛ Zɛɛb, deenek, Zɛɛb ɛ́ sama wat nɛ nɛ.
Yɛ kabɛ menabɛlka ɔɔ, mena kwyɛlelka ɛ́, etɛɛ náá, Zɛɛb ɛ naleekan ɛkwyɛl mena sok.
Bɔn ɛ Zɛɛb
Beeka mbi kwyɛl Zɛɛb Sɛɛg di nɛ yɛ nɛ nena ɛ, mɛkwyɛla mɛ tak ɛ di esa náá, mena djóoaaka bɔn ɛ Zɛɛb. Tin, nɛ tsɛɛtsɛ menaka ɛ́ bɔn bɛ. Deenek, bot ɛ bɔs’ak nabɛ ɛ́ ààgu mena, dum nɛ tɛp tak ɛ bɛ di ààgu nyɛy Zɛɛb.
Ɛtiŋ ɛ na bes
Bɔn-nyɛɛg bam mɛ di ekwyɛl ɔ, ɛtiŋ ɛ mɛ di ekwyal bin wak’aak tok ɛtsiŋ ɛ na bes, yɛ ɛ́ ɛtsiŋ ɛ na mwa, bi nazegwak é mɛkɛn tɔɔɔ ɛ. Ɛtsiŋ ɛ na mwa tak ɛ́ mɛkpa mɛ bi nazegwak ɛ. Bela náá, yii mɛ kabaadi ekwyal bin kwyala sis’aak ɛ́ ɛtiŋ na bes. Etsɛɛtsɛ e tak nyen ɛ́ tɔ tsik ɛ Klisto, dɔɔ nɛ tɔ tsik’en, etɛɛ náá, ghooghom ɛpetɔ́ nɛ ɛsi, tɛtɛ gwyɛ ngel moo kan ɛnyen.
Etɛɛ náá, ɛkwyɛl Zɛɛb ɛ́ ɛlooba nɛ mɛtiŋ mɛ. É di’enek, mɛtiŋ mɛ tak tok nɛ mezuk,
Kwyɛl ɛ́ ɛmaad, kwyɛl ɛ́ ɛsa enɛm esa, kwyɛl tok nɛ zok, kwyɛl tok nɛ ɛbet, nɛghu ɛghɛa nyel.
Expressões do amor de Deus
O Senhor nos ama com alegria e canta sobre nós. Queni a mim vem, amará; e quem me ama, o Pai o amará.
Deenek, mɛ di nɛ tsik mos ɔɔ, ye tok mam di nɛ tsik, yɛ ɛ́ Yezu Klisto ɛ di nɛ tsik tɔ lam. Etɛɛ náá, tsik mɛ kadi nɛ yɛ mos kɔ ɛko ɛ bɔs’ak ɛ, yɛ ɛ́ kɔ ɛsu ɛ ɛdum ɛ koŋ ɛ lam nɛ Mɔn ɛ Zɛɛb, mot nakwyɛl mɛ, da djɛ tsik’ɛ étɛp mɛ neetsak ɔ.
Tin, Zɛɛb ɛ́ nɛ boo lyem ghoŋ, nyɛ nɛ kwyɛl mena ɛbuɛpe dhaa nyel. Yɛ ɛ́ dum nɛ kwyɛl tak ɛ, nyɛ nasa náá, mena baadika nɛ tsik sama wat nɛ Klisto. Dáa ye di náá, mena naazegwyɛka étɛp ɛdjak ɛ lena ɛ, Zɛɛb natsik mena ɛ́ kɔ ɛsu ɛ enɛm nɛ embɛɛ bɛ.
Beta náá, Ghɛŋ djɛɛd ebhum elyem bin tɔ kwyɛl ɛ Zɛɛb nɛ tɔ ɛmaad ɛ lyem dáa Klisto.