16 ፆሳ ናኣ አማንያ ኡባይ መርና ደኡዋ ላታናፐ አትሽን፥ ዮና መላ ፆሳይ ሀ አላምያ ዳሮ ዶስዳ ግሾ ባ እስ ናኣ እሚስ።

8 ሽን ኑኒ ቡሮ ናጋራንቾ ግድድ ደእሽን፥ ክርስቶስ ኑ ግሾ ሀይቅስ። ሄስ ፆሳይ ኑና አይ መላ ሲቅያኮ እያ ሲቁዋ በሴስ።

38 ሄሳ ግሾ፥ ሀይቆ ግድን ደኦ ግድን ኪታንቾታ ግድን ሃረይሳታ ግድን ሀእ ደኤይሳ ግድን ስንፈ ያናይሳ ግድን ዎልቃማታ ግድን፥ 39 ሳሎ ዎልቃ ግድን ሳአ ዎልቃ ግድን አይ መተ ግድን ኑ ጎዳ፥ ክርስቶስ የሱሳን ደእያ ፆሳ ሲቁዋፐ ኑና ሻካናዉ ዳንዳኦናይሳ ታኒ ኤራስ።

3 ታኒ ኤንታዉ ሃሆ በሳፈ ቆንጫስ፤ ታኒ ህንተና መርና ሲቁዋን ዶሳስ፤ ታ ቃያን ህንተና ታኮ ሺሻስ።

1 ጎዳ ጋላትተ!

እ ኬሀ፤ እያ ሲቆይ መርናሳ።

8 ጎዳይ ቃተይሳነ ማረይሳ፤

ሀንቀታናዉ ኤሶተና፤ እያ ሲቆይ ዳሮ።

15 ሽን አቤት ጎዳዉ፥

ኔኒ ቃትያነ ማርያ ፆሰ።

ኔኒ ሀንቀታናዉ ጋምኣሳ፤

ሲቆይነ አማነተ ዳርዳይሳ።

3 ነ ሲቆይ ደኦፐ ሎእያ ግሾ፥

ታ እንፃርሳይ ነና ቦንቻና።

7 ታ ሲቆ እሻቶ፥ ሲቆይ ፆሳፈ ያ ግሾ፥ አነ እሶይ እሱዋራ ሲቀቶስ። ሲቅያ ኦንካ ፆሳ ናአ፤ እ ፆሳ ኤሬስ። 8 ፆሳይ ሲቆ ግድያ ግሾ ሲቆና ኦንካ ፆሳ ኤረና።

9 ኑኒ ክርስቶሳ ባጋራ ደኡዋ ደማና መላ ፆሳይ ባ እስ ናኣ ሀ አላምያ ኪትስ። ፆሳይ ኑና ባ ሲቁዋ ሄሳን በስስ። 10 ቱማ ሲቆ ጉሳይ ሀይሳ፦ ኑኒ ፆሳ ሲቅዳ ግሾ ግዶናሽን፥ ፆሳይ ኑና ሲቅዳ ግሾነ ኑ ናጋራፐ ኑና ማራናዉ ባ ናኣ ኪትዳ ግሾሳ።

11 ታ ሲቆ እሻቶ፥ ፆሳይ ኑና ሀይሳዳ ሲቅኮ፥ ኑካ እሶይ እሱዋ ሲቃናዉ በሴስ።

16 ፆሳይ ኑና ሲቀይሳ ኑኒ ኤሮስነ አማኖስ።

ፆሳይ ሲቆ። ሲቆን ደእያ ኦንካ ፆሳን ደኤስ፤ ፆሳይካ እያን ደኤስ።

19 ፆሳይ ኮይሮ ኑና ሲቅዳ ግሾ ኑ ሲቆስ።

1 ኑኒ ፆሳ ናይታ ጌተትድ ፄገታና መላ ፆሳይ ኑና አይ መላ ዶስዳኮ በእተ። ኑኒ ቱማካ ፆሳ ናይታ። ሀ አላመይ ፆሳ ኤሮና ግሾ ኑናካ ኤረና።✝

7 ታ ሲቆ እሻቶ፥ ታኒ ህንተዉ ኮይሮፐ ደእያ ጋልአ ኪታ ፃፋይስፐ አትሽን፥ ኦራ ኪታ ፃፍከ። እካ ህንተ ስእዳ ሄ ጋልአ ኪታ።✝ 8 ግድኮካ፥ ክርስቶሳንነ ህንተናን ቱማ ግድድ ደእያ፥ ኦራ ኪታ ፃፋይስ። ማይ ክችን፥ ሀእ ቱማ ፖኦይ ፖኤስ።

3 ኑኒ ፆሳ ሲቅኮ፥ እያ ኪታታ ናጎስ። እያ ኪታት ዴፆ ግዶኮና።✝

4 ሲቆይ ዳንዳአንቾ። ሲቆይ ኬሀ። ሲቆይ ቃናተና። ሲቆይ ጬቀተና። ሲቆይ ኦቶረና።

17 ጎዳይ፥ ነ ፆሳይ ነ ግዶን ደኤስ፤

እ ነዉ ፆኖ እምያ ኦላንቹዋ።

እ ነናን ኡፋይታና፤

ባ ሲቁዋን ነና ኦራና።

አሳይ ባኣለ ጋላስ ማዝሙረ የፀይሳዳ፥

እ ነናን ኡፋይተይሳ ማዝሙረ የፅድ በሳና" ያጋና።

17 ታና ዶሰይሳታ ታ ዶሳይስ፤

ታና ምንድ ኮየይሳት ደማና።

4 ኔኒ ታ ስንን አልኦነ ቦንቾ ግድያ ግሾ፥

ታኒ ነና ዶስያ ግሾ፥

አሳ ነ ግሾ፥ ካዎተታ ነ ሸምፑዋ ግሾ

ላመ ኦዳ እማና።

9 አቤት ፆሳዉ፥ ነ ኬን

መርና ነ ሲቁዋ ቆፖስ።

10 ነና ኤረይሳታስ ነ ሲቆይ፥

ዎዛና ሱረታስ ነ ፅሎተይ ቃንፀተና።

20 ታኒ ክርስቶሳራ ማስቃልያ ቦላ ካቀታስ። ታኒ ህዛፐ ታዉ ደእከ፥ ሽን ክርስቶስ ታናን ደኤስ። ታ ሀእ ደእያ ደኦይ፥ ታና ዶስድ ታ ግሾ ባና አድ እምዳ ፆሳ ናኣ አማናዳ ደአይስ።

4 ሽን ፆሳ ግታ ማሮተፈነ ኑስ ደእያ ግታ ሲቁዋፐ ደንድዳይሳን፥ 5 ሀር አቶሽን ኑኒ ኑ ቆሁዋን ሀይቅድ ደእሽን ክርስቶሳ ባጋራ ኑስ ደኦ እሚስ። ህንተካ አትዳይ ፆሳ አ ኬሀተና።

14 ጎዳ የሱስ ክርስቶሳ አ ኬሀተይ፥ ፆሳ ሲቆይ፥ ጌሻ አያና እስፈተይ ህንተ ኡባራ ግዶ።

5 ጎዳይ ህንተ ዎዛና ፆሳ ሲቁዋኮነ ክርስቶሳ ዳንዳኣኮ ካለ።